လံာ်စီၤယိၤၡူ 3:5 - Sgaw Karen Common Bible

⁵ စီၤယိၤၡူစံးဘၣ်ပှၤဂီၢ်မုၢ်, “မၤကဆှီထီၣ်သုသး, အဂ့ၢ်မ့ၢ်လၢခဲဂီၤတနံၤယွၤကမၤတၢ်လီၤ လးတဖၣ်လၢသုကျါအဃိန့ၣ်လီၤ.”

လံာ်စီၤယိၤၡူ 3:5 Iomraidhean Croise

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

စံးထီၣ်ပတြၢၤ 77:15

လၢနစိနကမီၤန့ၣ်နအုၣ်က့ၤခီၣ်က့ၤနပှၤဂီၢ်မုၢ်, စီၤယၤကိာ်ဒီးစီၤယိၤသးအစၢၤအသွဲၣ်တဖၣ်လီၤ. စ့လၤ

စံးထီၣ်ပတြၢၤ 86:10

အဂ့ၢ်ဒ်အံၤ, နမ့ၢ်တၢ်အဒိၣ်, ဒီးမၤတၢ်လီၤလးတဖၣ်လီၤ. ထဲနၤတဂၤဧိၤန့ၣ် မ့ၢ်ကစၢ်ယွၤလီၤ.

လံာ်ယိၤအ့လး 2:16

ကိးဖှိၣ်ပှၤဂီၢ်မုၢ်တပူၤဃီ ဒီးကတဲာ်ကတီၤအဝဲသ့ၣ်လၢတၢ်အိၣ်ဖှိၣ်စီဆှံ တဘျီအဂီၢ်တက့ၢ်. ကိးဖှိၣ်ပှၤဂီၢ်မုၢ်သးပှၢ်, ပှၤဖိသၣ်ဒီး ဖိသၣ်အီနူၢ်ထံတဖၣ်တက့ၢ်. ပှၤဒိးတ့ဒိးဖျီအသးဝံၤသီသီတဖၣ်ဒၣ်လဲာ် ကဘၣ်ပာ်တ့ၢ်အဟံၣ်အဃီဒီးဟဲဝဲလီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 20:7

ဒီးမၤစီဆှံလီၤသုသးဒီးကဲထီၣ်ပှၤစီဆှံတက့ၢ်. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဂံၢ် 11:8

ကိၣ်အံၤလီၤတဲာ်ဝဲဃုာ်ဒီးပစီၤထံလၢသူၣ်ဒဲလီၢ်ဖီခိၣ်ဖဲ မုၢ်နၤအကတီၢ်န့ၣ်လီၤ.

လံာ်ယိၤဟၣ် 17:19

ယပာ်စီဆှံယသးလၢအဝဲသ့ၣ်အဂီၢ်, ဒ်သိးအဝဲသ့ၣ်စ့ၢ်ကီးကပာ်စီဆှံအသးနီၢ်နီၢ်အဂီၢ်န့ၣ်လီၤ.

လံာ်စီၤယိၤၡူ 3:13

ဒီးဖဲပှၤလုၢ်တၢ်အခိၣ် တဖၣ်လၢအစိာ်ဟီၣ်ခိၣ်ဒီဘ့ၣ်အယွၤအတၢ်အၢၣ်လီၤအီလီၤအတလါ, ဒီးယီၢ်လီၤထံစှၤခါန့ၣ်ဒီး, ယၢ်ဒ့ၣ်အထံလၢအယွၤလီၤကအိၣ်ပတုာ်ဝဲဒီးထံလၢအဟဲလီၤလၢထး ခီကအိၣ်ပတုာ်ဝဲဒီးအိၣ်ဖှိၣ်စိထီၣ်န့ၣ်လီၤ.”

လံာ်စီၤယိၤၡူ 3:15

တုၤပှၤလုၢ်တၢ်အခိၣ်တဖၣ်အခီၣ်လီၤဘျၢလၢထံကျါန့ၣ်ဒီး

လံာ်စီၤယိၤၡူ 3:4

လၢအပူၤကွံာ်န့ၣ်သုတတုၤလၢတၢ်လီၢ်အံၤနီတဘျီဘၣ်အဃိ, အဝဲသ့ၣ်ကဒုးနဲၣ်သုကျဲလၢသုကဘၣ်ပိာ်အီၤန့ၣ်လီၤ. ဘၣ်ဆၣ်ဒီးတဘၣ်လဲၤဘူးဒီးတၢ်အၢၣ်လီၤအီလီၤအတလါတဂ့ၤ. အိၣ်လၢအလီၢ်ခံအပျၢ်ခံကထိဃၣ်ဃၣ်တက့ၢ်.”

လံာ်စီၤယိၤၡူ 3:6

ဝံၤဒီးအဝဲစံးဘၣ်ပှၤလုၢ်တၢ်အခိၣ်တဖၣ်လၢကစိာ်ထီၣ် တၢ်အၢၣ်လီၤအီလီၤအတလါဒီးကလဲၤတၢ်လၢပှၤဂီၢ်မုၢ်အမဲာ်ညါ လီၤ. အဝဲသ့ၣ်မၤဝဲဒ်စီၤယိၤၡူစံးဘၣ်အီၤအသိးန့ၣ်လီၤ.

လံာ်စီၤယိၤၡူ 7:13

မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:5

စီၤၡမူၤအ့လးစံးဆၢဝဲ, “မ့ၢ်လီၤ. ယဟဲဒ်သိးယကလုၢ်ထီၣ်တၢ် လုၢ်တၢ်ပာ်တမံၤဆူယွၤအအိၣ်လီၤ. မၤကဆှီသုသးဒီးဟဲပိာ်ယခံတက့ၢ်.” အဝဲတဲဘၣ်စ့ၢ်ကီးစီၤယံးၡဲဒီးအဖိခွါတဖၣ်လၢကမၤကဆှီ အသးဒီးကွဲမုာ်အဝဲသ့ၣ်တဖၣ်ဆူတၢ်လုၢ်တၢ်ပာ်န့ၣ်လီၤ.