လံာ်စီၤယိၤၡူ 6:21 - Sgaw Karen Common Bible

²¹ အဝဲသ့ၣ်မၤသံပှၤကိးဂၤဒဲးလၢဝ့ၢ် အပူၤလၢနးတဖၣ်ပှၤပိာ်ခွါ, ပှၤပိာ်မုၣ်, ပှၤသးစၢ်ဒီးပှၤသးပှၢ်တဖၣ်န့ၣ်လီၤ. အဝဲသ့ၣ်မၤသံစ့ၢ်ကီးကျီၢ်တဖၣ်, သိတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်စီၤယိၤၡူ 6:21 Iomraidhean Croise

လံာ်စီၤပၤအခီၣ်ထံးတဘ့ၣ် 20:42

အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

လံာ်ယံးရမံယၤ 48:18

သုဝဲလၢအအိၣ်ဝဲဆိးဝဲလၢ ဝ့ၢ်ဒံၤဘိၣ်သ့ၣ်ဧၢ, ဟဲလီၤလၢသုတၢ်လၤကပီၤအလီၢ်ဒီး ဆ့ၣ်နီၤလၢဟီၣ်ခိၣ်လိၤ ဖၣ်ကမူၣ်အကျါတက့ၢ်. အဂ့ၢ်ဒ်အံၤ, ပှၤမၤဟးဂီၤကီၢ်မိၤအး ဟဲတုၤလံ ဒီးမၤဟးဂီၤကွံာ်အတိာ်ဧိၤတာ်ဧိၤခဲလၢာ်လံ.

လံာ်သိၣ်လီၤသီလီၤတၢ် 13:16

ဟဲစိာ်ဃီၤပှၤဂီၢ်မုၢ်လၢအအိၣ်ဖဲန့ၣ်တဖၣ်အတၢ်ဖိတၢ်လံၤခဲလၢာ် ဒီးပာ်ဖှိၣ်ထီၣ်အီၤဖဲဝ့ၢ်န့ၣ်အတၢ်လီၤပျီတက့ၢ်. ဒီးဆူးထီၣ်ကွံာ်ဝ့ၢ်န့ၣ်ဒီးတၢ်ခဲလၢာ်လၢအအိၣ်လၢအပူၤဒ်တၢ် လုၢ်တမံၤအသိးဆူယွၤသုကစၢ်ယွၤအအိၣ်တက့ၢ်. ဝ့ၢ်န့ၣ်ကဘၣ်တၢ်ပာ်တီၢ်အီၤလၢတၢ်ဟးဂီၤအပူၤလီၤထူလီၤယိာ် ဒီးတၢ်တဘှီထီၣ်က့ၤကဒီးအီၤနီတစုလၢၤဘၣ်န့ၣ်လီၤ.

လံာ်သိၣ်လီၤသီလီၤတၢ် 2:34

တကတီၢ်ဃီန့ၣ် ပဂုာ်န့ၢ်ဒီး မၤဟးဂီၤကွံာ်ကယဲၢ်ဝ့ၢ်ခဲလၢာ်ဒီး မၤသံကွံာ်ပှၤပိာ်ခွါတဖၣ်, ပှၤပိာ်မုၣ်တဖၣ်ဒီး ဖိသၣ်တဖၣ်ကိးဂၤဒဲးန့ၣ်လီၤ. ပတပျဲပှၤအိၣ်မူလီၤတဲာ်နီတဂၤဘၣ်.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:39

ဒီးမၤန့ၢ်အီၤဃုာ်ဒီးအစီၤပၤဒီးဝ့ၢ်လၢအဘူးအတံၢ်တဖၣ်ခဲလၢာ်န့ၣ်လီၤ. အဝဲသ့ၣ်မၤသံပှၤဖဲန့ၣ်ခဲလၢာ်လီၤ. စီၤယိၤၡူမၤဘၣ်ပှၤဝ့ၢ်ဒဘံၢ်ဖိဒီး အစီၤပၤဒ်အမၤဘၣ်တ့ၢ်ဝ့ၢ်ဃ့ဘြိၣ်ဒီးဝ့ၢ်လံးဘနၤအစီၤပၤအသိးန့ၣ်လီၤ.

လံာ်စီၤယိၤၡူ 11:11

အဝဲသ့ၣ်ကျီသံကွံာ်ပှၤဖဲန့ၣ်ခဲလၢာ်လၢနးန့ၣ်လီၤ. ပှၤအိၣ်မူတီၢ်တအိၣ်နီတဂၤဘၣ်ဒီးဘၣ်တၢ်ဒွဲၣ်အူထီၣ်အီၤလၢ မ့ၣ်အူန့ၣ်လီၤ.

လံာ်စီၤယိၤၡူ 11:14

ပှၤအံၣ်စရ့လးဖိတဖၣ်ဟံးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဒီးဆၣ်ဖိ ကီၢ်ဖိလၢဝ့ၢ်တဖၣ်အံၤအပူၤဒီးပာ်အီၤလၢအဂီၢ်ဒၣ်ဝဲလီၤ. မ့မ့ၢ်ပှၤကညီန့ၣ်မၤသံကွံာ်ဝဲခဲလၢာ်လၢနးဒီးတပာ်မူတီၢ်ဝဲနီတဂၤဘၣ်န့ၣ်လီၤ.

လံာ်စီၤယိၤၡူ 8:2

နကဘၣ်မၤဝ့ၢ်ဂဲဒီးအစီၤပၤဒ်နမၤဝ့ၢ်ယရံၤဃိဒီးအစီၤ ပၤအသိးန့ၣ်လီၤ. ဘၣ်ဆၣ်ဒီးတဘျီအံၤသုကဟံးန့ၢ်အတၢ်ဖိတၢ်လံၤဒီးအဆၣ်ဖိကီၢ် ဖိတဖၣ်လၢသုဂီၢ်ဒၣ်သုဝဲန့ၣ်လီၤ. ကတဲာ်ကတီၤသုသးလၢတၢ်ခူသူၣ်အပူၤလၢသုကဒုးဝ့ၢ်အံၤလၢအလီၢ် ခံတက့ၢ်.”

လံာ်စီၤယိၤၡူ 8:22

ပှၤအံၣ်စရ့လးဖိလၢဝ့ၢ်ပူၤတဖၣ်ဟးထီၣ်ဒီးဒုးတၢ်စ့ၢ်ကီးန့ၣ်လီၤ. သတးဒီးပှၤဝ့ၢ်ဂဲဖိတဖၣ်ထံၣ်ဘၣ်ဝဲလၢအဘၣ်တၢ်ကဝီၤဃာ်အီၤလၢ ပှၤအံၣ်စရ့လးဖိတဖၣ်ဒီးအဝဲသ့ၣ်ဘၣ်တၢ်မၤသံကွံာ်အီၤခဲလၢာ် န့ၣ်လီၤ. ပှၤတပူၤဖျဲးနီတဂၤဒီးပှၤတအိၣ်လီၤတဲာ်နီတဂၤဘၣ်န့ၣ်လီၤ.

လံာ်စီၤယိၤၡူ 9:3

ဘၣ်ဆၣ်ဒီးပှၤကံးဘိၣ်ဖိလၢအမ့ၢ် ပှၤဃံၤဝံဖိတဖၣ်နၢ်ဟူတၢ်လၢစီၤယိၤၡူမၤတ့ၢ်ဘၣ်ဝ့ၢ်ယရံၤဃိဒီးဝ့ၢ်ဂဲ,

လံာ်လီၣ်ဖျါ 18:21

တုၤနုၤတစုကလူးလၢအဂံၢ်ဆူၣ်ဘါဆူၣ်တဂၤဟံးထီၣ်လၢၢ်လၢ အဒိၣ်ထဲသိးဆၢၣ်ဂူာ်လၢၢ်တဖျၢၣ်, ဒီးကွံာ်လီၤအီၤဆူပီၣ်လဲၣ် အပူၤ, ဒီးစံးဝဲ, “လၢကျဲဒ်အံၤအပူၤ, ဝ့ၢ်ဖးဒိၣ်ဘၤဘူၤလိၣ် ကဘၣ်တၢ်တ့ၢ်လီၤအီၤဆူၣ်ဆူၣ်ကလဲာ်, ဒီးတၢ်တထံၣ်န့ၢ်အီၤနီတစုလၢၤဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:8

အဝဲဖီၣ်န့ၢ်မူဒံးပှၤဧမၤလ့းဖိအစီၤပၤစီၤအၤကးဒီးမၤသံ ကွံာ်ကယဲၢ်ပှၤဂီၢ်မုၢ်ခဲလၢာ်န့ၣ်လီၤ.