လံာ်စီၤယိၤၡူ 4:9 - Sgaw Karen Common Bible

⁹ ဒီးစီၤယိၤၡူပာ်လီၤစ့ၢ်ကီးလၢၢ်တဆံ ခံဖျၢၣ်လၢထံကျိယၢ်ဒ့ၣ်အခၢၣ်သးလၢတၢ်လီၢ်ဖဲပှၤလုၢ်တၢ်အ ခိၣ်တဖၣ်လၢအစိာ်တၢ်အၢၣ်လီၤအီလီၤအတလါအိၣ်ဆၢထၢၣ်ဝဲန့ၣ်လီၤ. ဒီးလၢၢ်တဖၣ်န့ၣ်အိၣ်ဒံးဝဲတုၤမုၢ်မဆါတနံၤအံၤလီၤ.

လံာ်စီၤယိၤၡူ 4:9 Iomraidhean Croise

လံာ်တၢ်ကဲထီၣ်အခီၣ်ထံး 26:33

ဒီးစီၤအံၤစဲးကိးဝဲထံပူၤအံၤလၢဘ့ၢ်ၡဘၤအခီပညီ, “တၢ်ဆိၣ်” န့ၣ်လီၤ. တၢ်န့ၣ်မ့ၢ်ဝ့ၢ်ဘ့ၢ်ၡဘၤဒိးန့ၢ်မံၤအံၤဒ်လဲၣ်အဂ့ၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:18

စီၤယၤကိာ်ပၢၢ်ထီၣ်ဂီၤဂီၤလၢမုၢ်ဆ့ၣ်ထီၣ်တနံၤဒီးဟံးန့ၢ် လၢၢ်လၢအတခၢၣ်ဝဲဒီးပာ်ထီၣ်ဝဲဒ်တၢ်သ့ၣ်နီၣ်တမံၤအသိးန့ၣ်လီၤ. ဒီးလူလီၤဝဲသ့ၣ်စၤယံးအသိလၢအဖီခိၣ်ဒ်သိးကပာ်စီဆှံထီၣ် ဝဲဆူကစၢ်ယွၤအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:3

အဝဲသ့ၣ်တဖၣ်မ့ၢ်ပှၤဃ့ၢ်ပူၤဖျဲးအသးဆူဝ့ၢ်ကံးတယၣ်, တၢ်လီၢ်ဖဲအဝဲသ့ၣ်အိၣ်ဆိးတ့ၢ်ဝဲ, စးထီၣ်လၢန့ၣ်လံၤလံၤလီၤ.)

လံာ်စီၤပၤအခီၣ်ထံးတဘ့ၣ် 18:31

အဝဲဟံးထီၣ်လၢၢ်တဆံခံဖျၢၣ်ဒ်ဒူၣ်တဖၣ်လၢအဘၣ်ဃးဒီးစီၤယၤ ကိာ်အဖိခွါတဖၣ်အတၢ်ဂံၢ်အိၣ်ဝဲအသိးန့ၣ်လီၤ. စီၤယၤကိာ်မ့ၢ်ပှၤတဂၤလၢယွၤဟ့ၣ်တ့ၢ်အီၤမံၤလၢအမ့ၢ်ဝဲ စီၤအံၣ်စရ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:9

နီၣ်ယိးဘိအထိးနါတဖၣ်ဘၣ်တၢ်ထံၣ်အီၤသ့လၢကယဲၢ်ပှၤတဂၤလၢ်လၢ် လၢအဆၢထၢၣ်ဖဲတၢ်လီၢ်စီဆှံကတၢၢ်အမဲာ်ညါလိၤလိၤ, မ့မ့ၢ်ပှၤဆၢထၢၣ်လၢတၢ်လီၢ်အဂၤတဖၣ်ထံၣ်အီၤတသ့ဘၣ်. (နီၣ်ယိးဘိတဖၣ်အိၣ်ဒံးဝဲဖဲန့ၣ်, တုၤမုၢ်မဆါတနံၤအံၤန့ၣ်လီၤ.)

လံာ်တၢ်ဟးထီၣ်ကွံာ် 24:12

ယွၤစံးဘၣ်တ့ၢ်စီၤမိၤၡ့, “ဟဲထီၣ်ဆူကစၢၢ်လိၤဆူယအိၣ်တ က့ၢ်. ဒီးနအိၣ်ဖဲအံၤအကတီၢ်န့ၣ်ယကဟ့ၣ်နၤလၢၢ်ဘ့ၣ်ဘၣ်ခံဘ့ၣ်လၢ အအိၣ်ဒီးတၢ်သိၣ်တၢ်သီတဖၣ်လၢယကွဲးအီၤလၢတၢ်သိၣ်လိနဲၣ်ယုၤပှၤ ဂီၢ်မုၢ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 28:21

ဒီးလၢလၢၢ်တဆံခံဖျၢၣ်အံၤအလိၤန့ၣ်တၢ်ကဘၣ်စိးပျၤစီၤယၤကိာ်အဖိခွါတဖၣ်အမံၤ, တဖျၢၣ်တဂၤစုာ်စုာ်ဒ်သိးကကဲထီၣ်ပှၤအံၣ်စရ့လးဖိတဆံခံဒူၣ်အခၢၣ်စးန့ၣ်လီၤ.

လံာ်မးသဲ 27:8

လၢတၢ်န့ၣ်အဃိ, ပျီအဝဲန့ၣ်ဘၣ်တၢ်ကိးအီၤလၢတၢ်သွံၣ်အပျီ” တုၤလီၤလၢမုၢ်မဆါတနံၤအံၤလီၤ.

လံာ်မးသဲ 28:15

ပှၤပၢၤတၢ်ဖိတဖၣ်ဟံးန့ၢ်စ့ဒီး မၤဝဲဒ်အဘၣ်တၢ်မၢအီၤအသိးန့ၣ်လီၤ. ဒီးလၢတၢ်န့ၣ်အဃိ, တၢ်န့ၣ်, မ့ၢ်တၢ်ကစီၣ်လၢပှၤယူဒၤဖိတဖၣ်ဟ့ၣ်ထီၣ်သကုၤဆးဒး တုၤမုၢ်မဆါတနံၤအံၤလီၤ.

လံာ်သိၣ်လီၤသီလီၤတၢ် 34:6

ယွၤခူၣ်လီၤကွံာ်အီၤလၢတၢ်တြီၤပူၤတတီၤလၢကီၢ်မိၤအးအပူၤ, အိၣ်သဃီၤဝဲဖဲဝ့ၢ်ဘ့ၤသပဧိၢ်အမဲာ်ညါ, ဘၣ်ဆၣ်တုၤလၢမုၢ်မဆါ တနံၤအံၤန့ၣ်, ပှၤတသ့ၣ်ညါဘၣ်တၢ်လီၢ်လီၤတံၢ်လီၤဆဲးဖဲ အဝဲဘၣ်တၢ်ခူၣ်လီၤအီၤန့ၣ်နီတဂၤဘၣ်.

လံာ်စီၤယိၤၡူ 24:26

စီၤယိၤၡူကွဲးတၢ်မၤလိာ်တဖၣ်အံၤလၢယွၤအလံာ်တၢ်သိၣ်တၢ်သီအပူၤန့ၣ်လီၤ. အန့ၣ်ဝံၤဒီးအဝဲဟံးန့ၢ်လၢၢ်ဖးဒိၣ်တဖျၢၣ်ဒီးပာ်လီၤဝဲထူၣ် ကလာ်ဖဲသ့ထိးဖၣ်တထံးအဖီလာ်လၢယွၤအတၢ်လီၢ်စီဆှံအပူၤန့ၣ်လီၤ.

လံာ်စီၤယိၤၡူ 4:10

ပှၤလုၢ်တၢ်အခိၣ်တဖၣ်ဆၢထၢၣ်လၢထံကျိ ယၢ်ဒ့ၣ်အခၢၣ်သးတုၤလီၤလၢတၢ်လၢယွၤမၢစီၤယိၤၡူတဲ ဘၣ်အပှၤဂီၢ်မုၢ်လၢအကမၤဝဲခဲလၢာ်ဘၣ်တၢ်မၤဝံၤ အီၤတစုန့ၣ်လီၤ. တၢ်အံၤမ့ၢ်တၢ်လၢစီၤမိၤၡ့မၤလိာ်တ့ၢ်ဝဲန့ၣ်လီၤ. ဒီးပှၤဂီၢ်မုၢ်ခီဂာ်ထံကျိချ့ချ့န့ၣ်လီၤ.

လံာ်ပှၤစံၣ်ညီၣ်ကွီၢ် 1:26

ဒီးပှၤတဂၤန့ၣ်လဲၤဆူပှၤဃ့ၤသးဖိအကီၢ်ဒီးသူၣ်ထီၣ်ဝ့ၢ်တဝ့ၢ် ဒီးကိးအီၤလၢဝ့ၢ်လူးစးဒီးဝ့ၢ်န့ၣ်အမံၤအိၣ်တုၤမုၢ်မဆါတနံၤအံၤ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:25

စီၤဒၤဝံးဒုးကဲထီၣ်တၢ်အံၤလၢတၢ်သိၣ်တၢ်ဘျၢတခါ, ဒီးတၢ်န့ၣ်ဘၣ်တၢ်မၤထွဲအီၤလၢကီၢ်အံၣ်စရ့လးအပူၤ စးထီၣ်ဖဲတနံၤန့ၣ်လံၤလံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:12

အန့ၣ်တစုစီၤၡမူအ့လးဟံးန့ၢ်လၢၢ်တဖျၢၣ်ဒီးပာ်လီၤအီၤဖဲ ဝ့ၢ်မံးစပၤဒီးဝ့ၢ်ၡ့ၣ်အဘၢၣ်စၢၤဒီးစံးဝဲ, “ယွၤမၤစၢၤတ့ၢ်ပှၤကျဲဒီဘိညါလီၤ.” ဒီးယုၢ်ဝဲအမံၤလၢ “အ့ဘ့ၤန့စၢ်” လီၤ.