လံာ်စီၤယိၤၡူ 3:1 - Sgaw Karen Common Bible

¹ မုၢ်ဆ့ၣ်ထီၣ်တနံၤန့ၣ်, စီၤယိၤၡူဒီးအပှၤအံၣ်စရ့လးဖိခဲလၢာ်ဂဲၤဆၢထၢၣ်ဂီၤဂီၤ, ဟးထီၣ်ကွံာ်လၢသူၣ်ဒဲလီၢ်ၡံးတံၣ်, ဒီးလဲၤဝဲဆူထံ ကျိယၢ်ဒ့ၣ်ဒီးဖဲန့ၣ်အဝဲသ့ၣ်အိၣ်ခိး တၢ်လၢကခီဂာ်ဝဲအဂီၢ်န့ၣ်လီၤ.

လံာ်စီၤယိၤၡူ 3:1 Iomraidhean Croise

လံာ်တၢ်ကဲထီၣ်အခီၣ်ထံး 21:14

လၢခံတသီဂီၤဂီၤန့ၣ်, စီၤအၤဘြၤဟၣ်ဟ့ၣ်နီၢ်ဟၤကၢ်တၢ်အီၣ် တနီၤဒီးထံဒၢတၢ်ဖံးတထၢၣ်လၢအပှဲၤဒီးထံန့ၣ်လီၤ. ဒီးပာ်ထီၣ်ဝဲဖိသၣ်ပိာ်ခွါလၢအမိၢ်အဖံဘၣ်ခိၣ်လိၤဒီးဟီ ထီၣ်ကွံာ်အီၤန့ၣ်လီၤ. ဒီးနီၢ်ဟၤကၢ်ဟးထီၣ်ကွံာ်ဝဲဒီးလဲၤဝ့ၤဝီၤတၢ်လၢပှၢ်မုၢ် ကနၢဘ့ၢ်ၡဘၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 22:3

ဒီးလၢခံတနံၤဂီၤဂီၤန့ၣ်စီၤအၤဘြၤဟၣ်တိသ့ၣ်ဖးသ့ၣ်မုၣ် လၢကလုၢ်တၢ်ပာ်တၢ်အဂီၢ်ဒီးပဒၢးထီၣ်အီၤလၢအကသ့ၣ်ယီၤအလိၤဝံၤ ကိးဝဲစီၤအံၤစဲးဒီးအခ့အပှၤခံဂၤဃုာ်ဒီးအီၤန့ၣ်လီၤ. အဝဲသ့ၣ်စးထီၣ်လဲၤတၢ်ဆူတၢ်လီၢ်လၢကစၢ်ယွၤတဲတ့ၢ်အီၤန့ၣ်လီၤ.

စံးထီၣ်ပတြၢၤ 119:60

လၢတၢ်တမၤယံာ်မၤနီၢ်သးဘၣ်အပူၤ, ယမၤချ့ချ့ဒ်သိးယကတိၢ်န့ၢ်ဖံးဃာ် နတၢ်မၤလိာ်တဖၣ်န့ၣ်လီၤ.

လံာ်ယံးရမံယၤ 25:3

လၢခံဆံသၢနံၣ်အတီၢ်ပူၤ, စးထီၣ်လၢ စီၤအၤမိၣ်အဖိခွါ ကီၢ်ယူဒၤ အစီၤပၤ, စီၤယိၤၡံယၤ ပၢတၢ်ပှဲၤထီၣ်တဆံသၢနံၣ်တနံၣ်ဒီး တုၤလီၤလၢ မုၢ်မဆါတနံၤအံၤန့ၣ်, ယွၤကတိၤတ့ၢ်တၢ်ဒီးယၤ, ဒီးတၢ်လၢအဝဲစံးဘၣ်တ့ၢ်ယၤန့ၣ်, ယတတဲဘၣ်သုဒီး ယတအိၣ်နီတစုဘၣ်. ဘၣ်ဆၣ်သုတပာ်သူၣ်ပာ်သးလၢ အဂ့ၢ်နီၤတစဲးဘၣ်.

လံာ်ယံးရမံယၤ 26:5

ဒီးခီဖျိသုတၢ်ဒိကနၣ် တၢ်ကတိၤတဖၣ်လၢ ယခ့ယပှၤဝံ တဖၣ်လၢ ယဆှၢလီၤတ့ၢ်ဆူ သုအိၣ်တထံၣ်ဃီ, စံးဝဲန့ၣ်လီၤ. သုတစူၢ်တၢ်လၢ အဝဲသ့ၣ်စံးတ့ၢ်ဝဲန့ၣ် နီတစုဘၣ်.

လံာ်ယံးရမံယၤ 7:13

သုမၤတ့ၢ်တၢ်ဒဲးဘးတဖၣ်အံၤခဲလၢာ်, ဒီးယကတိၤတ့ၢ်တၢ်ဒီး သုတဘျီဝံၤတဘျီဒၣ်လဲာ်, သုတဒိကနၣ်ယၤဘၣ်. ဖဲယကိး ထီၣ်တ့ၢ်သုန့ၣ်, သုတစံးဆၢယၤဘၣ်.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 25:1

ဖဲပှၤအံၣ်စရ့လးဖိတဖၣ်အိၣ်သူၣ်ထီၣ်အဒဲလၢၡံးထံၣ်အတြီၤ ပူၤန့ၣ်ပှၤပိာ်ခွါတဖၣ်စးထီၣ်လဲၤမံဃုာ်ဒီးပှၤမိၤအးမုၣ် တဖၣ်လၢအအိၣ်ဝဲဖဲန့ၣ်လီၤ.

လံာ်မၢ်ကူး 1:35

လၢခံတဂီၤ, ဂီၤဂီၤကလဲာ်တချုးမုၢ်ဆ့ၣ်ထီၣ်န့ၣ်, ယ့ၣ်ၡူးဂဲၤဆၢထၢၣ်ဒီးဟးထီၣ်လၢဟံၣ်ပူၤဒီးလဲၤဝဲဆူတၢ် လီၢ်လၢပှၤတအိၣ်ဝဲနီတဂၤဘၣ်ဒီးဖဲန့ၣ်ဘါထုကဖၣ်တၢ်လီၤ.

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤယိၤၡူ 6:12

လၢခံတဂီၤ, စီၤယိၤၡူဆၢထၢၣ်ဝဲဂီၤဂီၤ, ဒီးပှၤလုၢ်တၢ်အခိၣ်တဖၣ်ဒီးပှၤ သုးဖိတဖၣ်လဲၤတရံးဝ့ၢ်ခံဘျီတဘျီဒ်အမၤတ့ၢ်ဝဲလၢအပူၤကွံာ်တသီအသိး,

လံာ်စီၤယိၤၡူ 6:15

နွံသီတသီန့ၣ်အဝဲသ့ၣ်ဂဲၤဆၢထၢၣ် ဂီၤဂီၤဒီးလဲၤတရံးဝ့ၢ်နွံဝီန့ၣ်လီၤ. ထဲဒၣ်လၢနွံသီတသီအံၤန့ၣ်, အဝဲသ့ၣ်လဲၤတရံးဝ့ၢ်နွံဝီ န့ၣ်လီၤ.

လံာ်စီၤယိၤၡူ 7:16

မုၢ်ဆ့ၣ်ထီၣ်တနံၤဂီၤဂီၤန့ၣ်, စီၤယိၤၡူဒုးဟဲဘူးအံၣ်စရ့လးတဒူၣ်ဘၣ်တဒူၣ်ဒီးတၢ်ဃုထၢ လီၤဘၣ်လၢယူဒၤအဒူၣ်န့ၣ်လီၤ.

လံာ်စီၤယိၤၡူ 8:10

လၢဂီၤခီဂီၤဂီၤန့ၣ်, စီၤယိၤၡူဂဲၤဆၢထၢၣ်ဒီးကိးဖှိၣ်အသုးဖိ တပူၤဃီလီၤ. ဝံၤဒီးအဝဲဒီးပှၤအံၣ်စရ့လးဖိအခိၣ်အနၢ်တဖၣ်ဆှၢအဝဲသ့ၣ်ဆူ ဝ့ၢ်ဂဲန့ၣ်လီၤ.

လံာ်ပှၤစံၣ်ညီၣ်ကွီၢ် 20:19

ဒီးပှၤအံၣ်စရ့လးဖိတဖၣ်စးထီၣ်လၢအတၢ်လဲၤလၢခံတဂီၤဒီး သူၣ်ဒဲဖဲဝ့ၢ်ကံဘဧၤအဃၢၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:20

စီၤဒၤဝံးဂဲၤဆၢထၢၣ်လၢမုၢ်ဆ့ၣ်ထီၣ်တနံၤန့ၣ်ဂီၤဂီၤ, ပာ်တ့ၢ်ပှၤတဂၤလၢကဟံးန့ၢ်မူဒါဒီးကွၢ်ထွဲသိတဖၣ်, ဟံးထီၣ်တၢ်အီၣ်တၢ်အီဒီးလဲၤတၢ်ဒ်စီၤယံးၡဲစံးတ့ၢ်အီၤ အသိးလီၤ. အဝဲလဲၤတုၤဆူတၢ်သူၣ်ထီၣ်ဒဲအလီၢ်ဖဲပှၤအံၣ်စရ့လးဖိ တဖၣ်လဲၤထီၣ်ဆူတၢ်ဒုးတၢ်ယၤအလီၢ်, ကိးထီၣ်တၢ်ဒုးတၢ်ယၤ အကလုၢ်အကတီၢ်န့ၣ်လီၤ.