လံာ်စီၤယိၤၡူ 4:11 - Sgaw Karen Common Bible

¹¹ ဒီးဖဲအဝဲသ့ၣ်ခဲလၢာ်တုၤလၢထံကျိဝၢ်ဘးခီဒီး, ပှၤလုၢ်တၢ်အခိၣ်တဖၣ်လၢအအိၣ်ဒီးယွၤအတလါန့ၣ်လဲၤ တၢ်လၢပှၤဂီၢ်မုၢ်အမဲာ်ညါန့ၣ်လီၤ.

လံာ်စီၤယိၤၡူ 4:11 Iomraidhean Croise

လံာ်ယၡါယၤ 52:12

တဘျီညါအံၤသုတဟးထီၣ်ဘၣ် လၢတၢ်ချ့ဒံးချ့ဒူးအပူၤဘၣ်. တမ့ၢ်သုကကျဲးစၢးဃ့ၢ်ပူၤဖျဲးကွံာ်န့ၣ်ဘၣ်. ယွၤသုကစၢ်ယွၤကဆှၢသုဒီးဒီဒၣ်အိၣ်ပှိၤသုလၢတၢ်ကိးကပၤ ဒဲးလီၤ.

လံာ်စီၤယိၤၡူ 24:11

သုခီဂာ်ထံကျိယၢ်ဒ့ၣ်ဒီးဟဲတုၤလၢဝ့ၢ်ယရံၤဃိလီၤ. ပှၤယရံၤဃိဖိဒုးတၢ်ဒီးသုလီၤ. ဒ်န့ၣ်အသိး, ပှၤပရးစၤဖိ, ပှၤကနၤဧၣ်ဖိ, ပှၤဃ့ၤသးဖိ, ပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိတဖၣ်ဒုးတၢ်ဒီးသုလီၤ. ဘၣ်ဆၣ်ယဟ့ၣ်သုတၢ်မၤနၢၤအဝဲသ့ၣ်ခဲလၢာ်န့ၣ်လီၤ.

လံာ်စီၤယိၤၡူ 3:17

ဖဲပှၤဂီၢ်မုၢ်ခီဂာ်တၢ်လၢခိအခါ, ပှၤလုၢ်တၢ်အခိၣ်တဖၣ်လၢအ စိာ်ယွၤအတၢ်အၢၣ်လီၤအီလီၤအတလါန့ၣ်, အိၣ်ဆၢထၢၣ်လၢ ခိလၢယၢ်ဒ့ၣ်အခၢၣ်သးတုၤလၢပှၤဂီၢ်မုၢ်ခီဂာ်တၢ်လၢာ်တစု န့ၣ်လီၤ.

လံာ်စီၤယိၤၡူ 3:8

မၤလိာ်ပှၤလုၢ်တၢ်အခိၣ်တဖၣ်လၢအစိာ်တၢ်အၢၣ်လီၤအီလီၤအတလါလၢ, ဖဲအဝဲသ့ၣ်လဲၤတုၤထံကျိယၢ်ဒ့ၣ်န့ၣ်, အဝဲသ့ၣ်ကဘၣ်ယီၢ်လီၤထံစှၤခီၣ်ခါဒီးဆၢထၢၣ်ဖဲန့ၣ်တက့ၢ်.”

လံာ်စီၤယိၤၡူ 4:10

ပှၤလုၢ်တၢ်အခိၣ်တဖၣ်ဆၢထၢၣ်လၢထံကျိ ယၢ်ဒ့ၣ်အခၢၣ်သးတုၤလီၤလၢတၢ်လၢယွၤမၢစီၤယိၤၡူတဲ ဘၣ်အပှၤဂီၢ်မုၢ်လၢအကမၤဝဲခဲလၢာ်ဘၣ်တၢ်မၤဝံၤ အီၤတစုန့ၣ်လီၤ. တၢ်အံၤမ့ၢ်တၢ်လၢစီၤမိၤၡ့မၤလိာ်တ့ၢ်ဝဲန့ၣ်လီၤ. ဒီးပှၤဂီၢ်မုၢ်ခီဂာ်ထံကျိချ့ချ့န့ၣ်လီၤ.

လံာ်စီၤယိၤၡူ 4:12

ဒီးပှၤရူၤဘ့ၣ်ဖိအဒူၣ်, ပှၤကးဖိအဒူၣ်, ဒီးပှၤမနၤၡ့ၤဖိ အဒူၣ်တဝာ်ခီဂာ်လၢပှၤအဂၤတဖၣ်အမဲာ်ညါလၢ ကဒုးတၢ်အဂီၢ်ဒ်စီၤမိၤၡ့မၤလိာ်တ့ၢ်အဝဲသ့ၣ်အသိးန့ၣ်လီၤ.

လံာ်စီၤယိၤၡူ 4:18

ဒီးဖဲပှၤလုၢ်တၢ်အခိၣ်တဖၣ်လၢအစိာ်ယွၤအတၢ်အၢၣ်လီၤအီ လီၤအတလါဟဲက့ၤထီၣ်က့ၤလၢထံကျိယၢ်ဒ့ၣ်ဒီး, တုၤအခီၣ်ညါသးယီၢ်လီၤခိန့ၣ်, ထံယွၤလီၤကဒါက့ၤလုၣ်ဘၢထံ ကၢၢ်ခိၣ်ဒ်လၢညါအသိးန့ၣ်လီၤ.