လံာ်စီၤယိၤၡူ 6:23 - Sgaw Karen Common Bible

²³ သတးဒီးအဝဲသ့ၣ်လဲၤဒီးဟဲက့ၤကိးထီၣ်နီၢ်ရၤဃး, အပၢ်ဒီးအမိၢ်, အဒီပုၢ်ဝဲၢ်ပိာ်ခွါတဖၣ်, ဒီးအဒူၣ်ဖိထၢဖိလၢအအိၣ်လီၤတဲာ် တဖၣ်ဃုာ်ဒီးအီၤန့ၣ်လီၤ. အဝဲသ့ၣ်ဟဲက့ၤစိာ်အီၤခဲလၢာ်, ဒူၣ်ဖိထၢဖိဒီးပှၤလၢအဘၣ်ထွဲဒီးအီၤခဲလၢာ်တဖၣ် ဆူတၢ်ဘံၣ်တၢ်ဘၢအလီၢ်ဘူးဒီးအံၣ်စရ့လးသူၣ်ဒဲအလီၢ်န့ၣ်လီၤ.

လံာ်စီၤယိၤၡူ 6:23 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 18:24

ပှၤလၢအတၢ်ကမၣ်တအိၣ်မ့ၢ်အိၣ်လၢဝ့ၢ်ပူၤအဂၤယဲၢ်ဆံန့ၣ်မ့ၢ် နကမၤဟးဂီၤကွံာ်ဝ့ၢ်ဒီဝ့ၢ်ညါဧါ. လၢတၢ်အုၣ်က့ၤခီၣ်က့ၤပှၤအဂၤယဲၢ်ဆံအဂီၢ်န့ၣ်မ့ၢ်နတပျဲပူၤ ဝ့ၢ်အံၤဘၣ်ဧါ.

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်တၢ်ဂံၢ် 31:19

ခဲကနံၣ်အံၤ, ကယဲၢ်သုဝဲကိးဂၤဒဲးလၢအမၤသံတ့ၢ်ပှၤတဂၤဂၤ မ့ၢ်ဂ့ၤထိးဘၣ်ပှၤသံစိၣ်တခါမ့ၢ်ဂ့ၤန့ၣ် ကဘၣ်အိၣ်လၢသူၣ်ဒဲလီၢ်အချၢနွံသီန့ၣ်လီၤ. လၢသၢသီတသီအနံၤဒီးနွံသီတသီအနံၤန့ၣ်မၤကဆှီထီၣ်သုသး ဃုာ်ဒီးပိာ်မုၣ်တဖၣ်လၢသုဖီၣ်န့ၢ်တ့ၢ်အီၤတက့ၢ်.

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

1 ကရံၣ်သူး 5:12

နီၢ်နီၢ်န့ၣ်, တမ့ၢ်ယတၢ်ဖံးတၢ်မၤလၢယကစံၣ်ညီၣ်ပှၤအိၣ်လၢတၢ်ချၢ န့ၣ်ဘၣ်. ကစၢ်ယွၤကစံၣ်ညီၣ်အဝဲသ့ၣ်လီၤ. ဘၣ်ဆၣ်ဒီးမ့ၢ်သုတကြၢးစံၣ်ညီၣ်ပှၤအိၣ်လၢသုတၢ်အိၣ်ဖှိၣ်အပူၤ ဘၣ်ဧါ. ဒ်တၢ်ကွဲးအသးစံးဝဲအသိး, “ထုးထီၣ်ကွံာ်ပှၤအၢပှၤသီလၢသုသိးသုကျါန့ၣ်တက့ၢ်.”

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

ဧ့ၤဘြံၤ 11:31

လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

လံာ်စီၤယိၤၡူ 2:13

အၢၣ်လီၤယၤလၢသုကမၤပူၤဖျဲးယပၢ်ဒီးယမိၢ်, ယဒီပုၢ်ဝဲၢ်ခွါတဖၣ်ဒီးယဒီပုၢ်ဝဲၢ်မုၣ်တဖၣ်ဃုာ် ဒီးအဝဲသ့ၣ်အဒူၣ်ဖိထၢဖိခဲလၢာ်တက့ၢ်. တဘၣ်ပျဲပှၤမၤသံပှၤတဂ့ၤ.”

လံာ်စီၤယိၤၡူ 2:16

အဝဲဒၣ်စံးဝဲ, “လဲၤဆူကစၢၢ်ကလိအကျါတက့ၢ်. မ့တမ့ၢ်ဘၣ်ဒီးစီၤပၤအပှၤတဖၣ်ကထံၣ်န့ၢ်သုလီၤ. အိၣ်ခူသူၣ်ဖဲန့ၣ်သၢသီတုၤအဝဲသ့ၣ်ဟဲက့ၤကဒါက့ၤတက့ၢ်. အန့ၣ်ဝံၤဒီးသုလဲၤဒၣ်လၢသုကျဲသ့လီၤ.”

လံာ်စီၤယိၤၡူ 2:18

နဲနဘၣ်မၤတၢ်အံၤလီၤ. ဖဲပဟဲဒုးနထံနကီၢ်န့ၣ်, စၢဃာ်လုၣ်ဂီၤတဘိအံၤလၢပဲတြီလၢ နစဲၤလီၤပှၤန့ၣ်တက့ၢ်. ဒီးပာ်ဖှိၣ်နပၢ်, နမိၢ်, နဒီပုၢ်ဝဲၢ်ခွါတဖၣ်, ဒီးနပၢ်အဒူၣ်ဖိထၢဖိခဲလၢာ်လၢနဟံၣ်ပူၤတက့ၢ်.

လံာ်ပှၤစံၣ်ညီၣ်ကွီၢ် 1:25

ဒီးအဝဲဒုးနဲၣ်အဝဲသ့ၣ်လၢကျဲ, ဒီးအ့ဖရဲၣ်ဒီးမနၤၡ့ၤအပှၤ ဂီၢ်မုၢ်မၤသံကွံာ်ကယဲၢ်ပှၤအိၣ်လၢဝ့ၢ်ပူၤဒီး ပျဲပူၤထဲပှၤတဂၤန့ၣ်ဒီးအဟံၣ်ဖိဃီဖိန့ၣ်လီၤ.