လံာ်စီၤယိၤၡူ 24:26 - Sgaw Karen Common Bible

²⁶ စီၤယိၤၡူကွဲးတၢ်မၤလိာ်တဖၣ်အံၤလၢယွၤအလံာ်တၢ်သိၣ်တၢ်သီအပူၤန့ၣ်လီၤ. အန့ၣ်ဝံၤဒီးအဝဲဟံးန့ၢ်လၢၢ်ဖးဒိၣ်တဖျၢၣ်ဒီးပာ်လီၤဝဲထူၣ် ကလာ်ဖဲသ့ထိးဖၣ်တထံးအဖီလာ်လၢယွၤအတၢ်လီၢ်စီဆှံအပူၤန့ၣ်လီၤ.

လံာ်စီၤယိၤၡူ 24:26 Iomraidhean Croise

လံာ်တၢ်ကဲထီၣ်အခီၣ်ထံး 31:45

မၤသးဒ်န့ၣ်ဒီးစီၤယၤကိာ်ဟံးန့ၢ်လၢၢ်တဖျၢၣ်ဒီးပာ်ထီၣ်အီၤဒ် အမ့ၢ်တၢ်သ့ၣ်နီၣ်ထီၣ်အပနီၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:4

လၢတၢ်န့ၣ်အဃိအဝဲသ့ၣ်ဟ့ၣ်လီၤစီၤယၤကိာ်လၢကယဲၢ်ပှၤတခီဘီ မုၢ်ဖိအကစၢ်တဖၣ်လၢအအိၣ်ဒီးအီၤခဲလၢာ်ဒီးနၢ်ဒံးလၢအဝဲသ့ၣ် ဒံးဝဲတဖၣ်န့ၣ်လီၤ. အဝဲခူၣ်လီၤကွံာ်တၢ်န့ၣ်တဖၣ်ခဲ လၢာ်ဖဲသ့ထိးဖၣ်အခီၣ်ထံးလၢအအိၣ်ဘူးဒီးဝ့ၢ်ၡက့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:8

နီၢ်ဒဘိရၣ်, ပှၤလၢအကွၢ်နီၢ်ရံးဘကၤသံဝဲဒီးဘၣ်တၢ်ခူၣ်လီၤ အီၤဖဲသ့ၣ်သ့ထိးဖၣ်အခီၣ်ထံးလၢအအိၣ်ဝဲဖဲဝ့ၢ်ဘ့ၤသ့လးအက လံၤထံးန့ၣ်လီၤ. ဒီးတၢ်လီၢ်အံၤဘၣ်တၢ်ကိးအီၤလၢ “အးလိၣ်ဘၤ ကူာ်” အခီပညီ, “တၢ်ဟီၣ်တၢ်ယၢၤအသ့ၣ်သ့ထိးဖၣ်” န့ၣ်လီၤ.

လံာ်တၢ်ဟးထီၣ်ကွံာ် 24:4

စီၤမိၤၡ့ကွဲးလီၤကယဲၢ်ယွၤအတၢ်မၤလိာ်တဖၣ်န့ၣ်လီၤ. မုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲဘှီထီၣ်ဝဲတၢ်လုၢ်လီၢ်တခါ လၢကစၢၢ်ခီၣ်ထံးဒီးဆီလီၤလၢၢ်တဆံခံဖျၢၣ်, တဖျၢၣ်စုာ်စုာ်လၢပှၤအံၣ်စရ့လးဖိတဆံခံဒူၣ်, တဒူၣ်စုာ်စုာ်အဂီၢ်လီၤ.

လံာ်ပှၤစံၣ်ညီၣ်ကွီၢ် 9:6

တုၤနုၤတစု, ပှၤၡက့ၣ်ဖိဒီးပှၤမံးလိၤဖိအပိာ်ခွါတဖၣ် ပာ်ဖှိၣ်ထီၣ်အသးဒီးလဲၤဆူသ့ၣ်သ့ထိးဖၣ်စီဆှံဖဲဝ့ၢ်ၡက့ၣ်ဒီး ပာ်ထီၣ်စီၤအဘံၤမ့လ့းလၢစီၤပၤဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:12

အန့ၣ်တစုစီၤၡမူအ့လးဟံးန့ၢ်လၢၢ်တဖျၢၣ်ဒီးပာ်လီၤအီၤဖဲ ဝ့ၢ်မံးစပၤဒီးဝ့ၢ်ၡ့ၣ်အဘၢၣ်စၢၤဒီးစံးဝဲ, “ယွၤမၤစၢၤတ့ၢ်ပှၤကျဲဒီဘိညါလီၤ.” ဒီးယုၢ်ဝဲအမံၤလၢ “အ့ဘ့ၤန့စၢ်” လီၤ.