လံာ်စီၤယိၤၡူ 5:10 - Sgaw Karen Common Bible

¹⁰ ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.

လံာ်စီၤယိၤၡူ 5:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:28

ဖဲဆၢကတီၢ်အပူၤအတ့ၤအံၤန့ၣ်, ယကခိးတၢ်လၢထံကျိ စိးခံတဖၣ်ဖဲပှၢ်မုၢ်ကနၢအပူၤ, တုၤယဒိးန့ၢ်တၢ်ကစီၣ်လၢသု အိၣ်န့ၣ်လီၤ.”

လံာ်တၢ်ဟးထီၣ်ကွံာ် 12:11

သုကဘၣ်အီၣ်အီၤချ့ချ့လီၤ. အဂ့ၢ်ဒ်အံၤ, သုကဘၣ်ကတဲာ်ကတီၤသုသးလၢတၢ်လဲၤတၢ်က့ၤအဂီၢ်, အိၣ်ဒီးသုခီၣ်ဖံးတဖၣ်လၢသုခီၣ်အလိၤဒီးသုနီၣ်က့အိၣ်လၢ သုစုပူၤန့ၣ်လီၤ. အအံၤမ့ၢ်ဘူၣ်လဲၤကပာ်လၢတၢ်မၤလၤကပီၤယၤယွၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:18

စးထီၣ်လၢလါအခီၣ်ထံးတလါတဆံလွံၢ်သီဟါတုၤဃီၤလၢခံဆံ တသီဟါန့ၣ်သုတဘၣ်အီၣ်ကိၣ်တခါလၢ်လၢ်လၢအဘၣ်တၢ်မၤအီၤဒီးကိၣ် မံၣ်န့ၣ်ဘၣ်.

လံာ်တၢ်ဟးထီၣ်ကွံာ် 12:6

ဒီးလၢလါတလါအံၤတဆံလွံၢ်နံၤတနံၤဟါခီန့ၣ်ကီၢ်အံၣ်စရ့လး အကမျၢၢ်အဟံၣ်ဖိဃီဖိကိးဒူၣ်ဒဲးကဘၣ်မၤသံဆၣ်ဖိကီၢ်ဖိတဖၣ် န့ၣ်လီၤ.

လံာ်ယံးရမံယၤ 39:5

ဘၣ်ဆၣ်ဒီး, ကီၢ်ဘၤဘူၤလိၣ် အသုးမုၢ်လူၤ ထွဲအဝဲသ့ၣ်ဒီး ဖီၣ်န့ၢ်စီၤစံးဒကံယၤဖဲ ပျီပူၤဘူးဒီး ဝ့ၢ်ယရံၤဃိန့ၣ်လီၤ. အန့ၣ်ဒီၤ, အဝဲသ့ၣ်လဲၤစိာ်အီၤဆူ စီၤပၤနဘူၤကးန့စၢ်အအိၣ် လၢအအိၣ်ဖဲဝ့ၢ်ရံးဘလၤလၢ ကီၢ်ဃမါသးအပူၤ, ဖဲန့ၣ်, စီၤနဘူးကးန့စၢ် စံၣ်ညီၣ်အီၤန့ၣ်လီၤ.

လံာ်ယဃ့းစက့လး 12:3

ပှၤကညီလၢအသံသ့ဧၢ, ခဲကနံၣ်အံၤဘိၣ်ထီၣ်တၢ်ဘိၣ်တဘိၣ်ဒ်ပှၤဘၣ် ဃ့ၢ်ကွံာ်ဆူထံဂၤကီၢ်ဂၤကမၤဝဲအသိး, ဒီးတချုးတၢ်ခံးလီၤဒံးဘၣ်န့ၣ်, ဟးထီၣ်နဲတက့ၢ်. ပျဲပှၤကိးဂၤဒဲးထံၣ်ထွဲနတၢ်ဟးထီၣ်ဒီးလဲၤဆူတၢ်လီၢ်အဂၤ တတီၤန့ၣ်တက့ၢ်. ဘၣ်သ့ၣ်သ့ၣ်, ပှၤပူထီၣ်တၢ်တဖၣ်န့ၣ်ကပာ်သူၣ်ပာ်သးလၢနၤလီၤ.

လံာ်တၢ်ဘူၣ်ထီၣ်ဘါထီၣ် 23:5

ဘူၣ်လဲၤကပာ်န့ၣ်ဘၣ်တၢ်မၤအီၤလၢတၢ်မၤလၤကပီၤယွၤဒီးဘၣ်တၢ် စးထီၣ်မၤအီၤလၢလါခီၣ်ထံးတလါတဆံလွံၢ်နံၤတနံၤမုၢ်ဟါလီၤအကတီၢ်န့ၣ်လီၤ.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်စီၤယိၤၡူ 4:19

ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.

လံာ်စီၤယိၤၡူ 5:11

ဒီးမုၢ်ဆ့ၣ်ထီၣ်အနံၤတနံၤဃီန့ၣ်, အဝဲသ့ၣ်အီၣ်တၢ်အီၣ်လၢအဟး ထီၣ်လၢကီၢ်ကနၤဧၣ်အဆိကတၢၢ်တဘျီလၢအမ့ၢ်ဝဲကိၣ်တအိၣ်ဘၣ်ဒီး ကိၣ်မံၤဒီးဘုဝဲာ်အသးတဖၣ်န့ၣ်လီၤ.

လံာ်စီၤယိၤၡူ 9:6

ဝံၤဒီးအဝဲသ့ၣ်လဲၤဝဲဆူသူၣ်ဒဲ အလီၢ်လၢဝ့ၢ်ကံးလကၤလးဒီးစံးဘၣ်စီၤယိၤၡူဒီးပှၤအံၣ်စရ့လးဖိတဖၣ်, “ပဟဲလၢကီၢ်လၢအယံၤတဘ့ၣ်လီၤ. ပအဲၣ်ဒိးလၢနကမၤတၢ်အၢၣ်လီၤအီ လီၤဒီးပှၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 7:16

ကိးနံၣ်ဒဲးန့ၣ်အဝဲလဲၤဟးတရံးဝဲဆူဝ့ၢ်ဘ့ၤသ့လး, ဝ့ၢ်ကံးလကၤလးဒီးဝ့ၢ်မံၣ်စပၤလီၤ. ဒီးလၢတၢ်လီၢ်ကိးပူၤဒဲးအံၤန့ၣ် စီၤၡမူၤအ့လးမၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်န့ၣ်လီၤ.