လံာ်စီၤယိၤၡူ 7:11 - Sgaw Karen Common Bible

¹¹ အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.

လံာ်စီၤယိၤၡူ 7:11 Iomraidhean Croise

လံာ်စီၤပၤခံဘ့ၣ်တဘ့ၣ် 18:12

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်တစူၢ်ယွၤ, အဝဲသ့ၣ်အကစၢ်ယွၤဘၣ်, မ့မ့ၢ်ဘိးဃၣ်ကွံာ်တၢ်အၢၣ်လီၤအီလီၤလၢ ယွၤမၤတ့ၢ်ဒီးအဝဲသ့ၣ်, ဒီးတစူၢ်ဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ဟ့ၣ်လီၤလၢယွၤအခ့အပှၤစီၤမိၤၡ့အဃိန့ၣ်လီၤ. အဝဲသ့ၣ်တဒိကနၣ်တၢ်ဒီးတစူၢ်တၢ်ဘၣ်.

လံာ်စီၤပၤခံဘ့ၣ်တဘ့ၣ် 5:24

တုၤအလဲၤတုၤဆူတၢ်လူၢ်ဖဲစီၤအလံၤၡါအိၣ်ဝဲန့ၣ်, စီၤက့ၤဃစံဟံးန့ၢ်စ့ထၢၣ်ခံဖျၢၣ်န့ၣ်ဒီးက့ၤစိာ်နုာ်ဝဲဆူ ဟံၣ်ပူၤန့ၣ်လီၤ. အန့ၣ်ဝံၤဒီးအဝဲဆှၢကဒါက့ၤစီၤနဧၤမၣ်အခ့အပှၤတဖၣ်န့ၣ်လီၤ.

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ဟိၤၡ့ 6:7

ဘၣ်ဆၣ်ဒီးဒ်စီၤအၤဒၣ်အသိးန့ၣ်, အဝဲသ့ၣ်မၤဟးဂီၤကွံာ်တၢ် အၢၣ်လီၤအီလီၤလၢယမၤဒီးအဝဲသ့ၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:15

ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်ဃဘးကူာ် 2:6

ပှၤလၢအဘၣ်တၢ်မၤနၢၤအီၤတဖၣ်ကကတိၤဆဲးအဲးဒီးဒုၣ်ဒွဲၣ်ပှၤလၢ အမၤနၢၤအီၤတဖၣ်လီၤ. အဝဲသ့ၣ်ကစံးဝဲ, “သုဟံးန့ၢ်တၢ်လၢအတမ့ၢ်ဘၣ်သုတၢ်, ဘၣ်ဆၣ်ဒီးသုဘၣ်တၢ်စံၣ် ညီၣ်ဃါမနၤလီၤ. မ့ၢ်သုကမၤထူးထီၣ်တီၤထီၣ်သုသးခီဖျိတၢ်မၤဆူၣ်ပှၤလၢအကမၢ် အိၣ်ဒီးသုတဖၣ်ကဘၣ်လိးက့ၤအကမၢ်န့ၣ်ဆံးယံာ်လဲၣ်.”

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်မးသဲ 22:21

အဝဲသ့ၣ်စံးဆၢဝဲ, “မ့ၢ်ရိမ့ၤအစီၤပၤဖးဒိၣ်အခိၣ်အဂီၤဒီးအမံၤလီၤ.” တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, တၢ်လၢအဘၣ်ဃးဒီးရိမ့ၤအစီၤပၤဖးဒိၣ်န့ၣ်, ဟ့ၣ်ရိမ့ၤအစီၤပၤဖးဒိၣ်, ဒီးတၢ်လၢအဘၣ်ဃးဒီးကစၢ်ယွၤန့ၣ်, ဟ့ၣ်ကစၢ်ယွၤတက့ၢ်.”

မၤတၢ် 5:9

အန့ၣ်ဒီးစီၤပ့းတရူးစံးဘၣ်အီၤ, “ဘၣ်မနုၤလၢနၤဒီးနဝၤ, သုပာ်လီၤသုသးလၢသုကမၤကွၢ်ကစၢ်အသးစီဆှံန့ၣ်လဲၣ်. ပှၤတဖၣ်လၢအလဲၤခူၣ်လီၤနဝၤအစိၣ်န့ၣ်ဟဲက့ၤတုၤဖဲတြဲၤအခီၣ် ထံးလံ. ဒီးကစိာ်ထီၣ်ကွံာ်စ့ၢ်ကီးနၤန့ၣ်လီၤ.”

လံာ်သိၣ်လီၤသီလီၤတၢ် 17:2

ပစံးဒၣ်ကလိာ်, သုနၢ်ဟူလၢဝ့ၢ်တဖျၢၣ်လၢသုဝ့ၢ်တဖၣ်အကျါအပူၤ န့ၣ်, ပှၤပိာ်ခွါတနီၤမ့ၢ်ဂ့ၤ, ပှၤပိာ်မုၣ်တနီၤမ့ၢ်ဂ့ၤ, မၤတၢ်ဒဲးဘးထီဒါယွၤဒီးမၤဟးဂီၤအတၢ်အၢၣ်လီအီၤလီၤ,

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:10

ယွၤစံးဘၣ်စီၤယိၤၡူ, “ဂဲၤဆၢထၢၣ်တက့ၢ်. ဘၣ်မနုၤနမံလီၤလၢဟီၣ်ခိၣ်လိၤဒ်အံၤလဲၣ်.

လံာ်ပှၤစံၣ်ညီၣ်ကွီၢ် 2:20

အန့ၣ်တစုယွၤအသးကဲၤထီၣ်ဘၣ်ပှၤအံၣ်စရ့လးဖိစံးဝဲဒၣ်, “ပှၤတကလုာ်အံၤမၤဟးဂီၤကွံာ်တၢ်အၢၣ်လီၤအီလီၤလၢယမၤလိာ်တ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်ဒ်သိးအကတိၢ်န့ၢ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:38

တုၤနုၤတစု, စီၤစီလူးစံးဘၣ်ပှၤဂီၢ်မုၢ်အခိၣ်အနၢ်တဖၣ်, “ဟဲဆူအံၤဒီးဃုထံၣ်တၢ်ဒဲးဘးမနုၤဘၣ်တၢ်မၤတ့ၢ်အီၤလဲၣ် န့ၣ်တက့ၢ်.