လံာ်စီၤယိၤၡူ 24:22 - Sgaw Karen Common Bible

²² စီၤယိၤၡူစံးဘၣ်အဝဲသ့ၣ်, “သုမ့ၢ်ပှၤအုၣ်အသးတဖၣ်လၢသုကစၢ်ဒၣ်သုဝဲအဂီၢ်လၢသုဃုထၢ မၤယွၤအတၢ်န့ၣ်လီၤ.” အဝဲသ့ၣ်စံးဝဲ, “မ့ၢ်လီၤ. ပမ့ၢ်ပှၤအုၣ်အသး တဖၣ်လီၤ.”

လံာ်စီၤယိၤၡူ 24:22 Iomraidhean Croise

လံာ်စီၤယိၤဘး 15:6

အလီၢ်တအိၣ်ဘၣ်လၢယကစံၣ်ညီၣ်နၤဘၣ်. နဘၣ်တၢ်စံၣ်ညီၣ် တ့ၢ်နၤခီဖျိတၢ်ကတိၤလၢနစံးဒၣ်နဲန့ၣ်လီၤ.

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 119:173

မ်နစုအိၣ်ကတဲာ်ကတီၤအသးလၢ ကမၤစၢၤယၤန့ၣ်တက့ၢ်. အဂ့ၢ်ဒ်အံၤ, ယဃုထၢနတၢ်မၤလိာ်တဖၣ်လီၤ.

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

လံာ်လူၤကၣ် 19:22

အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.

လံာ်သိၣ်လီၤသီလီၤတၢ် 26:17

မုၢ်မဆါတနံၤအံၤသုအၢၣ်လီၤသ့ၣ်ညါတ့ၢ်ယွၤ, ဒ်သုကစၢ်ယွၤအသိး, သုအၢၣ်လီၤတ့ၢ်လၢသုကစူၢ်အီၤ, ကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးကမၤတၢ်ခဲလၢာ်ဒ်အဝဲမၤလိာ်ဝဲအသိးန့ၣ်လီၤ.

လံာ်စီၤယိၤၡူ 24:21

ပှၤဂီၢ်မုၢ်စံးဘၣ်စီၤယိၤၡူ, “တမ့ၢ်ဘၣ်. ပကမၤယွၤအတၢ်လီၤ.”