လံာ်စီၤယိၤၡူ 3:14 - Sgaw Karen Common Bible

¹⁴ မ့ၢ်ကူးဘုအကတီၢ်ဒီးထံကျိယၢ်ဒ့ၣ်အထံလုၣ်ဘၢအကၢၢ်နံၤန့ၣ်လီၤ. ဖဲပှၤဂီၢ်မုၢ်ဟးထီၣ်လၢသူၣ်ဒဲအလီၢ်လၢကခီဂာ်ယၢ်ဒ့ၣ်န့ၣ်, ပှၤလုၢ်တၢ်အခိၣ်တဖၣ်လဲၤလၢအဝဲ သ့ၣ်အမဲာ်ညါစိာ်ဃုာ်ဒီးတၢ်အၢၣ်လီၤအီလီၤအတလါန့ၣ်လီၤ.

လံာ်စီၤယိၤၡူ 3:14 Iomraidhean Croise

စံးထီၣ်ပတြၢၤ 132:8

ယွၤဧၢ, ဟဲဆူနတၢ်လုၢ်ဟံၣ်အိၣ်ဒီး တလါစီဆှံလၢ အမ့ၢ်နတၢ်စိတၢ်ကမီၤအပနီၣ်, ဒီးအိၣ်ဖဲအံၤလီၤစိၤလီၤဃၣ်တက့ၢ်.

လံာ်ယံးရမံယၤ 3:16

ဒီးတုၤသုအါထီၣ်ဂီၢ်ထီၣ်လၢထံကီၢ်န့ၣ်အပူၤဒီး, ပှၤဂီၢ်မုၢ်တကတိၤလၢၤဘၣ်ဃးယတၢ်အၢၣ်လီၤအီလီၤအတလါအဂ့ၢ် လၢၤဘၣ်. အဝဲသ့ၣ်တဆိကမိၣ်မ့ၢ်ဂ့ၤ, တသ့ၣ်နီၣ်မ့ၢ်ဂ့ၤ, တၢ်အၢၣ်လီၤအီလီၤအတလါန့ၣ်လၢၤဘၣ်. အဝဲသ့ၣ်တလိၣ် ဘၣ်လၢၤဒၣ်လဲာ်အီၤမ့ၢ်ဂ့ၤ, မၤကဒီးဝဲအဂၤတခါမ့ၢ်ဂ့ၤလၢၤဘၣ်.

လံာ်သိၣ်လီၤသီလီၤတၢ် 31:26

“ဟံးန့ၢ်လံာ်အံၤလၢအဘၣ်ထွဲဒီးယူဒၤအတၢ်သိၣ်တၢ်သီ လၢကစၢ်ယွၤဟ့ၣ်လီၤဝဲဒီးပာ်လီၤအီၤလၢယွၤ, သုကစၢ်အတၢ်အၢၣ်လီၤအီလီၤအတလါစီဆှံအကပၤ, ဒ်သိးတၢ်န့ၣ်ကအိၣ်ဒံးဝဲဖဲန့ၣ်ဒ်တၢ်အုၣ်အသးတမံၤထီဒါအဝဲ အပှၤဂီၢ်မုၢ်အဂီၢ်အသိးန့ၣ်တက့ၢ်.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.

လံာ်စီၤယိၤၡူ 24:11

သုခီဂာ်ထံကျိယၢ်ဒ့ၣ်ဒီးဟဲတုၤလၢဝ့ၢ်ယရံၤဃိလီၤ. ပှၤယရံၤဃိဖိဒုးတၢ်ဒီးသုလီၤ. ဒ်န့ၣ်အသိး, ပှၤပရးစၤဖိ, ပှၤကနၤဧၣ်ဖိ, ပှၤဃ့ၤသးဖိ, ပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိတဖၣ်ဒုးတၢ်ဒီးသုလီၤ. ဘၣ်ဆၣ်ယဟ့ၣ်သုတၢ်မၤနၢၤအဝဲသ့ၣ်ခဲလၢာ်န့ၣ်လီၤ.

လံာ်စီၤယိၤၡူ 3:3

ဒီးစံးဘၣ်ပှၤဂီၢ်မုၢ်, “ဖဲသုထံၣ်ဘၣ်ပှၤလ့ၤဝံဖိအပှၤလုၢ်တၢ်အခိၣ်တဖၣ်စိာ်ယွၤသု ကစၢ်ယွၤအတၢ်အၢၣ်လီၤအီလီၤအတလါဒီးသုဘၣ်ဟးထီၣ်လၢသုလီၢ် ဒီးလဲၤပိာ်အဝဲသ့ၣ်အခံန့ၣ်လီၤ.

လံာ်စီၤယိၤၡူ 3:6

ဝံၤဒီးအဝဲစံးဘၣ်ပှၤလုၢ်တၢ်အခိၣ်တဖၣ်လၢကစိာ်ထီၣ် တၢ်အၢၣ်လီၤအီလီၤအတလါဒီးကလဲၤတၢ်လၢပှၤဂီၢ်မုၢ်အမဲာ်ညါ လီၤ. အဝဲသ့ၣ်မၤဝဲဒ်စီၤယိၤၡူစံးဘၣ်အီၤအသိးန့ၣ်လီၤ.

လံာ်စီၤယိၤၡူ 6:6

စီၤယိၤၡူကိးဖှိၣ်ပှၤလုၢ်တၢ်အခိၣ်တဖၣ်ဒီးစံးဘၣ်အဝဲသ့ၣ်, “ဟံးထီၣ်တၢ်အၢၣ်လီၤအီလီၤအတလါဒီးပျဲပှၤလုၢ်တၢ်အ ခိၣ်နွံဂၤစိာ်ကွဲၤတဖၣ်ဒီးလဲၤတၢ်လၢတၢ်မဲာ်ညါန့ၣ်တက့ၢ်.”