လံာ်စီၤယိၤၡူ 24:32 - Sgaw Karen Common Bible

³² စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.

လံာ်စီၤယိၤၡူ 24:32 Iomraidhean Croise

လံာ်တၢ်ကဲထီၣ်အခီၣ်ထံး 33:19

အဝဲပှ့ၤန့ၢ်ဝဲပျီတတီၤန့ၣ်လၢစီၤၡက့ၣ်အပၢ်ပှၤဃမိၣ်ဖိအစၢၤ အသွဲၣ်တဖၣ်အအိၣ်လၢစ့ညၣ်အဘ့ၣ်တကယၤလီၤ.

လံာ်တၢ်ကဲထီၣ်အခီၣ်ထံး 48:22

ဒီးယဟ့ၣ်လီၤနၤလၢကီၢ်ၡက့ၣ်, ဟီၣ်ခိၣ်ညၣ်ထ့ၣ်အလီၢ်ကဝီၤလၢ ယမၤန့ၢ်လၢပှၤအမိၢ်ဖိအစုပူၤလၢယနးဒီးယချံၣ်လီၤ. ယတဟ့ၣ်လီၤဘၣ်နဒီပုၢ်ဝဲၢ်ခွါတဖၣ်လၢတၢ်လီၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

လံာ်တၢ်ကဲထီၣ်အခီၣ်ထံး 50:25

အန့ၣ်ဒီး, စီၤယိၤသးမၢအပှၤဂီၢ်မုၢ်မၤတၢ်ဆိၣ်တမံၤန့ၣ်လီၤ. အဝဲစံးဝဲ, “အၢၣ်လီၤတၢ်ဒီးယၤလၢဖဲကစၢ်ယွၤဆှၢသုဆူ ကီၢ်အဝဲအံၤဒီး, သုကစိာ်ထီၣ်ကွံာ်ယစိၣ်ဃုာ်ဒီးသုန့ၣ်တ က့ၢ်.”

လံာ်တၢ်ဟးထီၣ်ကွံာ် 13:19

ဒီးစီၤမိၤၡ့ဟံးထီၣ်စီၤယိၤသးအဃံတဖၣ်ဃုာ်ဒီးအီၤ, ဒ်စီၤယိၤသးမၤလိာ်တ့ၢ်ပှၤအံၣ်စရ့လးဖိတဖၣ်လၢကအၢၣ် လီၤအီၤသပှၢ်တၢၢ်လၢကမၤဝဲအသိးန့ၣ်လီၤ. စီၤယိၤသးစံးတ့ၢ်ဝဲဒၣ်, “တုၤကစၢ်ယွၤမၤပူၤဖျဲးသုန့ၣ်သုကဘၣ်စိာ်ကွံာ်ယနီၢ်ခိဃုာ်ဒီး သုလၢတၢ်လီၢ်အံၤန့ၣ်လီၤ.”

လံာ်ယိၤဟၣ် 4:5

လဲၤတုၤဝဲလၢဝ့ၢ်စံဃၢ်, အိၣ်လၢကီၢ်ၡၤမရံအပူၤ, ဘူးဒီးဟီၣ်ခိၣ်အကဝီၤလၢစီၤယၤကိာ်ဟ့ၣ်လီၤအဖိခွါ စီၤယိၤသးန့ၣ်လီၤ.

မၤတၢ် 7:15

အန့ၣ်တစု, စီၤယၤကိာ်ဒီးအဒူၣ်ဖိထၢဖိခဲလၢာ်လဲၤလီၤဝဲဆူကီၢ် အဲၤကူပတူး, ဒီးအဝဲဒၣ်ဒီးပပၢ်ဖးဒိၣ်တဖၣ်သံဝဲဒၣ်ဖဲကီၢ်န့ၣ်အပူၤလီၤ.

မၤတၢ် 7:16

အဝဲသ့ၣ်အစိၣ်တဖၣ်န့ၣ်ဘၣ်တၢ်က့ၤစိာ်အီၤဆူဝ့ၢ်ၡက့ၣ်, ဒီးဘၣ်တၢ်ခူၣ်လီၤအီၤလၢတၢ်သွၣ်ခိၣ်အပူၤ, လၢစီၤအၤဘြၤဟၣ်ပှ့ၤန့ၢ်တ့ၢ်လၢစ့နီၢ်လၢစီၤဃမိၢ်အဒူၣ်ဖိ ထၢဖိတဖၣ်အအိၣ်န့ၣ်လီၤ.

ဧ့ၤဘြံၤ 11:22

လၢတၢ်စူၢ်တၢ်နာ်ဖဲစီၤယိၤသးဘူးထီၣ်လၢအကသံန့ၣ်, ကတိၤတၢ်ဘၣ်ဃးပှၤအံၣ်စရ့လးဖိအတၢ်ကဟးထီၣ်လၢကီၢ် အဲၤကူပတူးအဂ့ၢ်, ဒီးမၤလိာ်တ့ၢ်တၢ်ဘၣ်ဃးဒီးအဃံအဂ့ၢ်န့ၣ်လီၤ.