လံာ်စီၤယိၤၡူ 6:1 - Sgaw Karen Common Bible

¹ ဝ့ၢ်ယရံၤဃိအတြဲၤတဖၣ်ဘၣ်တၢ်ကးတံာ်ဒီးပၢၤဃာ်အီၤဒ်သိးပှၤအံၣ်စရ့လးဖိအသုတဟဲနုာ်တဂ့ၤအဂီၢ်ဒီးပှၤဟဲနုာ်ဒီးဟးထီၣ် လၢဝ့ၢ်ပူၤတသ့နီတဂၤဘၣ်.

လံာ်စီၤယိၤၡူ 6:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:5

အဝဲသ့ၣ်အမဲာ်ဆှးဒိၣ်မးလၢကက့ၤကဒါက့ၤဆူဟံၣ်အဂီၢ်လီၤ. ဖဲစီၤဒၤဝံးနၢ်ဟူတၢ်လၢအမၤတ့ၢ်အသးအဂ့ၢ်န့ၣ်, အဝဲတဲဘၣ်လီၤအဝဲသ့ၣ်လၢကအိၣ်ဆိးဖဲဝ့ၢ်ယရံၤဃိအပူၤဒီး တချုးလၢအနိးဆူၣ်ခၣ်ဆူၣ်ဟဲထီၣ်ကဒါက့ၤဒံးဘၣ်ဒီးအသုတဟဲ က့ၤကဒါက့ၤတဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:4

ဘၣ်ဆၣ်, ဘၣ်တနံၤန့ၣ်, စီၤဟိၤၡ့ဆှၢလီၤပှၤစိာ်တၢ်ကစီၣ်ဆူ ကီၢ်အဲၤကူပတူးအစီၤပၤစိအအိၣ်, ဒီးဃ့အီၤတၢ်မၤစၢၤ, ဒီးဆိကတီၢ်ကွံာ်အတၢ်ဟ့ၣ်တနံၣ်တဘျီအတၢ်ခိတၢ်သွဲဆူ ကီၢ်အၤၡူၢ်န့ၣ်လီၤ. တုၤစီၤၡၤလမၤန့စ့ၢ်သ့ၣ်ညါတၢ်အံၤ န့ၣ်, အဝဲမၢပှၤဖီၣ်စီၤဟိၤၡ့ဒီးဒၢနုာ်အီၤလၢဃိာ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:4

အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ် လဲၤဆူဝ့ၢ်ယရံၤဃိန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤယဆိၣ်တၢ်ဒီးယွၤလၢအမူဝဲတဂၤဒီးနၤလၢ ယတဟးဖးဒီးနၤဘၣ်.” လၢတၢ်န့ၣ်အဃိလဲၤသကိးဝဲဆူဝ့ၢ်ယရံၤဃိန့ၣ်လီၤ.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

လံာ်စီၤယိၤၡူ 16:7

ဝံၤဒီးလဲၤလီၤလၢဝ့ၢ်ယၤနိဃၤဆူဝ့ၢ်ဧးတၤရိး ဒီးဆူဝ့ၢ်နၤရးတုၤလၢဝ့ၢ်ယရံၤဃိဒီးလဲၤကတၢၢ်လၢထံကျိယၢ်ဒ့ၣ်လီၤ.

လံာ်စီၤယိၤၡူ 18:21

ဝ့ၢ်တဖၣ်လၢအဘၣ်ဃးဒီးဘံၣ်ယၤမံၣ်အဒူၣ်, ဒ်အဒူၣ်ဖိထၢဖိ အိၣ်ဝဲအသိးန့ၣ်မ့ၢ်ဝဲ, ယရံၤဃိ, ဘ့ၤသဃါကလၤ, ဧ့မဲးကစံး,

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 2:7

စီၤပၤအပှၤတဖၣ်ဟးထီၣ်လၢဝ့ၢ်ပူၤ ဝံၤဒီးဝ့ၢ်တြဲၤဘၣ်တၢ်ကးတံၢ်အီၤန့ၣ်လီၤ. အဝဲသ့ၣ်လဲၤဒီးလူၤဃုပှၤအံၣ်စရ့လးဖိအပှၤကွၢ်ဟုၣ်ကွၢ်စုး တၢ်တုၤတၢ်လီၢ်ဖဲကျဲလၢအလဲၤခီဂာ်ထံကျိယၢ်ဒ့ၣ်န့ၣ်လီၤ.

လံာ်စီၤယိၤၡူ 5:15

ဒီးယွၤအသုးမုၢ်အခိၣ်စံးဘၣ်အီၤ, “ဘ့ၣ်လီၤကွံာ်နခီၣ်ဖံးတက့ၢ်. နဆၢထၢၣ်လၢတၢ်လီၢ်စီဆှံလီၤ.” ဒီးစီၤယိၤၡူမၤဝဲဒ်တၢ်စံးဘၣ်အီၤအသိးလီၤ.

လံာ်စီၤယိၤၡူ 6:2

ယွၤစံးဘၣ်စီၤယိၤၡူ, “ယဟ့ၣ်လီၤဝ့ၢ်ယရံၤဃိ, ဃုာ်ဒီးအစီၤပၤဒီးအသုးမုၢ်သံၣ်ဘိလၢအဒူတဖၣ်ခဲလၢာ် လၢနစုပူၤလီၤ.