လံာ်စီၤယိၤၡူ 4:6 - Sgaw Karen Common Bible

⁶ လၢၢ်တဖၣ်အံၤကဒုးသ့ၣ်နီၣ်ထီၣ်သုလၢတၢ်လၢယွၤမၤတ့ၢ်ဝဲလၢသု ဂီၢ်န့ၣ်လီၤ. လၢခံလၢလာ်, ဖဲသုဖိသုလံၤသံကွၢ်ဝဲ လၢၢ်တဖၣ်အံၤမ့ၢ်တၢ်ဒ်လဲၣ်န့ၣ်ဒီး,

လံာ်စီၤယိၤၡူ 4:6 Iomraidhean Croise

စံးထီၣ်ပတြၢၤ 44:1

ကစၢ်ယွၤဧၢ, ပနၢ်ဟူတ့ၢ်လၢပနၢ်, ပပၢ်သ့ၣ်တဖၣ်တဲတ့ၢ်ပှၤ တၢ်ဖံးတၢ်မၤလၢနမၤတ့ၢ်လၢအမုၢ်နံၤတဖၣ်, မုၢ်နံၤလၢပျၢၤန့ၣ်လီၤ.

စံးထီၣ်ပတြၢၤ 71:18

ကစၢ်ယွၤဧၢ, တုၤလီၤလၢယသးပှၢ်ဒီးခိၣ်ဝါ, ယတချုးဒုးနဲၣ်ဒံးဘၣ်နတၢ်ဂံၢ်တၢ်ဘါဒီးနစိနကမီၤ လၢကယဲၢ်ပှၤလၢအကဟဲတဖၣ်ဒံးဘၣ်န့ၣ်, လဲၤသဒၣ်ကွံာ်ဒံးယၤတဂ့ၤ.

လံာ်တၢ်ဟးထီၣ်ကွံာ် 12:14

သုကဘၣ်မၤလၤကပီၤမုၢ်နံၤအံၤဒ်တၢ်ဘူၣ်တၢ်ဘါအဘူၣ်တဘူၣ်ဒ်သိး ကဒုးသ့ၣ်နီၣ်ထီၣ်က့ၤသုတၢ်လၢယၤ, ယွၤမၤတ့ၢ်အီၤန့ၣ်လီၤ. မၤလၤကပီၤအီၤလၢဆၢကတီၢ်လၢအကဟဲထီဘိတက့ၢ်.”

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:9

တၢ်အလုၢ်အလၢ်အံၤကမ့ၢ်တၢ်ဒုးသ့ၣ်နီၣ်ထီၣ်တၢ်, ဒ်တၢ်တမံၤလၢအဘၣ်တၢ်စၢဃးအီၤလၢသုစုလိၤမ့ၢ်ဂ့ၤလၢသု ခိၣ်တိသၣ်လိၤမ့ၢ်ဂ့ၤ, ဒ်သိးကဒုးသ့ၣ်နီၣ်ထီၣ်သုလၢသုကတိၢ် န့ၢ်ဒီးမၤလိထွဲယွၤအတၢ်သိၣ်တၢ်သီလၢအဟ့ၣ်လီၤပှၤယူဒၤဖိ န့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်သုလၢကီၢ်အဲၤကူပတူးပတူးအပူၤလၢအတၢ်စိ တၢ်ကမီၤဖးဒိၣ်န့ၣ်လီၤ.

လံာ်တၢ်ဟးထီၣ်ကွံာ် 31:13

“ပာ်စီဆှံမုၢ်အိၣ်ဘှံးအနံၤစီဆှံ, မုၢ်နံၤလၢယအိၣ်ဘှံး န့ၣ်တက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ပနီၣ်လၢသုဝဲဒီးယၤအဘၢၣ်စၢၤလၢ တၢ်ကဒုးနဲၣ်ဖျါထီၣ်လၢယၤ, ယွၤအံၤ, ယဒုးကဲထီၣ်သုလၢယပှၤဂီၢ်မုၢ်ခဲအံၤဒီးဆူညါအစိၤစိၤအဃၣ်ဃၣ်န့ၣ်လီၤ.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 20:20

ပာ်မုၢ်အိၣ်ဘှံးနံၤဒ်မုၢ်နံၤစီဆှံတနံၤအသိး, ဒ်သိးတၢ်န့ၣ်ကမ့ၢ်ပတၢ်အၢၣ်လီၤအီလီၤအတၢ်ပနီၣ်တမံၤဒီးကဒုး သ့ၣ်နီၣ်ထီၣ်သုလၢယမ့ၢ်ယွၤသုကစၢ်ယွၤန့ၣ်တက့ၢ်.

လံာ်တၢ်ဂံၢ် 16:38

အဝဲသ့ၣ်ကဲထီၣ်တ့ၢ်တၢ်စီဆှံဖဲအဘၣ်တၢ်ဟ့ၣ်ထီၣ်အီၤဆူယွၤ အတၢ်လုၢ်လီၢ်အကတီၢ်န့ၣ်လီၤ. မၤသးဒ်န့ၣ်ဒီး, ဟံးထီၣ်ကွံာ်ပှၤတဖၣ်လၢအဘၣ်တၢ်မၤသံအီၤအ သပၢၤမ့ၣ်အူလၢအဝဲသ့ၣ်အတၢ်ဒဲးဘးအဂီၢ်ဒီးပိာ်ကဲထီၣ်အီၤဆူ လီခီအဘူဒီးမၤတၢ်ခိၣ်ကျၢၢ်တခါလၢတၢ်လုၢ်လီၢ်အဂီၢ်တက့ၢ်. တၢ်န့ၣ်ကမ့ၢ်တၢ်ဟ့ၣ်ပလီၢ်တမံၤဆူကီၢ်အံၣ်စရ့လးအပှၤဂီၢ်မုၢ် န့ၣ်လီၤ.”

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

လံာ်သိၣ်လီၤသီလီၤတၢ် 11:19

သိၣ်လိန့ၢ်သုဖိတဖၣ်တက့ၢ်. ကတိၤတၢ်လၢအဂ့ၢ်ဖဲ သုအိၣ်လၢဟံၣ်ဒီးဖဲသုလဲၤတၢ်က့ၤတၢ်, ဖဲသုအိၣ်ဘှံးအိၣ်သါ ဒီးဖဲသုဖံးတၢ်မၤတၢ်အခါန့ၣ်တက့ၢ်.

လံာ်စီၤယိၤၡူ 22:27

မ့မ့ၢ်တခီ, မ့ၢ်တၢ်ပနီၣ်တမံၤလၢပဝဲဒီးသုအဘၢၣ်စၢၤ, ဒီးပှၤတစိၤဘၣ်တစိၤလၢပလီၢ်ခံတဖၣ်အဂီၢ်, လၢပမ့ၢ်ပှၤဘူၣ်ထီၣ်ဘါထီၣ်ယွၤနီၢ်နီၢ် လၢအဒဲစီဆှံအမဲာ်ညါဃုာ်ဒီးပတၢ်လုၢ်တဖၣ်လၢတၢ်လုၢ်မ့ၣ်အူ အဂီၢ်, ဃုာ်ဒီးတၢ်လုၢ်တဖၣ်ဒီးတၢ်လုၢ်မၤဃူမၤဖိးတဖၣ်န့ၣ်လီၤ. အဝဲအံၤမ့ၢ်ဒ်သိးသုစၢၤသုသွဲၣ်တဖၣ်အသုတစံးဘၣ် ပှၤလၢပတၢ်လုၢ်တဖၣ်တဘၣ်ဃးဒီးယွၤဘၣ်တဂ့ၤန့ၣ်လီၤ.

လံာ်စီၤယိၤၡူ 4:21

ဒီးအဝဲစံးဘၣ်ပှၤအံၣ်စရ့လးဖိတဖၣ်, “လၢခံလၢလာ်ဖဲသုဖိသုလံၤတဖၣ်သံကွၢ်သုလၢလၢၢ်ထူၣ်တဖၣ်အံၤ အခီပညီမ့ၢ်တၢ်မနုၤလဲၣ်န့ၣ်ဒီး

လံာ်စီၤယိၤၡူ 4:5

ဒီးစံးဘၣ်အဝဲသ့ၣ်, “လဲၤနုာ်လီၤဆူထံကျိယၢ်ဒ့ၣ်လၢယွၤသု ကစၢ်ယွၤအတၢ်အၢၣ်လီၤအီလီၤအတလါအမဲာ်ညါန့ၣ်တက့ၢ်. သုဝဲတဂၤဘၣ်တဂၤယိးထီၣ်လၢၢ်တဖျၢၣ်စုာ်စုာ်လၢသုဖံဘၣ်ခိၣ် လၢအံၣ်စရ့လးတဒူၣ်ဘၣ်တဒူၣ်အဂီၢ်န့ၣ်တက့ၢ်.