လံာ်စီၤယိၤၡူ 3:8 - Sgaw Karen Common Bible

⁸ မၤလိာ်ပှၤလုၢ်တၢ်အခိၣ်တဖၣ်လၢအစိာ်တၢ်အၢၣ်လီၤအီလီၤအတလါလၢ, ဖဲအဝဲသ့ၣ်လဲၤတုၤထံကျိယၢ်ဒ့ၣ်န့ၣ်, အဝဲသ့ၣ်ကဘၣ်ယီၢ်လီၤထံစှၤခီၣ်ခါဒီးဆၢထၢၣ်ဖဲန့ၣ်တက့ၢ်.”

လံာ်စီၤယိၤၡူ 3:8 Iomraidhean Croise

လံာ်စီၤပၤခံဘ့ၣ်တဘ့ၣ် 2:6

အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်, ယွၤမၤလိာ်တ့ၢ်ယၤလၢယကဘၣ် လဲၤဆူထံကျိယၢ်ဒ့ၣ်န့ၣ်လီၤ.” ဘၣ်ဆၣ်စီၤအလံၤၡါစံးဆၢအီၤ, “လၢယတၢ်သးတီအပူၤယဆိၣ်တၢ် ဒီးယွၤလၢအမူဝဲတဂၤဒီးနၤလၢယတဟးဖးဒီးနၤန့ၣ်ဘၣ်.” လၢတၢ်န့ၣ်အဃိအဝဲသ့ၣ်လဲၤတၢ်ဆူညါ,

လံာ်ကွဲးနီၣ်တၢ်ခံဘ့ၣ်တဘ့ၣ် 29:15

ပှၤတဖၣ်အံၤဒုးအိၣ်ဖှိၣ်ရိဖှိၣ်ပှၤလ့ၤဝံဖိသကိးသကိးဒီး အီၤတဖၣ်, ဒီးအဝဲသ့ၣ်ခဲလၢာ်မၤကဆှီထီၣ်အသးဒ်တၢ်အလုၢ်အလၢ်အိၣ်ဝဲအသိး န့ၣ်လီၤ. အန့ၣ်ဝံၤဒီး, ဒ်စီၤပၤမၤလိာ်တ့ၢ်အဝဲ သ့ၣ်တၢ်လၢကမၤဝဲအသိးန့ၣ်, အဝဲသ့ၣ်စးထီၣ်မၤကဆှီယွၤအတၢ် လုၢ်ဟံၣ်ဒ်တၢ်အလုၢ်အလၢ်အိၣ်ဝဲအသိး, လီၤပလိာ်ဒီးယူဒၤအတၢ်သိၣ်တၢ်သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:27

စီၤဃံးစကံယၤဟ့ၣ်လီၤကလုၢ်လၢတၢ်ကဆူးကဲၤထီၣ်တၢ်လၢတၢ်လုၢ် မ့ၣ်အူကဘၣ်တၢ်မၤအီၤ, ဒီးဖဲတၢ်လုၢ်တၢ်ပာ်ဘၣ်တၢ်စးထီၣ်မၤအီၤန့ၣ်, ပှၤဂီၢ်မုၢ်သးဝံၣ်စံးထီၣ်ပတြၢၤယွၤ, ဒီးပှၤဒ့တၢ်အူတၢ်ဖိ တဖၣ်စးထီၣ်အူထီၣ်ကွဲၤတဖၣ်ဒီးကယဲၢ်တၢ်အပီးအလီ အဂၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:28

စီၤယဟိယဒါမ့ၢ်ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်အဖိ ခွါ, ဘၣ်ဆၣ်, စီၤယဟိယဒါအဖိခွါတဖၣ်အကျါတဂၤဒိးတ့ဒိးဖျီအသး ဒီးစီၤစၤနဘလးလၢဝ့ၢ်ဃိရၣ်တခီအဖိမုၣ်အဃိယဟီထီၣ် ကွံာ်စီၤယဟိယဒါလၢဝ့ၢ်ယရူၤရှလ့ၣ်န့ၣ်လီၤ.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်သးသယုၢ်တၢ် 3:26

မၤသးဒ်န့ၣ်ဒီး, တၢ်အိၣ်ခိးယွၤလၢတၢ်သးစူၤအပူၤ, တၢ်အိၣ်ခိးအီၤလၢကအုၣ်က့ၤခီၣ်က့ၤပှၤအဂီၢ်န့ၣ်မ့ၢ်တၢ်အဂ့ၤ ကတၢၢ်လၢပဂီၢ်လီၤ.

လံာ်စီၤယိၤၡူ 3:17

ဖဲပှၤဂီၢ်မုၢ်ခီဂာ်တၢ်လၢခိအခါ, ပှၤလုၢ်တၢ်အခိၣ်တဖၣ်လၢအ စိာ်ယွၤအတၢ်အၢၣ်လီၤအီလီၤအတလါန့ၣ်, အိၣ်ဆၢထၢၣ်လၢ ခိလၢယၢ်ဒ့ၣ်အခၢၣ်သးတုၤလၢပှၤဂီၢ်မုၢ်ခီဂာ်တၢ်လၢာ်တစု န့ၣ်လီၤ.

လံာ်စီၤယိၤၡူ 3:3

ဒီးစံးဘၣ်ပှၤဂီၢ်မုၢ်, “ဖဲသုထံၣ်ဘၣ်ပှၤလ့ၤဝံဖိအပှၤလုၢ်တၢ်အခိၣ်တဖၣ်စိာ်ယွၤသု ကစၢ်ယွၤအတၢ်အၢၣ်လီၤအီလီၤအတလါဒီးသုဘၣ်ဟးထီၣ်လၢသုလီၢ် ဒီးလဲၤပိာ်အဝဲသ့ၣ်အခံန့ၣ်လီၤ.

လံာ်စီၤယိၤၡူ 3:7

ယွၤစံးဘၣ်စီၤယိၤၡူ, “တနံၤအံၤယကမၤလၤကပီၤနၤဒ်ပှၤဖးဒိၣ်တဂၤအသိးလၢပှၤအံၣ် စရ့လးဖိခဲလၢာ်အမဲာ်ညါ, ဒီးအဝဲသ့ၣ်ကသ့ၣ်ညါဝဲလၢယ အိၣ်ဒီးနၤဒ်ယအိၣ်တ့ၢ်ဒီးစီၤမိၤၡ့ အသိးန့ၣ်လီၤ.

လံာ်စီၤယိၤၡူ 3:9

အန့ၣ်ဒီးစီၤယိၤၡူစံးဘၣ်ပှၤဂီၢ်မုၢ်, “ဟဲဖဲအံၤဒီးဒိကနၣ်တၢ်လၢယွၤသုကစၢ်ယွၤစံးဘၣ်သုန့ၣ်တ က့ၢ်.

လံာ်စီၤယိၤၡူ 4:11

ဒီးဖဲအဝဲသ့ၣ်ခဲလၢာ်တုၤလၢထံကျိဝၢ်ဘးခီဒီး, ပှၤလုၢ်တၢ်အခိၣ်တဖၣ်လၢအအိၣ်ဒီးယွၤအတလါန့ၣ်လဲၤ တၢ်လၢပှၤဂီၢ်မုၢ်အမဲာ်ညါန့ၣ်လီၤ.