လံာ်စီၤယိၤၡူ 6:20 - Sgaw Karen Common Bible

²⁰ သတးဒီးပှၤလုၢ်တၢ်အခိၣ်တဖၣ်အူထီၣ်အကွဲၤန့ၣ်လီၤ. တုၤပှၤဂီၢ်မုၢ်နၢ်ဟူကွဲၤအသီၣ်ဒီး, အဝဲသ့ၣ်ကိးပသူထီၣ်လၢအကလုၢ်ဖးဒိၣ်ဒီးဝ့ၢ်အခိၣ်ဒူတဖၣ် လီၤပှီၢ်ကွံာ်ဝဲန့ၣ်လီၤ. အန့ၣ်ဒီး, သုးမုၢ်သံၣ်ဘိဒီဖုလဲၤထီၣ်လိၤလိၤဆူဝ့ၢ်ပူၤဒီးမၤန့ၢ်အီၤန့ၣ်လီၤ.

လံာ်စီၤယိၤၡူ 6:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:15

ပှၤယူဒၤဖိတဖၣ်ကိးထီၣ်လၢအကလုၢ်ဖးဒိၣ်, ဒီးလဲၤထီၣ်ဒုးတၢ် လၢစီၤအဘံယၤအတၢ်ဆှၢအီၤန့ၣ်လီၤ. ကစၢ်ယွၤမၤနၢၤကွံာ်စီၤယၤရၤဘၣ်, ဒီးအံၣ်စရ့လးအသုးမုၢ်န့ၣ်လီၤ.

လံာ်စဖါနယၤ 1:16

မုၢ်တနံၤလၢအပှဲၤဒီးတၢ်ဒုးတၢ်ယၤအကွဲၤတဖၣ်အသီၣ်ဒီးတၢ်ဒုး တၢ်ယၤအတၢ်ကိးပသူလၢပှၤသုးဖိတဖၣ်ဖဲအလဲၤထီၣ်ဒုးဝ့ၢ်အိၣ်ဒီး အခိၣ်ဒူဒီးအတၢးထီၣ်ထီတဖၣ်န့ၣ်လီၤ.

ဧ့ၤဘြံၤ 11:30

လၢတၢ်စူၢ်တၢ်နာ်န့ၣ်, ဝ့ၢ်ယရံၤဃိအခိၣ်ဒူလီၤပှီၢ်ကွံာ်ဝဲ ဖဲပှၤအံၣ်စရ့လးဖိလဲၤတရံးအီၤပှဲၤထီၣ်နွံသီတသီအခါ န့ၣ်လီၤ.

လံာ်စီၤယိၤၡူ 6:5

ဝံၤဒီးအဝဲသ့ၣ်ကအူထီၣ်ဖးထီကွဲၤန့ၣ်လီၤ. တဘျီဃီဖဲသုနၢ်ဟူတၢ်အံၤန့ၣ်, ပှၤပိာ်ခွါခဲလၢာ်ကကိးပသူ ထီၣ်လၢအကလုၢ်ဖးဒိၣ်, အန့ၣ်ဒီးဝ့ၢ်အခိၣ်ဒူတဖၣ်ကလီၤပှီၢ်ကွံာ်ဝဲန့ၣ်လီၤ. ဝံၤဒီး, သုးမုၢ်သံၣ်ဘိဒီဖုကလဲၤနုာ်လီၤဝဲလိၤလိၤဆူဝ့ၢ်ပူၤန့ၣ် လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 4:5

ဒီးတုၤယွၤအတၢ်အၢၣ်လီၤအီလီၤအတလါစီဆှံဟဲတုၤဝဲန့ၣ်ပှၤ အံၣ်စရ့လးဖိတဖၣ်ကိးထီၣ်လၢတၢ်သးခုဖးဒိၣ်အကလုၢ်တုၤဟီၣ် ခိၣ်သတြုးထီၣ်ဝဲလီၤ.