လံာ်စီၤယိၤၡူ 6:13 - Sgaw Karen Common Bible

¹³ အဆိကတၢၢ်, ပှၤသုးဖိလၢညါတဖု, ဝံၤဒီးပှၤလုၢ်တၢ်အခိၣ်နွံ ဂၤအူကွဲၤနွံဖျၢၣ်, ဝံၤဒီးပှၤလုၢ်တၢ်အခိၣ်တဖၣ်လၢအစိာ်ယွၤအတၢ်အၢၣ်လီၤအီလီၤ အတလါ, ဒီးလၢခံကတၢၢ်ပှၤစိာ်စုကဝဲၤတဖၣ်န့ၣ်လီၤ. ဒီကတီၢ်ညါန့ၣ်, ကွဲၤတဖၣ်သီၣ်ဝဲန့ၣ်လီၤ.

လံာ်စီၤယိၤၡူ 6:13 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:26

အဝဲသ့ၣ်လုၢ်ထီၣ်ပာ်ထီၣ်ဂီၤဖံးဖါနွံဒုဒီးသိနွံဒုဒ်သိး ကမၤလီၤတံၢ်ဝဲလၢကစၢ်ယွၤကမၤစၢၤပှၤလ့ၤဝံဖိတဖၣ်လၢအစိာ် တၢ်အၢၣ်လီၤအီလီၤအတလါန့ၣ်လီၤ.

လံာ်တၢ်ဂံၢ် 10:25

လၢခံကတၢၢ်န့ၣ်, ပှၤတဖၣ်လၢအအိၣ်လၢစီၤဒၣ်အဒူၣ်အကရူၢ်အနီၣ်တယၢ် အဖီလာ်လၢအမၤတၢ်ဒ်ကရူၢ်ခဲလၢာ်အပှၤပၢၤတၢ်ကစးထီၣ်လဲၤတၢ်တဖု ဘၣ်တဖု, ဃုာ်ဒီးစီၤဧးမံၡဒံၤအဖိခွါစီၤအဃံဧ့စ့ၣ်ဒ်ပှၤပၢဆှၢတၢ် အသိးန့ၣ်လီၤ.

လံာ်မးသဲ 24:13

ဘၣ်ဆၣ်ဒီး, ပှၤတဂၤလၢ်လၢ်လၢအတူၢ်တၢ်တဖၣ်အံၤန့ၢ်ဝဲ, ဒီးအိၣ်ဂၢၢ်ဆိးကျၢၤဝဲတုၤအကတၢၢ်န့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

လံာ်စီၤယိၤၡူ 6:12

လၢခံတဂီၤ, စီၤယိၤၡူဆၢထၢၣ်ဝဲဂီၤဂီၤ, ဒီးပှၤလုၢ်တၢ်အခိၣ်တဖၣ်ဒီးပှၤ သုးဖိတဖၣ်လဲၤတရံးဝ့ၢ်ခံဘျီတဘျီဒ်အမၤတ့ၢ်ဝဲလၢအပူၤကွံာ်တသီအသိး,

လံာ်စီၤယိၤၡူ 6:14

ဒီးလၢခံသီတသီအံၤန့ၣ်, အဝဲသ့ၣ်လဲၤတရံးဝ့ၢ်တဝီကဒီး, ဒီးဟဲက့ၤကဒါက့ၤဆူသူၣ်ဒဲအလီၢ်န့ၣ်လီၤ. အဝဲသ့ၣ်မၤဒ်အံၤလၢဃုသီအတီၢ်ပူၤန့ၣ်လီၤ.

လံာ်စီၤယိၤၡူ 6:4

ပှၤလုၢ်တၢ်အခိၣ်နွံဂၤ, တဂၤကစိာ်ကွဲၤတဖျၢၣ်စုာ်စုာ်, ကဘၣ်လဲၤတၢ်လၢတၢ်အၢၣ်လီၤအီလီၤ အတလါအမဲာ်ညါန့ၣ်လီၤ. ဒီးလၢနွံသီတသီန့ၣ်, နၤဒီးနသုးဖိတဖၣ်ကဘၣ်လဲၤတရံးဝ့ၢ်န့ၣ်နွံဝီဖဲပှၤလုၢ်တၢ် အခိၣ်တဖၣ်အူထီၣ်ကွဲၤအခါန့ၣ်လီၤ.

လံာ်စီၤယိၤၡူ 6:9

ဒီးပှၤစိာ်စုကဝဲၤလၢလီၢ်ခံတဖုပိာ်ထီၣ်တၢ်အၢၣ်လီၤအီလီၤအတလါအခံဒီးကွဲၤတဖၣ်ဘၣ်တၢ်အူသီၣ်ထီၣ်အီၤတထံၣ်ဃီန့ၣ်လီၤ.