လံာ်စီၤယိၤၡူ 24:29 - Sgaw Karen Common Bible

²⁹ တၢ်တဖၣ်န့ၣ်အလီၢ်ခံဒီး, စီၤနိၣ်အဖိခွါယွၤအခ့အပှၤစီၤယိၤၡူ သံဝဲဖဲအသးအိၣ်အနံၣ်တကယၤတဆံန့ၣ်လီၤ.

လံာ်စီၤယိၤၡူ 24:29 Iomraidhean Croise

လံာ်တၢ်ကဲထီၣ်အခီၣ်ထံး 50:22

စီၤယိၤသးအိၣ်ဒံးဝဲဆူညါလၢကီၢ်အဲၤကူပတူးအပူၤဃုာ်ဒီး အပၢ်အဒူၣ်ဖိထၢဖိန့ၣ်လီၤ. ဖဲအဝဲသံန့ၣ်အသးအိၣ်အနံၣ်တကယၤတဆံန့ၣ်လီၤ.

လံာ်တၢ်ကဲထီၣ်အခီၣ်ထံး 50:26

စီၤယိၤသးသံကွံာ်ဝဲလၢကီၢ်အဲၤကူပတူးအပူၤဖဲအသးအိၣ် အနံၣ်တကယၤတဆံန့ၣ်လီၤ. အဝဲသ့ၣ်ဖှူအစိၣ်လၢကသံၣ်ဒ်သိးအသုတဟးဂီၤတဂ့ၤဒီးဒၢနုာ် အီၤဆူကျုာ်တဖျၢၣ်အပူၤလီၤ.

စံးထီၣ်ပတြၢၤ 115:17

ယွၤတဘၣ်တၢ်စံးထီၣ်ပတြၢၤအီၤလၢပှၤသံ, ဒီးပှၤတဂၤလၢ်လၢ်လၢအလဲၤလီၤဆူ တၢ်ဘှ့ၣ်တၢ်ဘှီၣ်အကီၢ်န့ၣ်ဘၣ်.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

လံာ်စီၤယိၤၡူ 24:28

ဒီးစီၤယိၤၡူပျၢ်ကွံာ်ပှၤဂီၢ်မုၢ်, တဂၤဆူအတၢ်န့ၢ်သါ, တဂၤဆူအတၢ်န့ၢ်သါဒၣ်ဝဲစုာ်စုာ်န့ၣ်လီၤ.

လံာ်စီၤယိၤၡူ 24:30

ဒီးအဝဲသ့ၣ်ခူၣ်လီၤအီၤလၢအတၢ်န့ၢ်သါအလီၢ်ဒၣ်ဝဲဖဲ တံးမနးစ့ရၤလၢအအိၣ်လၢကစၢၢ်အ့ဖရဲၣ်အလိၤလၢကစၢၢ်ကၤဧၣ် အကလံၤစိးန့ၣ်လီၤ.

လံာ်လီၣ်ဖျါ 14:13

အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”

လံာ်ပှၤစံၣ်ညီၣ်ကွီၢ် 2:8

ဒီးယွၤအခ့အပှၤစီၤနိၣ်အဖိခွါစီၤယိၤၡူသံဝဲဖဲအသးအိၣ် အနံၣ်တကယၤတဆံန့ၣ်လီၤ.

လံာ်ပှၤစံၣ်ညီၣ်ကွီၢ် 2:9

အဝဲဘၣ်တၢ်ခူၣ်လီၤအီၤလၢအဟီၣ်ခိၣ်ကဝီၤဒၣ်ဝဲအပူၤဖဲ ဝ့ၢ်တံမနးဃ့ရ့းလၢအ့ဖရဲၣ်အကစၢၢ်ကလိ, အိၣ်လၢကစၢၢ်ကၤဧၣ်အကလံၤစိး တခီန့ၣ်လီၤ.