လံာ်စီၤယိၤၡူ 6:18 - Sgaw Karen Common Bible

¹⁸ ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

လံာ်စီၤယိၤၡူ 6:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:1

ဖဲစီၤဒၤဝံးပၢတၢ်အမုၢ်နံၤတဖၣ်အပူၤန့ၣ် တၢ်သၣ်ဝံၤလီၤဒိ ဒိၣ်ဒိၣ်မုၢ်မုၢ်မၤသးယံာ်ဝဲသၢနံၣ်တီတီလီၤ. လၢတၢ်န့ၣ်အဃိစီၤဒၤဝံးသံကွၢ်တၢ်ဒီးယွၤဘၣ်ဃးတၢ်ဂ့ၢ်န့ၣ် ဒီးယွၤစံးဘၣ်အီၤ, “စီၤစီလူးဒီးအပှၤဟံၣ်ဖိဃီဖိတဖၣ်အတၢ်ကမၣ်အိၣ်လၢ အမၤသံမၤဝီတၢ်အဃိန့ၣ်လီၤ. အဝဲမၤသံတ့ၢ်ပှၤကံးဘိၣ်ဖိတဖၣ်လီၤ.”

လံာ်ပှၤစံၣ်တဲၤတဲလီၤတၢ် 9:18

တၢ်ကူၣ်သ့မၤဂ့ၤတၢ်သ့ဒိၣ်န့ၢ်ဒံးတၢ်စုကဝဲၤတဖၣ်လီၤ. မ့မ့ၢ်, ပှၤတၢ်ဒဲးဘးဖိတဂၤမၤဟးဂီၤတၢ်အဂ့ၤအါမးလီၤ.

လံာ်ယိၤနါ 1:12

ဒီးအဝဲစံးဘၣ်ပှၤတဖၣ်န့ၣ်, “ဟံးထီၣ်ယၤဒီးတ့ၢ်လီၤကွံာ်ယၤဆူပီၣ်လဲၣ်ပူၤတက့ၢ်. ဒီးပီၣ်လဲၣ်ကအိၣ်ဂၢၢ်တပၢၢ်လၢသုဂီၢ်လီၤ. အဂ့ၢ်ဒ်အံၤ, ယသ့ၣ်ညါလၢကလံၤမုၢ်ဖးဒိၣ်အံၤဘၣ်သုလၢယတၢ်ကမၣ်အဃိန့ၣ် လီၤ.”

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

လံာ်သိၣ်လီၤသီလီၤတၢ် 13:17

ဟံးဃာ်တၢ်လၢနဂီၢ်ဒၣ်နဲနီတမံၤလၢအဘၣ်တၢ်ဆိၣ်အၢအီၤဒ်သိး ကတုၤဆူတၢ်ဟးဂီၤန့ၣ်တဂ့ၤ. ဒီးအန့ၣ်တစုယွၤကဃၣ်ကွံာ်အသးလၢအတၢ်သးကဲၤထီၣ်ဒီးဒုးနဲၣ် သုလၢတၢ်သးကညီၤန့ၣ်လီၤ. အဝဲကသးကညီၤဘၣ်သုဒီးဒုးကဲထီၣ်သုလၢပှၤဂီၢ်မုၢ်လၢအအါဝဲ ဂီၢ်ဝဲတဖုဒ်အအၢၣ်လီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်,

လံာ်သိၣ်လီၤသီလီၤတၢ် 23:10

ပှၤပိာ်ခွါတဂၤမ့ၢ်အိၣ်ဘၣ်ဖုးဒီးအတၢ်ယွၤလီၤဘၣ်ဃးဒီးပိာ် ခွါလၢမုၢ်နၤန့ၣ်ကဲထီၣ်ပှၤလၢအတကဆှီဘၣ်တဂၤအဃိကဘၣ်ဟးထီၣ် လၢပှၤသူၣ်ဒဲအလီၢ်အချၢန့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:13

မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.

လံာ်စီၤယိၤၡူ 7:15

ဒီးပှၤလၢအဘၣ်တၢ်ထံၣ်န့ၢ်အီၤဃုာ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်န့ၣ်, အဝဲဒီးတၢ်အိၣ်ဒီးအီၤခဲလၢာ်ကဘၣ်တၢ်ဒွဲၣ်အူအီၤလၢမ့ၣ်အူ, မ့ၢ်လၢအဝဲလုၢ်သ့ၣ်ခါပတာ်ယွၤအ တၢ်အၢၣ်လီၤအီလီၤဒီးမၤတ့ၢ်တၢ်လီၤမဲာ်ဆှးလၢအံၣ်စရ့လး အကျါအဃိန့ၣ်လီၤ.”

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.

၁ ယိၤဟၣ် 5:21

ယဖိယလံၤသ့ၣ်ဧၢ, ပလီၢ်သုသးလၢကစၢ်ယွၤအတမ့ၢ်တတီတဖၣ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 15:9

ဘၣ်ဆၣ်ဒီးစီၤစီလူးဒီးအပှၤတဖၣ်ပျဲပူၤစီၤအၤကးအသးသမူ ဒီးတမၤသံဘၣ်, သိ, ဂီၤဘုၣ်ဂီၤဖံး, ကျီၢ်သးစၢ်ဒီးသိဖိ သးစၢ်အဂ့ၤကတၢၢ်တဖၣ်မ့ၢ်ဂ့ၤ, တၢ်တမံၤလၢ်လၢ်လၢအဂ့ၤတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤဟးဂီၤကွံာ်ဒၣ်ထဲတၢ်လၢတဂိာ်တသီၣ်ဘၣ်ဒီးအလုၢ် အပှ့ၤတအိၣ်ဘၣ်တဖၣ်န့ၣ်လီၤ.