လံာ်စီၤယိၤၡူ 6:3 - Sgaw Karen Common Bible

³ နၤဒီးနပှၤသုးဖိတဖၣ်ကဘၣ်လဲၤတရံးဝ့ၢ်အံၤတနံၤတဝီလၢဃု နံၤဃုသီအတီၢ်ပူၤန့ၣ်လီၤ.

လံာ်စီၤယိၤၡူ 6:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 4:3

လၢထံဒၢဖးဒိၣ်အခီၣ်ထံး, အကနုၤဝးတရံးအလိၤန့ၣ်, ဂီၤဖံးဖါလၢအပိာ်လိာ်အခံအဂီၤတဖၣ်ဘၣ်တၢ်ဒဲးကံၣ်ဒဲးဝ့ၤဃာ် အီၤလီၤ. ဂီၤဖံးဖါတဖၣ်အံၤ, တၢ်နီၤဖးအီၤခံဂ့ၢ်, တဂ့ၢ်လၢအဖီခိၣ်ဒီးတဂ့ၢ်လၢအဖီလာ်လၢအစီၤစုၤလိာ်အသးတဂ့ၢ် တပျၢ်န့ၣ်လီၤ.

လံာ်တၢ်ဂံၢ် 14:9

ပူထီၣ်ထီဒါယွၤတဂ့ၤ. ဒီးပျံၤပှၤအိၣ်ဖဲန့ၣ်တဖၣ်တဂ့ၤ. ပကမၤနၢၤအဝဲသ့ၣ်ညီကဒၣ်လီၤ. ယွၤအိၣ်ဒီးပှၤဒီးမၤနၢၤလံကစၢ်တဖၣ်လၢအအိၣ်ပှိၤတ့ၢ်အဝဲ သ့ၣ်န့ၣ်လီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

လံာ်စီၤယိၤၡူ 6:11

အန့ၣ်ဒီး, ဒ်စီၤယိၤၡူဟ့ၣ်လီၤအကလုၢ်အသိးယွၤအတၢ်အၢၣ်လီၤအီလီၤအတလါလဲၤတရံးဝ့ၢ်တဝီန့ၣ်လီၤ. ဝံၤဒီးအဝဲသ့ၣ်ဟဲက့ၤတုၤက့ၤဖဲသူၣ်ဒဲအလီၢ်ဒီးမံဝဲဖဲန့ၣ်လီၤ.

လံာ်စီၤယိၤၡူ 6:14

ဒီးလၢခံသီတသီအံၤန့ၣ်, အဝဲသ့ၣ်လဲၤတရံးဝ့ၢ်တဝီကဒီး, ဒီးဟဲက့ၤကဒါက့ၤဆူသူၣ်ဒဲအလီၢ်န့ၣ်လီၤ. အဝဲသ့ၣ်မၤဒ်အံၤလၢဃုသီအတီၢ်ပူၤန့ၣ်လီၤ.

လံာ်စီၤယိၤၡူ 6:2

ယွၤစံးဘၣ်စီၤယိၤၡူ, “ယဟ့ၣ်လီၤဝ့ၢ်ယရံၤဃိ, ဃုာ်ဒီးအစီၤပၤဒီးအသုးမုၢ်သံၣ်ဘိလၢအဒူတဖၣ်ခဲလၢာ် လၢနစုပူၤလီၤ.

လံာ်စီၤယိၤၡူ 6:4

ပှၤလုၢ်တၢ်အခိၣ်နွံဂၤ, တဂၤကစိာ်ကွဲၤတဖျၢၣ်စုာ်စုာ်, ကဘၣ်လဲၤတၢ်လၢတၢ်အၢၣ်လီၤအီလီၤ အတလါအမဲာ်ညါန့ၣ်လီၤ. ဒီးလၢနွံသီတသီန့ၣ်, နၤဒီးနသုးဖိတဖၣ်ကဘၣ်လဲၤတရံးဝ့ၢ်န့ၣ်နွံဝီဖဲပှၤလုၢ်တၢ် အခိၣ်တဖၣ်အူထီၣ်ကွဲၤအခါန့ၣ်လီၤ.

လံာ်စီၤယိၤၡူ 6:7

အန့ၣ်ဝံၤဒီး, စီၤယိၤၡူစံးဘၣ်အပှၤဂီၢ်မုၢ်, “လဲၤဆူညါဒီးလဲၤတရံးဝ့ၢ်န့ၣ်ဒီးပျဲပှၤစိာ်စုကဝဲၤတဖု လဲၤတၢ်လၢညါ, လၢယွၤအတၢ်အၢၣ်လီၤအီလီၤအတလါ အမဲာ်ညါန့ၣ်တက့ၢ်.”