လံာ်စီၤယိၤၡူ 6:15 - Sgaw Karen Common Bible

¹⁵ နွံသီတသီန့ၣ်အဝဲသ့ၣ်ဂဲၤဆၢထၢၣ် ဂီၤဂီၤဒီးလဲၤတရံးဝ့ၢ်နွံဝီန့ၣ်လီၤ. ထဲဒၣ်လၢနွံသီတသီအံၤန့ၣ်, အဝဲသ့ၣ်လဲၤတရံးဝ့ၢ်နွံဝီ န့ၣ်လီၤ.

လံာ်စီၤယိၤၡူ 6:15 Iomraidhean Croise

စံးထီၣ်ပတြၢၤ 119:147

တချုးမုၢ်ဟဲထီၣ်ဒံးဘၣ်ဒီးယကိးထီၣ်နၤလၢ တၢ်မၤစၢၤအဂီၢ်လီၤ. ယမုၢ်လၢ်တၢ်လၢနကလုၢ်ကထါအပူၤန့ၣ်လီၤ.

လံာ်မးသဲ 28:1

ဖဲပှၤယူဒၤဖိအမုၢ်အိၣ်ဘှံးနံၤဝံၤအလီၢ်ခံ, လၢမုၢ်ခီၣ်ထံးအနံၤဂီၤခီဂီၤဂီၤန့ၣ်, ပှၤမၤကဒါလၣ်မုၣ်နီၢ်မၤရံဒီးနီၢ်မၤရံအဂၤတဂၤန့ၣ် လဲၤဝဲလၢကကွၢ်ယ့ၣ်ၡူးအတၢ်သွၣ်ခိၣ်အပူၤအဂီၢ်လီၤ.

ဧ့ၤဘြံၤ 11:30

လၢတၢ်စူၢ်တၢ်နာ်န့ၣ်, ဝ့ၢ်ယရံၤဃိအခိၣ်ဒူလီၤပှီၢ်ကွံာ်ဝဲ ဖဲပှၤအံၣ်စရ့လးဖိလဲၤတရံးအီၤပှဲၤထီၣ်နွံသီတသီအခါ န့ၣ်လီၤ.

လံာ်စီၤယိၤၡူ 3:1

မုၢ်ဆ့ၣ်ထီၣ်တနံၤန့ၣ်, စီၤယိၤၡူဒီးအပှၤအံၣ်စရ့လးဖိခဲလၢာ်ဂဲၤဆၢထၢၣ်ဂီၤဂီၤ, ဟးထီၣ်ကွံာ်လၢသူၣ်ဒဲလီၢ်ၡံးတံၣ်, ဒီးလဲၤဝဲဆူထံ ကျိယၢ်ဒ့ၣ်ဒီးဖဲန့ၣ်အဝဲသ့ၣ်အိၣ်ခိး တၢ်လၢကခီဂာ်ဝဲအဂီၢ်န့ၣ်လီၤ.

လံာ်စီၤယိၤၡူ 6:14

ဒီးလၢခံသီတသီအံၤန့ၣ်, အဝဲသ့ၣ်လဲၤတရံးဝ့ၢ်တဝီကဒီး, ဒီးဟဲက့ၤကဒါက့ၤဆူသူၣ်ဒဲအလီၢ်န့ၣ်လီၤ. အဝဲသ့ၣ်မၤဒ်အံၤလၢဃုသီအတီၢ်ပူၤန့ၣ်လီၤ.

လံာ်စီၤယိၤၡူ 6:16

ဖဲလဲၤတရံးဝ့ၢ်နွံဝီန့ၣ်, ပှၤလုၢ်တၢ်အခိၣ်တဖၣ်အူထီၣ်အကွဲၤဒီး, စီၤယိၤၡူစံးဘၣ်ပှၤဂီၢ်မုၢ်, “ကိးပသူထီၣ်တက့ၢ်. ယွၤဟ့ၣ်လီၤသုဝ့ၢ်အံၤလံ.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.