လံာ်စီၤယိၤၡူ 24:25 - Sgaw Karen Common Bible

²⁵ ဒီးမုၢ်နံၤအဝဲန့ၣ်, စီၤယိၤၡူမၤတၢ်အၢၣ်လီၤအီလီၤဃုာ်ဒီးပှၤဂီၢ်မုၢ်, ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်လၢကပိာ်ထွဲဝဲအဂီၢ်ဖဲဝ့ၢ်ၡက့ၣ်န့ၣ်လီၤ.

လံာ်စီၤယိၤၡူ 24:25 Iomraidhean Croise

လံာ်တၢ်ကဲထီၣ်အခီၣ်ထံး 35:4

လၢတၢ်န့ၣ်အဃိအဝဲသ့ၣ်ဟ့ၣ်လီၤစီၤယၤကိာ်လၢကယဲၢ်ပှၤတခီဘီ မုၢ်ဖိအကစၢ်တဖၣ်လၢအအိၣ်ဒီးအီၤခဲလၢာ်ဒီးနၢ်ဒံးလၢအဝဲသ့ၣ် ဒံးဝဲတဖၣ်န့ၣ်လီၤ. အဝဲခူၣ်လီၤကွံာ်တၢ်န့ၣ်တဖၣ်ခဲ လၢာ်ဖဲသ့ထိးဖၣ်အခီၣ်ထံးလၢအအိၣ်ဘူးဒီးဝ့ၢ်ၡက့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:17

ပှၤလုၢ်တၢ်အခိၣ်စီၤယဟိယဒါဒုးမၤစီၤပၤယိၤအၣ်ဒီးပှၤဂီၢ် မုၢ်လၢတၢ်အၢၣ်လီၤဒီးယွၤတမံၤလၢအဝဲသ့ၣ်ကမ့ၢ်ယွၤအပှၤဂီၢ် မုၢ်န့ၣ်လီၤ. အဝဲမၤစ့ၢ်ကီးတၢ်အၢၣ်လီၤတမံၤလၢစီၤပၤဒီးပှၤဂီၢ်မုၢ်အဘၢၣ် စၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:12

အဝဲသ့ၣ်မၤတ့ၢ်တၢ်အၢၣ်လီၤအီလီၤတမံၤလၢအဝဲသ့ၣ်အၢၣ်လီၤဝဲ လၢအဝဲသ့ၣ်ကဘူၣ်ထီၣ်ဘါထီၣ်ယွၤအဝဲသ့ၣ်အမိၢ်ပၢ်ဖံဖုလၢပျၢၤ တဖၣ်အကစၢ်ယွၤ, လၢအသူၣ်ကံၢ်သးလဲဒီးအသးဒီဖျၢၣ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:15

ကယဲၢ်ပှၤဂီၢ်မုၢ်လၢကီၢ်ယူဒၤအပူၤသူၣ်ဖှံသးညီဝဲမ့ၢ်လၢ အဝဲသ့ၣ်မၤတ့ၢ်တၢ်အၢၣ်လီၤအီလီၤအံၤလၢအသူၣ်ဒီဖျၢၣ်သးဒီ ဖျၢၣ်အဃိန့ၣ်လီၤ. အဝဲအိၣ်ဒီးတၢ်သူၣ်မုာ်သးမုာ်လၢတၢ်ဘူၣ်ထီၣ်ဘါထီၣ်ယွၤအပူၤ, ဒီးယွၤတူာ်လိာ်အဝဲသ့ၣ်ဒီးဟ့ၣ်လီၤအဝဲသ့ၣ်လၢတၢ်ဃူတၢ်ဖိး လၢတၢ်ကိးကပၤဒဲးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:16

ပှၤလုၢ်တၢ်အခိၣ်စီၤယဟိယဒါမၢစီၤပၤစီၤယိၤအၣ်ဒီးပှၤဂီၢ် မုၢ်ပာ်ဖှိၣ်ဃုာ်အသးဒီးအီၤလၢကမၤတၢ်အၢၣ်လီၤအီလီၤတမံၤလၢ, အဝဲသ့ၣ်ကမ့ၢ်ယွၤအပှၤဂီၢ်မုၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:10

ဒီးခဲကနံၣ်အံၤယပာ်လီၤယသးလၢယကမၤတၢ်အၢၣ်လီၤအီလီၤတမံၤ ဒီးယွၤ, အံၣ်စရ့လးအကစၢ်ယွၤ, ဒ်သိးအဝဲသုတသးထီၣ်ဘၣ်ပှၤလၢၤတဂ့ၤန့ၣ်လီၤ.

လံာ်စီၤနဃ့မယၤ 9:38

မ့ၢ်လၢတၢ်မၤအသးခဲလၢာ်သ့ၣ်တဖၣ်အံၤအဃိပဝဲကီၢ်အံၣ်စရ့လး အပှၤဂီၢ်မုၢ်, ပမၤတၢ်အၢၣ်လီၤသမှံၤသပှၢ်တခါလၢအအိၣ်ကွဲးလီၤအသး, ဒီးပခိၣ်ပနၢ်တဖၣ်, ပပှၤလ့ၤဝံဖိတဖၣ်ဒီးပပှၤလုၢ်တၢ်အခိၣ်တဖၣ် စဲဃာ်အီၤဒီးအဝဲသ့ၣ်အတၢ်ပနီၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 15:25

ဒီးစီၤမိၤၡ့ဘါထုကဖၣ်တၢ်လၢအသူၣ်ကံၢ်သးလဲဆူယွၤအအိၣ် ဒီးယွၤဒုးနဲၣ်အီၤလၢသ့ၣ်တကူးလာ်လီၤ. အဝဲကွံာ်နုာ်ဝဲဆူထံအကျါဒီးထံန့ၣ်ကဲထီၣ်ထံလၢတၢ်အီ အီၤသ့န့ၣ်လီၤ. ဖဲန့ၣ်ယွၤဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢကအိၣ်မူထွဲဝဲအဂီၢ်, ဒီးမၤကွၢ်စ့ၢ်ကီးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 24:3

စီၤမိၤၡ့လဲၤတၢ်ဒီးတဲဘၣ်ပှၤဂီၢ်မုၢ်လၢကယဲၢ်တၢ်လၢယွၤမၤ လိာ်တ့ၢ်ဝဲတဖၣ်ဒီးကယဲၢ်လုၢ်လၢ်တၢ်စီဆှံတဖၣ်န့ၣ်လီၤ. ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤကယဲၢ်တၢ်ကိးမံၤလၢယွၤစံးဘၣ်တဲဘၣ်တ့ၢ်ဝဲန့ၣ်လီၤ.”

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်စီၤယိၤၡူ 24:26

စီၤယိၤၡူကွဲးတၢ်မၤလိာ်တဖၣ်အံၤလၢယွၤအလံာ်တၢ်သိၣ်တၢ်သီအပူၤန့ၣ်လီၤ. အန့ၣ်ဝံၤဒီးအဝဲဟံးန့ၢ်လၢၢ်ဖးဒိၣ်တဖျၢၣ်ဒီးပာ်လီၤဝဲထူၣ် ကလာ်ဖဲသ့ထိးဖၣ်တထံးအဖီလာ်လၢယွၤအတၢ်လီၢ်စီဆှံအပူၤန့ၣ်လီၤ.