လံာ်စီၤယိၤၡူ 4:19 - Sgaw Karen Common Bible

¹⁹ ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.

လံာ်စီၤယိၤၡူ 4:19 Iomraidhean Croise

လံာ်စီၤပၤခံဘ့ၣ်တဘ့ၣ် 2:1

အကတီၢ်တုၤဃီၤဝဲဒၣ်လၢယွၤကစိာ်ထီၣ်ကွံာ်စီၤအ့ၤလံယၤဆူမူ ခိၣ်လၢကလံၤသဝံးတခါအပူၤန့ၣ်လီၤ. စီၤအ့ၤလံယၤဒီးစီၤအလံၤၡါဟးထီၣ်ဝဲလၢဝ့ၢ်ကံးလကၤလး,

လံာ်ဧၤမိၣ် 4:4

တၢ်စိတၢ်ကမီၤခဲလၢာ်အယွၤစံးဝဲဒၣ်, ပှၤကီၢ်အံၣ်စရ့လးဖိ သ့ၣ်ဧၢ, သုမ့ၢ်ဘၣ်မၤတၢ်ဒဲးဘးသပှၢ်ကတၢၢ်ဒီး, လဲၤဆူဘ့ၤသ့လးအတၢ်လီၢ်စီဆှံဒီးမၤတၢ်ဒဲးဘးတက့ၢ်. လဲၤဆူကံးလကၤလး, မၤတၢ်ဒဲးဘးလၢာ်သူၣ်လၢာ်သးတက့ၢ်. လဲၤ, မၤဒီးဟဲစိာ်ဆၣ်ဖိကီၢ်ဖိတဖၣ်ဒ်သိးကဘၣ်တၢ်လုၢ်ထီၣ်အီၤ တဂီၤဝံၤတဂီၤ, ဒီးဟဲစိာ်သုတၢ်ဆံဆဲၣ်ပူတပူတဖၣ်လၢကိးသၢသီတသီအနံၤန့ၣ် တက့ၢ်.

လံာ်ဧၤမိၣ် 5:5

လဲၤဆူဝ့ၢ်ဘ့ၢ်ၡဘၤလၢတၢ်ဘူၣ်ထီၣ်ဘါထီၣ်အဂီၢ်တဂ့ၤ. ဂုာ်ကျဲးစၢးထံၣ်ယၤလၢဝ့ၢ်ဘ့ၤသ့လးတဂ့ၤ. ဝ့ၢ်ဘ့ၤသ့လးကကဲထီၣ်တၢ်ကလီကလီလီၤ. လဲၤဆူဝ့ၢ်ကံးလကၤလးတဂ့ၤ. အပှၤကလုာ်တဖၣ်ကဘၣ်တၢ်စံၣ်ညီၣ်ဃၣ်ကွံာ်ဆူတၢ်စိာ်မၢကဲကုၢ်အပူၤ န့ၣ်လီၤ.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်သိၣ်လီၤသီလီၤတၢ် 1:3

ဖဲအဝဲသ့ၣ်ဟးထီၣ်ကွံာ်လၢကီၢ်အဲၤကူပတူးဝံၤအလီၢ်ခံအနံၣ် လွံၢ်ဆံ, လါတဆံတလါထီၣ်အခီၣ်ထံးကတၢၢ်တသီန့ၣ်စီၤမိၤၡ့တဲဘၣ်ပှၤဂီၢ် မုၢ်လၢကယဲၢ်တၢ်ကိးမံၤဒဲးလၢယွၤမၤလိာ်တ့ၢ်အီၤဒ်သိးအကတဲ ဘၣ်အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 11:30

(ကစၢၢ်ခံဖျၢၣ်အံၤအိၣ်ဝဲလၢထံကျိယၢ်ဒ့ၣ်, အမုၢ်နုာ်, ဖဲပှၤကနၤဧၣ်ဖိတဖၣ်လၢအအိၣ်ဆိးဖဲယၢ်ဒ့ၣ်အတြီၤပူၤ, အလီၢ်ကဝီၤပူၤန့ၣ်လီၤ. အဝဲသ့ၣ်အိၣ်ဝဲဒၣ်လၢမုၢ်နုာ်တကပၤ, တယံၤကဲာ်ဆိးဘၣ်ဒီးကီၢ်မိၤရံယၤအသ့ၣ်စီဆှံ တဖၣ်လၢအအိၣ်ဖဲဝ့ၢ်ကံးလကၤလးအကပၤဘၣ်န့ၣ်လီၤ.)

လံာ်စီၤယိၤၡူ 10:43

တၢ်အံၤဝံၤဒီး, စီၤယိၤၡူဒီးအသုးမုၢ်က့ၤကဒါက့ၤဆူသူၣ်ဒဲအလီၢ်လၢ ဝ့ၢ်ကံးလကၤလးန့ၣ်လီၤ.

လံာ်စီၤယိၤၡူ 10:6

ဒီးပှၤကံးဘိၣ်ဖိတဖၣ်ဆှၢလီၤတၢ် ကစီၣ်ဆူစီၤယိၤၡူလၢအသူၣ်ဒဲလၢဝ့ၢ်ကံးလကၤလးအအိၣ်ဒီးစံး ဝဲ, “တဘၣ်ပာ်တီၢ်ပှၤတဂ့ၤ. ဟဲတဘျီဃီဒီးမၤစၢၤပှၤတက့ၢ်. ဟဲမၤပူၤဖျဲးပှၤလၢပှၤအမိၢ်ဖိအစီၤပၤလၢအအိၣ်လၢကစၢၢ်ခံကလိ လိၤလၢအပာ်ဖှိၣ်အသးဒီးဒုးတၢ်ဒီးပှၤတဖၣ်အစုပူၤတက့ၢ်.”

လံာ်စီၤယိၤၡူ 15:7

ဒီးကီၢ်အဆၢန့ၣ်လဲၤထီၣ်ဆူဝ့ၢ်ဒဘံၢ်လၢကစၢၢ် ကဆူးဧၤကိၢ်ဒီးဆူကလံၤစိးဝံၤတရံး အသးဆူဝ့ၢ်ကံၤလကၤလးလၢအအိၣ်တခီတကပၤဒီးအဒူမံၣ်အတၢ်စိခိၣ်လၢအအိၣ်လၢကစၢၢ်ကဆူး ကလံၤထံးဒီးကီၢ်ဆၢန့ၣ်လဲၤ တၢ်တုၤလၢဧၣ်ၡ့မ့ၣ်အထံထီၣ်ပၢၢ်ဒီးကတၢၢ်ဝဲဖဲဧ့ၣ်ရိၤက့လး အထံထီၣ်ပၢၢ်န့ၣ်လီၤ.

လံာ်စီၤယိၤၡူ 24:11

သုခီဂာ်ထံကျိယၢ်ဒ့ၣ်ဒီးဟဲတုၤလၢဝ့ၢ်ယရံၤဃိလီၤ. ပှၤယရံၤဃိဖိဒုးတၢ်ဒီးသုလီၤ. ဒ်န့ၣ်အသိး, ပှၤပရးစၤဖိ, ပှၤကနၤဧၣ်ဖိ, ပှၤဃ့ၤသးဖိ, ပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိတဖၣ်ဒုးတၢ်ဒီးသုလီၤ. ဘၣ်ဆၣ်ယဟ့ၣ်သုတၢ်မၤနၢၤအဝဲသ့ၣ်ခဲလၢာ်န့ၣ်လီၤ.

လံာ်စီၤယိၤၡူ 4:18

ဒီးဖဲပှၤလုၢ်တၢ်အခိၣ်တဖၣ်လၢအစိာ်ယွၤအတၢ်အၢၣ်လီၤအီ လီၤအတလါဟဲက့ၤထီၣ်က့ၤလၢထံကျိယၢ်ဒ့ၣ်ဒီး, တုၤအခီၣ်ညါသးယီၢ်လီၤခိန့ၣ်, ထံယွၤလီၤကဒါက့ၤလုၣ်ဘၢထံ ကၢၢ်ခိၣ်ဒ်လၢညါအသိးန့ၣ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.

လံာ်စီၤယိၤၡူ 5:9

ယွၤစံးဘၣ်စီၤယိၤၡူ, “မုၢ်မဆါတနံၤအံၤယသုးကွံာ်သု တၢ်မဲာ်တြီၢ်မဲာ်ဆှးဘၣ်ဃးဒီးသုတၢ်ကဲကုၢ်လၢကီၢ်အဲၤကူ ပတူးန့ၣ်လံ.” လၢတၢ်န့ၣ်အဃိတၢ်လီၢ်ဝဲန့ၣ်တၢ်ကိးအမံၤလၢကံးလကၤလး, မံၤလၢအအိၣ်တုၤမုၢ်မဆါတနံၤအံၤလီၤ.

လံာ်စီၤယိၤၡူ 9:6

ဝံၤဒီးအဝဲသ့ၣ်လဲၤဝဲဆူသူၣ်ဒဲ အလီၢ်လၢဝ့ၢ်ကံးလကၤလးဒီးစံးဘၣ်စီၤယိၤၡူဒီးပှၤအံၣ်စရ့လးဖိတဖၣ်, “ပဟဲလၢကီၢ်လၢအယံၤတဘ့ၣ်လီၤ. ပအဲၣ်ဒိးလၢနကမၤတၢ်အၢၣ်လီၤအီ လီၤဒီးပှၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:8

နကလဲၤဆိလၢယမဲာ်ညါဆူဝ့ၢ်ကံးလကၤလးဖဲယကထံၣ်လိာ်နၤဒီး လုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတၢ်တဖၣ်န့ၣ် လီၤ. အိၣ်ခိးဖဲန့ၣ်နွံသီတုၤလၢယဟဲဒီးတဲနၤတၢ်လၢနကဘၣ်မၤတဖၣ် န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:33

စီၤၡမူၤအ့လးစံးဝဲ, “ဒ်နနးမၤဘၣ်တ့ၢ်မိၢ်အါအါဂီၢ်ဂီၢ် ဒ်သိးအဖိသုတအိၣ်တဂ့ၤအသိးန့ၣ်ခဲအံၤနမိၢ်ကကဲထီၣ် ပှၤလၢအဖိတအိၣ်ဘၣ်တဂၤန့ၣ်လီၤ.” ဒီးအဝဲကျီတဲာ်ကွံာ်စီၤအၤကးတကူာ်တကူာ်လၢတၢ်လုၢ်လီၢ်အိၣ်လၢ ဝ့ၢ်ကံးလကၤလးအမဲာ်ညါန့ၣ်လီၤ.