လံာ်စီၤယိၤၡူ 6:2 - Sgaw Karen Common Bible

² ယွၤစံးဘၣ်စီၤယိၤၡူ, “ယဟ့ၣ်လီၤဝ့ၢ်ယရံၤဃိ, ဃုာ်ဒီးအစီၤပၤဒီးအသုးမုၢ်သံၣ်ဘိလၢအဒူတဖၣ်ခဲလၢာ် လၢနစုပူၤလီၤ.

လံာ်စီၤယိၤၡူ 6:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤနဃ့မယၤ 9:24

အဝဲသ့ၣ်မၤနၢၤကွံာ်ကီၢ်ကနၤဧၣ်ဒီးနမၤနၢၤကွံာ် ပှၤအိၣ်ဖဲန့ၣ်တဖၣ်န့ၣ်လီၤ. နဟ့ၣ်နပှၤဂီၢ်မုၢ်လၢတၢ်စိတၢ်ကမီၤလၢကမၤ ကီၢ်ကနၤဧၣ်အပှၤဂီၢ်မုၢ်ဒီးအစီၤပၤတဖၣ် ဒ်အသးဒၣ်ဝဲအသိးန့ၣ်လီၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်ဒၤနံးယ့လး 5:18

တၢ်ထီကတၢၢ်ကစၢ်ယွၤဒုးကဲထီၣ်တ့ၢ်နပၢ်စီၤနဘူၤကးန့စၢ် လၢစီၤပၤဖးဒိၣ်တဂၤဒီးဟ့ၣ်အီၤလၢတၢ်လၤကပီၤဒီးတၢ်က ဟုကညီၢ်န့ၣ်လီၤ.

လံာ်သိၣ်လီၤသီလီၤတၢ် 7:24

အဝဲကဟ့ၣ်လီၤကွံာ်အဝဲသ့ၣ်အစီၤပၤတဖၣ်ဆူသုစုပူၤန့ၣ်လီၤ. သုကမၤသံကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်သးပ့ၤနီၣ်ကွံာ် အီၤန့ၣ်လီၤ. ပှၤမၤတံာ်တာ်သုတသ့ဘၣ်နီတဂၤဘၣ်. သုကမၤဟးဂီၤကွံာ်ပှၤကိးဂၤဒဲးန့ၣ်လီၤ.

လံာ်စီၤယိၤၡူ 12:9

ပှၤအံၣ်စရ့လးဖိတဖၣ်မၤနၢၤဝ့ၢ်လၢလာ်တဖၣ်အံၤအစီၤပၤတဖၣ် န့ၣ်လီၤ. ယရံၤဃိ, ဂဲ (ဘူးဒီးဘ့ၤသ့လး)

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 2:9

ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.

လံာ်စီၤယိၤၡူ 20:1

ဒီးယွၤစံးဘၣ်စီၤယိၤၡူ, “စံးဘၣ်ပှၤအံၣ်စရ့လးဖိတဖၣ်ဒ်သိးအကဃုထၢဝ့ၢ်တဖၣ်လၢတၢ်ပူၤဖျဲးအဂီၢ် ဒ်ယစံးဘၣ်တ့ၢ်သုခီဖျိစီၤမိၤၡ့အသိးတက့ၢ်.

လံာ်စီၤယိၤၡူ 6:1

ဝ့ၢ်ယရံၤဃိအတြဲၤတဖၣ်ဘၣ်တၢ်ကးတံာ်ဒီးပၢၤဃာ်အီၤဒ်သိးပှၤအံၣ်စရ့လးဖိအသုတဟဲနုာ်တဂ့ၤအဂီၢ်ဒီးပှၤဟဲနုာ်ဒီးဟးထီၣ် လၢဝ့ၢ်ပူၤတသ့နီတဂၤဘၣ်.

လံာ်စီၤယိၤၡူ 6:3

နၤဒီးနပှၤသုးဖိတဖၣ်ကဘၣ်လဲၤတရံးဝ့ၢ်အံၤတနံၤတဝီလၢဃု နံၤဃုသီအတီၢ်ပူၤန့ၣ်လီၤ.

လံာ်စီၤယိၤၡူ 8:1

ယွၤစံးဘၣ်စီၤယိၤၡူ, “ဟံးန့ၢ်ပှၤသုးဖိခဲလၢာ်ဒီးနၤဒီးလဲၤထီၣ်ဆူဝ့ၢ်ဂဲတ က့ၢ်. တဘၣ်ပျံၤတၢ်တဂ့ၤ, တဘၣ်သးဟးဂီၤတဂ့ၤ. ယကဟ့ၣ်နၤတၢ်မၤနၢၤလၢဝ့ၢ်ဂဲအစီၤပၤအဖီ ခိၣ်န့ၣ်လီၤ. အပှၤဂီၢ်မုၢ်, အဝ့ၢ်ဒီးအကီၢ်ကကဲထီၣ်နတၢ်လီၤ.

လံာ်ပှၤစံၣ်ညီၣ်ကွီၢ် 11:21

ဘၣ်ဆၣ်ဒီးယွၤ, အံၣ်စရ့လးအကစၢ်, ဟ့ၣ်ပှၤအံၣ်စရ့လးဖိတဖၣ်လၢတၢ်မၤနၢၤစီၤစံဃိၣ်ဒီးအသုးမုၢ်န့ၣ်လီၤ. လၢတၢ်န့ၣ်အဃိ ပှၤအံၣ်စရ့လးဖိတဖၣ်ဟံးန့ၢ် ကယဲၢ်ပှၤအမိၢ်ဖိအိၣ်လၢထံကီၢ်န့ၣ်အပူၤအလီၢ်အကျဲခဲလၢာ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:24

မ့ၢ်နအဲၣ်ဒိးမၤန့ၢ်က့ၤအီၤဧါ. တၢ်လၢနကစၢ် “ကမိၣ်” ဟ့ၣ်နၤန့ၣ်နဟံးဃာ်အီၤသ့လီၤ. မ့မ့ၢ်ပဝဲဒၣ်အံၤပကဟံးဃာ် တၢ်ကိးမံၤဒဲးလၢယွၤ, ပကစၢ်ဟ့ၣ်လီၤပှၤန့ၣ်လီၤ.