လံာ်စီၤယိၤၡူ 5:9 - Sgaw Karen Common Bible

⁹ ယွၤစံးဘၣ်စီၤယိၤၡူ, “မုၢ်မဆါတနံၤအံၤယသုးကွံာ်သု တၢ်မဲာ်တြီၢ်မဲာ်ဆှးဘၣ်ဃးဒီးသုတၢ်ကဲကုၢ်လၢကီၢ်အဲၤကူ ပတူးန့ၣ်လံ.” လၢတၢ်န့ၣ်အဃိတၢ်လီၢ်ဝဲန့ၣ်တၢ်ကိးအမံၤလၢကံးလကၤလး, မံၤလၢအအိၣ်တုၤမုၢ်မဆါတနံၤအံၤလီၤ.

လံာ်စီၤယိၤၡူ 5:9 Iomraidhean Croise

လံာ်တၢ်ကဲထီၣ်အခီၣ်ထံး 34:14

အဝဲသ့ၣ်စံးဘၣ်အီၤ, “ပပျဲပဒီပုၢ်ဝဲၢ်မုၣ်ဒိးတ့ဒိးဖျီ အသးဒီးပှၤတဂၤလၢအတဒိးကူးတရံးအသးတသ့ဘၣ်. တၢ်န့ၣ်ကမ့ၢ်တၢ်လီၤမဲာ်ဆှးတမံၤလၢပဂီၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:15

လၢအတၢ်က့ၤကဒါက့ၤလၢကျဲန့ၣ်စီၤပၤဘၣ်တၢ်ဟဲသဂၢၢ်အီၤဖဲထံကျိယၢ်ဒ့ၣ်, လၢပှၤကီၢ်ယူဒၤဖိတဖၣ်လၢအဟဲဝဲလၢဝ့ၢ်ကံးလကၤလး, ဒ်သိးကကွၢ်ထွဲဒီးဆှၢအီၤလၢတၢ်ခီထံကျိအဂီၢ်န့ၣ်လီၤ.

လံာ်စီၤနဃ့မယၤ 12:29

ဒီးလၢကံးလကၤလး, က့ဘၤဒီးဧၤစမၤဝ့းန့ၣ်လီၤ.

စံးထီၣ်ပတြၢၤ 119:39

မၤပူၤဖျဲးယၤလၢတၢ်ဒုၣ်ဒွဲၣ်လၢယပျံၤအီၤန့ၣ်တက့ၢ်. နတၢ်စံၣ်ညီၣ်တဖၣ်လီၤလးဆံးဒိၣ်လဲၣ်.

လံာ်ယံးရမံယၤ 9:25

ယွၤစံးဝဲဒၣ်, “တၢ်ဆၢကတီၢ်ဟဲလံဝဲဖဲယကစံၣ်ညီၣ်ယပှၤဂီၢ်မုၢ် တဖၣ်လၢကီၢ်အဲၤကူပတူး, ကီၢ်ယူဒၤ, ကီၢ်အဒိၣ်, ကီၢ်ဧၤမိၣ်, ကီၢ်မိၤအးအပူၤ, ဒီးမဲးမုၢ်ခိၣ်အပှၤဂီၢ်မုၢ်လၢအတံာ်ဖုၣ်အခိၣ်သူ န့ၣ်လီၤ.

လံာ်ယဃ့းစက့လး 23:8

အဝဲမၤထွဲဒံးတၢ်လၢအစးထီၣ်မၤတ့ၢ်ဝဲဒ်ပှၤဃဲသဲမုၣ်တဂၤ အသိးလၢကီၢ်အဲၤကူပတူးအပူၤ, ဖဲအဝဲအတၢ်မ့ၢ်ပှၤမုၣ်ကနီၤလီၤမၢ်ကွံာ်ဝဲဒၣ်န့ၣ်လီၤ. စးထီၣ်လၢအဝဲမ့ၢ်ပိာ်မုၣ်ဖိသၣ်တဂၤလံၤလံၤန့ၣ်, ပိာ်ခွါတဖၣ်မံဃုာ်ဒီးအီၤဒီးပာ်အီၤဒ်ပှၤဃဲသဲမုၣ်တဂၤ အသိးန့ၣ်လီၤ.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဧၤမိၣ် 5:5

လဲၤဆူဝ့ၢ်ဘ့ၢ်ၡဘၤလၢတၢ်ဘူၣ်ထီၣ်ဘါထီၣ်အဂီၢ်တဂ့ၤ. ဂုာ်ကျဲးစၢးထံၣ်ယၤလၢဝ့ၢ်ဘ့ၤသ့လးတဂ့ၤ. ဝ့ၢ်ဘ့ၤသ့လးကကဲထီၣ်တၢ်ကလီကလီလီၤ. လဲၤဆူဝ့ၢ်ကံးလကၤလးတဂ့ၤ. အပှၤကလုာ်တဖၣ်ကဘၣ်တၢ်စံၣ်ညီၣ်ဃၣ်ကွံာ်ဆူတၢ်စိာ်မၢကဲကုၢ်အပူၤ န့ၣ်လီၤ.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်စဖါနယၤ 2:8

ယွၤသ့တၢ်လၢာ်စံးဝဲ, “ယနၢ်ဟူတ့ၢ်လံပှၤမိၤအးဖိဒီးပှၤဧၣ်မိၣ်ဖိဒုၣ်ဒွဲၣ်ဒီး ကတိၤဆါယပှၤဂီၢ်မုၢ်ဒီးကတိၤဒိၣ်ကတိၤသွါအသးလၢကဂုာ်န့ၢ် ကွံာ်အဝဲသ့ၣ်အကီၢ်န့ၣ်လီၤ.

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.

လံာ်စီၤယိၤၡူ 4:19

ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.

လံာ်စီၤယိၤၡူ 5:8

တၢ်ကူးတရံးဘၣ်တၢ်မၤဝံၤအီၤဒီး, ပှၤဂီၢ်မုၢ်အိၣ်ဝဲလၢအသူၣ်ဒဲအလီၢ်တုၤအပူၤလီၢ်တဖၣ်ဘျါက့ၤ တစုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 7:16

ကိးနံၣ်ဒဲးန့ၣ်အဝဲလဲၤဟးတရံးဝဲဆူဝ့ၢ်ဘ့ၤသ့လး, ဝ့ၢ်ကံးလကၤလးဒီးဝ့ၢ်မံၣ်စပၤလီၤ. ဒီးလၢတၢ်လီၢ်ကိးပူၤဒဲးအံၤန့ၣ် စီၤၡမူၤအ့လးမၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်န့ၣ်လီၤ.