လံာ်စီၤယိၤၡူ 4:13 - Sgaw Karen Common Bible

¹³ ဒီးလၢယွၤအမဲာ်ညါန့ၣ်, ပှၤအဂၤလွံၢ်ကလးဃၣ်ဃၣ် ကတဲာ်ကတီၤအသးလၢကဒုးတၢ်အဂီၢ်ဒီးခီဂာ်ဝဲဆူတၢ်ပၢၤခိၣ် ဖဲဝ့ၢ်ယရံၤဃိအကပၤန့ၣ်လီၤ.

လံာ်စီၤယိၤၡူ 4:13 Iomraidhean Croise

လံာ်စီၤပၤခံဘ့ၣ်တဘ့ၣ် 25:5

ဘၣ်ဆၣ်ပှၤဘၤဘူၤလိၣ်ဖိအသုးမုၢ်လူၤထွဲစီၤပၤစံးဒကံယၤအ ခံ, ဖီၣ်န့ၢ်အီၤ, ဖဲတၢ်ပၢၤခိၣ်ဘူးဒီးဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 13:18

ဒီးလၢတၢ်န့ၣ်အဃိယွၤဆှၢတရံးပှၤဂီၢ်မုၢ်လၢပှၢ်မုၢ်ကနၢအကျဲဆူပီၣ်လဲၣ်ဂီၤန့ၣ်လီၤ. ဒီးပှၤအံၣ်စရ့လးဖိတဖၣ်ဟံးထီၣ်အစုကဝဲၤလၢတၢ်ဒုးတၢ်ယၤအဂီၢ်န့ၣ်လီၤ.

လံာ်ယံးရမံယၤ 39:5

ဘၣ်ဆၣ်ဒီး, ကီၢ်ဘၤဘူၤလိၣ် အသုးမုၢ်လူၤ ထွဲအဝဲသ့ၣ်ဒီး ဖီၣ်န့ၢ်စီၤစံးဒကံယၤဖဲ ပျီပူၤဘူးဒီး ဝ့ၢ်ယရံၤဃိန့ၣ်လီၤ. အန့ၣ်ဒီၤ, အဝဲသ့ၣ်လဲၤစိာ်အီၤဆူ စီၤပၤနဘူၤကးန့စၢ်အအိၣ် လၢအအိၣ်ဖဲဝ့ၢ်ရံးဘလၤလၢ ကီၢ်ဃမါသးအပူၤ, ဖဲန့ၣ်, စီၤနဘူးကးန့စၢ် စံၣ်ညီၣ်အီၤန့ၣ်လီၤ.

လံာ်ယံးရမံယၤ 52:8

ဘၣ်ဆၣ်ဒီး, ကီၢ်ဘၤဘူၤလိၣ်အသုးမုၢ် လူၤစီၤပၤစံးဒကံယၤ, ဖီၣ်န့ၢ်အီၤဖဲ ပျီပူၤဘူးဒီး ဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်တၢ်ဂံၢ် 32:17

အန့ၣ်ဝံၤဒီး, ပကအိၣ်ကတဲာ်ကတီၤပသးလၢပကလဲၤဃုာ်ဒီးပဒီပုၢ် ဝဲၢ်ပှၤအံၣ်စရ့လးဖိတဖၣ်ကဒဲကဒဲဆူတၢ်ဒုးအပူၤဒီးဆှၢတၢ် လဲၤထီၣ်ဒုးတၢ်တုၤပသူၣ်လီၤဆီလီၤအဝဲသ့ၣ်လၢကီၢ်တဘ့ၣ်လၢအကမ့ၢ် အဝဲသ့ၣ်အတၢ်တစုန့ၣ်တက့ၢ်. ဖဲတၢ်မၤအသးဒ်အံၤအခါန့ၣ်, ပှၤလၢအသန့ၤအသးလၢပှၤတဖၣ်အိၣ်ဖဲအံၤလၢဝ့ၢ်တဖၣ်လၢတၢ်မၤခၢၣ် သနၢၣ်အီၤန့ၣ်သ့ဝဲ, ပူၤဖျဲးဒီးပှၤဂီၢ်မုၢ်အိၣ်လၢထံကီၢ်တဘ့ၣ်အံၤအပူၤ န့ၣ်လီၤ.

အ့းဖ့းစူး 6:11

ကူထီၣ်သိးထီၣ်တၢ်ဒုးသုးအကူအသိးခဲလၢာ်လၢကစၢ်ယွၤ ဟ့ၣ်သုဒ်သိးဒီးသုတြီဆၢမုၣ်ကီၤလံၢ်အတၢ်လီတၢ်ဝ့ၤကသ့ အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 3:18

တကတီၢ်ဃီန့ၣ်, ယဟ့ၣ်လီၤအဝဲသ့ၣ်လၢတၢ်သိၣ်လိနဲၣ်ယုၤတဖၣ်ဒ်လၢ လာ်အံၤန့ၣ်လီၤ. ပကစၢ်ယွၤဟ့ၣ်လီၤတ့ၢ်သုလၢကီၢ်အံၤလၢထံကျိယၢ်ဒ့ၣ်မုၢ်ထီၣ် တခီဒ်သိးသုကမၤန့ၢ်အီၤအဂီၢ်လီၤ. ခဲကနံၣ်အံၤမၢသုပှၤဒုးသုးဖိတဖၣ်ကံာ်တူာ်ထီၣ်အတၢ်စုကဝဲၤ ဒီးဆှၢလီၤအဝဲသ့ၣ်ဆူထံကျိယၢ်ဒ့ၣ်အဘးခီလၢကီၢ်အံၣ်စရ့ လးအဒူၣ်အဂၤတဖၣ်အမဲာ်ညါဒ်သိးကမၤစၢၤအဝဲသ့ၣ်လၢကမၤန့ၢ်အကီၢ် အဂီၢ်န့ၣ်တက့ၢ်.

လံာ်စီၤယိၤၡူ 4:12

ဒီးပှၤရူၤဘ့ၣ်ဖိအဒူၣ်, ပှၤကးဖိအဒူၣ်, ဒီးပှၤမနၤၡ့ၤဖိ အဒူၣ်တဝာ်ခီဂာ်လၢပှၤအဂၤတဖၣ်အမဲာ်ညါလၢ ကဒုးတၢ်အဂီၢ်ဒ်စီၤမိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 4:14

ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.