လံာ်စီၤယိၤၡူ 6:19 - Sgaw Karen Common Bible

¹⁹ တၢ်ကိးမံၤဒဲးလၢအဘၣ်တၢ်မၤအီၤလၢစ့, ထူ, တိၢ်ဘီ, ဒီးထးန့ၣ်ကဘၣ်တၢ်ပာ်လီၤဆီအီၤလၢယွၤအဂီၢ်လီၤ. ကဘၣ်တၢ်ဒၢနုာ်အီၤလၢယွၤအတၢ်ပာ်ဖှိၣ်အလီၢ်န့ၣ်လီၤ.”

လံာ်စီၤယိၤၡူ 6:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:11

စီၤပၤဒၤဝံးပာ်စီဆှံတၢ်တဖၣ်န့ၣ်ဒ်သိးတၢ်ကသူအီၤလၢတၢ် ဘူၣ်တၢ်ဘါအပူၤ, ဃုာ်ဒီးထူဒီးစ့လၢအဝဲဟဲက့ၤစိာ်ဝဲလၢထံကီၢ်တဖၣ်လၢအဝဲ မၤနၢၤတ့ၢ်လံဝဲ,

လံာ်စီၤပၤအခီၣ်ထံးတဘ့ၣ် 14:26

အဝဲဟံးန့ၢ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်ခဲလၢာ်လၢယွၤအတၢ် လုၢ်ဟံၣ်ပူၤဒီးလၢနီအပူၤဃုာ်ဒီးကတီၤထူတဖၣ်လၢစီၤၡလိၤ မိၤမၤတ့ၢ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:51

ကယဲၢ်တၢ်အပီးအလီခဲလၢာ်အံၤဘၣ်တၢ်မၤအီၤလၢထူန့ၣ်လီၤ. တုၤစီၤပၤၡလိၤမိၤမၤဝံၤကယဲၢ်တၢ်မၤလၢယွၤအတၢ်လုၢ်ဟံၣ် အဂီၢ်န့ၣ်, ကယဲၢ်တၢ်လၢအပၢ်စီၤဒၤဝံးလုၢ်ထီၣ်တ့ၢ်ဝဲဆူ ယွၤအအိၣ်လၢအမ့ၢ်စ့, ထူဒီးတၢ်ပီးတၢ်လီအဂၤတဖၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤ န့ၣ်လီၤ.

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:11

စီၤပၤဒၤဝံးပာ်စီဆှံတၢ်သ့ၣ်တဖၣ်န့ၣ်လၢတၢ်ကသူအီၤလၢတၢ် ဘူၣ်တၢ်ဘါအပူၤအဂီၢ်ဃုာ်ဒီးကျိၣ်ဧိၤစ့ဧိၤ, ထူဧိၤလွဲဧိၤလၢအဟံးန့ၢ်တ့ၢ်ဝဲလၢပှၤကလုာ်လၢအမၤနၢၤကွံာ် ဝဲလၢအမ့ၢ်, ပှၤအဒိၣ်ဖိ, ပှၤမိၤအးဖိ, ပှၤဧၣ်မိၣ်ဖိ, ပှၤဖလ့ၡသးဖိဒီးပှၤဧမၤလ့းဖိတဖၣ်အအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:20

အဝဲသ့ၣ်အပှၤလ့ၤဝံဖိကဒဲကဒဲအဂၤတဖၣ်ဘၣ်ကဲခိၣ်ကဲနၢ်လၢတၢ် လုၢ်ဟံၣ်အစ့ပာ်ဖှိၣ်အလီၢ်အဂီၢ်ဒီးလၢတၢ်ပာ်ဖှိၣ်အဒၢးတဖၣ်ဖဲ တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤလၢကစၢ်ယွၤအဂီၢ် အိၣ်ဝဲအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:26

စီၤၡလိမံးအဘူးအတံၢ်တဖၣ်မ့ၢ်ပှၤဘၣ်ကဲခိၣ်ကဲနၢ်လၢတၢ်ပၢၤ ဃာ်တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤဆူကစၢ်ယွၤလၢစီၤ ပၤဒၤဝံး, ဒ်ဟံၣ်ဖိဃီဖိတဖၣ်အခိၣ်, ဒူၣ်ထၢကရူၢ်တဖၣ်အခိၣ်ဒီးသုးခိၣ် သုးနၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:27

အဝဲသ့ၣ်ဟံးထီၣ်တ့ၢ်တၢ်ဘၣ်ဂုာ်န့ၢ်တနီၤလၢအမၤန့ၢ်တ့ၢ်ဝဲ လၢတၢ်ဒုးအပူၤဒီးပာ်စီဆှံတ့ၢ်ဝဲဒ်သိးတၢ်ကသူအီၤလၢယွၤ အတၢ်လုၢ်ဟံၣ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:28

စီၤၡလိမံးဒီးအဘူးအတံၢ်တဖၣ်, မ့ၢ်တ့ၢ်ပှၤဘၣ်ကဲခိၣ်ကဲနၢ် လၢကယဲၢ်တၢ်လၢအဘၣ်တၢ်ပာ်စီဆှံတ့ၢ်အီၤဒ်သိးတၢ်ကသူအီၤလၢ ယွၤအတၢ်လုၢ်ဟံၣ်အပူၤအဂီၢ်, ဃုာ်ဒီးတၢ်ဟ့ၣ်တဖၣ်လၢအဘၣ်တၢ်ဟဲစိာ်အီၤလၢဝံၡမူၤအ့လး, လၢစီၤပၤစီၤစီလူး, လၢစီၤန့ၢ်အဖိခွါစီၤအဘံန့ၢ်ဒီးလၢ နီၢ်စရူၤယၤအဖိခွါစီၤယိၤအာ်သ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:12

အဝဲဟ့ၣ်လီၤစ့ၢ်ကီးအီၤလၢကယဲၢ်တၢ်တိာ်ကျဲၤလၢအအိၣ်လၢအသး ပူၤ, လၢတၢ်လုၢ်ဟံၣ်ဂၢၤတဖၣ်, ဒီးဒၢးအိၣ်ဝးတရံးအီၤတဖၣ်အဂီၢ်ဒီးလၢယွၤအတၢ်လုၢ်ဟံၣ်အတၢ် ပီးတၢ်လီဒီးတၢ်ဟ့ၣ်လၢအဘၣ်တၢ်ပာ်စီဆှံတ့ၢ်အီၤဆူယွၤ, အတၢ်ပာ်ဖှိၣ်အဒၢးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:18

ကယဲၢ်တၢ်အဃၢၤအဃိာ်ခဲလၢာ်လၢအပၢ်စီၤအဘံယၤပာ်စီဆှံ တ့ၢ်ဝဲဆူကစၢ်ယွၤအအိၣ်န့ၣ်, အဝဲပာ်ဝဲလၢယွၤအတၢ်လုၢ်ဟံၣ်အ ပူၤ, ဃုာ်ဒီးတၢ်အဃၢၤအဃိၢ်ထူဒီးစ့တဖၣ်လၢအဝဲအကစၢ်ဒၣ်ဝဲ ပာ်စီဆှံတ့ၢ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:12

ဒီးဒၢနုာ်ကယဲၢ်တၢ်ဟ့ၣ်ခဲလၢာ်ဒီးတၢ်မၤဘူၣ်ဆံဆဲၣ်ပူတပူ လၢတၢ်ပာ်ဖှိၣ်အဒၢးတဖၣ်န့ၣ်အပူၤလၢတၢ်ကပၢၤဃာ်အီၤအဂီၢ်န့ၣ် လီၤ. အဝဲသ့ၣ်ပာ်လီၤပှၤလ့ၤဝံဖိစီၤကနၤနယၤလၢပှၤအခိၣ်လၢကကွၢ် ထွဲတၢ်အဂီၢ်, ဒီးဒုးကဲထီၣ်အဝဲအဒီပုၢ်ဝဲၢ်ခွါစီၤၡံမံၤလၢပှၤကမၤစၢၤ အီၤန့ၣ်လီၤ.

လံာ်စီၤနဃ့မယၤ 10:38

ပှၤလုၢ်တၢ်အခိၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်တဖၣ် ကဘၣ်အိၣ်ဒီးပှၤလ့ၤဝံဖိတဖၣ်ဖဲတၢ်ဟ့ၣ်မၤဘူၣ်ဆံဆဲၣ်ပူတပူ တဖၣ်ဘၣ်တၢ်ပာ်ဖှိၣ်အီၤဒီးပှၤလ့ၤဝံဖိတဖၣ်ဘၣ်လဲၤစိာ်ဝဲ ကယဲၢ်တၢ်ဆံဆဲၣ်ပူတပူလၢတၢ်ထၢဖှိၣ်အီၤအကျါဆံဆဲၣ်ပူတပူ ဆူတၢ်လုၢ်ဟံၣ်အတၢ်ပာ်ဖှိၣ်အလီၢ်လၢတၢ်ကသူအီၤလၢယွၤအတၢ်လုၢ် ဟံၣ်အပူၤန့ၣ်လီၤ.

လံာ်ယံးရမံယၤ 38:11

လၢတၢ်န့ၣ်အဃိ, စီၤဧ့ၤဘ့းမ့လ့းလဲၤဃုာ်ဒီး ပှၤတဖၣ်န့ၣ်ဆူ နူၢ်အတၢ်ပာ်ဖှိၣ် အဒၢးဒီၤ မၤန့ၢ်တၢ်ကူတၢ်ကၤ အလီၢ်လံၤတနီၤ လၢအစဲၤလီၤဝဲဆူ ယအိၣ်ခီဖျိပျံၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:24

ဒီးလၢလွံၢ်နံၣ်တနံၣ်န့ၣ်ကယဲၢ်တၢ်သၣ်ခဲလၢာ်ကကဲထီၣ်တၢ်စီ ဆှံလၢတၢ်စံးထီၣ်ပတြၢၤယွၤအဂီၢ်လီၤ.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်တၢ်ဂံၢ် 31:11

အဝဲသ့ၣ်စိာ်ကွံာ်ကယဲၢ်တၢ်လၢအဂုာ်န့ၢ်ဝဲတဖၣ်ခဲလၢာ်, ဃုာ်ဒီးပှၤဃိာ်ဖိတဖၣ်ဒီးဆၣ်ဖိကီၢ်ဖိတဖၣ်,

လံာ်တၢ်ဂံၢ် 31:12

ဒီးလဲၤစိာ်ဝဲဆူစီၤမိၤၡ့ဒီးစီၤအလၤဧစၢ်အအိၣ်ဒီးဆူကီၢ် အံၣ်စရ့လးအပှၤဂီၢ်မုၢ်အတၢ်အိၣ်မူကရူၢ်အမဲာ်ညါ, လၢအအိၣ်ဝဲဖဲသူၣ်ဒဲ လီၢ်လၢကီၢ်မိၤအးအပျီတဖၣ်အပူၤ, လၢအအိၣ်သဃီၤဒီးဝ့ၢ်ယရံၤဃိ လၢထံကျိယၢ်ဒ့ၣ်အဘးခီန့ၣ်လီၤ.

လံာ်တၢ်ဂံၢ် 31:22

တၢ်ကိးမံၤဒဲးလၢအတူၢ်မ့ၣ်အူန့ၢ်ဒ်ထူ, စ့, တိၢ်ဘီ, ထး, ပှာ်ဝါ, ဒီးစၢၢ်တဖၣ်န့ၣ်,

လံာ်မးသဲ 27:6

ပှၤလုၢ်တၢ်အခိၣ်အဒိၣ်တဖၣ်ထၢထီၣ်က့ၤစ့အဘ့ၣ်တဖၣ်ဒီးစံး, “စ့အံၤမ့ၢ်တၢ်သွံၣ်တၢ်စီၤအစ့အဃိ, ပကပာ်အီၤလၢတၢ်လုၢ်ဟံၣ်အတၢ်ပာ်ဖှိၣ်စ့အလီၢ်န့ၣ် ထီဒါပတၢ်သိၣ်တၢ်သီလီၤ.”

လံာ်မၢ်ကူး 12:41

ယ့ၣ်ၡူးဆ့ၣ်နီၤဝဲဖဲပှၤဒၢနုာ်တိၢ်မၤဘူၣ်အလီၢ်အမဲာ်ညါလိၤ လိၤအဖၢမုၢ်န့ၣ်, ထံၣ်ပှၤတဖၣ်ဒၢနုာ်အတိၢ်မၤဘူၣ်လၢတၢ်မၤဘူၣ်အတလါတဖၣ်ပူၤ လီၤ. ပှၤထူးပှၤတီၤအါဂၤဒၢနုာ်တိၢ်အါအါကလဲာ်လီၤ.

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.