လံာ်စီၤယိၤၡူ 24:21 - Sgaw Karen Common Bible

²¹ ပှၤဂီၢ်မုၢ်စံးဘၣ်စီၤယိၤၡူ, “တမ့ၢ်ဘၣ်. ပကမၤယွၤအတၢ်လီၤ.”

လံာ်စီၤယိၤၡူ 24:21 Iomraidhean Croise

လံာ်တၢ်ဟးထီၣ်ကွံာ် 19:8

အန့ၣ်ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤတၢ်ကိးမံၤလၢယွၤစံးဝဲလီၤ.” ဒီးစီၤမိၤၡ့ပာ် ဖျါထီၣ်က့ၤတၢ်ဂ့ၢ်အံၤဆူယွၤအအိၣ်လီၤ.

လံာ်တၢ်ဟးထီၣ်ကွံာ် 20:19

ဒီးအဝဲသ့ၣ်စံးဘၣ်စီၤမိၤၡ့, “နမ့ၢ်ကတိၤတၢ်ဒီးပှၤဒီးပကဒိကနၣ်လီၤ. ဘၣ်ဆၣ်ဒီးပပျံၤတၢ်လၢကစၢ်ယွၤမ့ၢ်ကတိၤတၢ်ဆူပအိၣ်န့ၣ်ပကသံ ဘၣ်ဖုးန့ၣ်လီၤ.”

လံာ်တၢ်ဟးထီၣ်ကွံာ် 24:3

စီၤမိၤၡ့လဲၤတၢ်ဒီးတဲဘၣ်ပှၤဂီၢ်မုၢ်လၢကယဲၢ်တၢ်လၢယွၤမၤ လိာ်တ့ၢ်ဝဲတဖၣ်ဒီးကယဲၢ်လုၢ်လၢ်တၢ်စီဆှံတဖၣ်န့ၣ်လီၤ. ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤကယဲၢ်တၢ်ကိးမံၤလၢယွၤစံးဘၣ်တဲဘၣ်တ့ၢ်ဝဲန့ၣ်လီၤ.”

လံာ်တၢ်ဟးထီၣ်ကွံာ် 24:7

အန့ၣ်ဝံၤဒီး, အဝဲဟံးန့ၢ်လံာ်တၢ်အၢၣ်လီၤအီလီၤလၢယွၤအတၢ် မၤလိာ်တဖၣ်အိၣ်ကွဲးအသးလၢအပူၤ, ဒီးဖးထီၣ်အီၤလၢအကလုၢ်ဒိၣ်ဒိၣ်ဆူပှၤဂီၢ်မုၢ်အအိၣ်လီၤ. ဒီးပှၤဂီၢ်မုၢ်စံးဝဲဒၣ်, “ပကစူၢ်ယွၤအကလုၢ်ဒီးမၤကယဲၢ်တၢ်လၢ အမၤလိာ်ဝဲကိးမံၤဒဲးန့ၣ်လီၤ.”

လံာ်ယၡါယၤ 44:5

ပှၤတဂၤဘၣ်တဂၤကစံးဝဲ, ‘ယဲဒၣ်အံၤယမ့ၢ်ယွၤအတၢ်လီၤ. အဝဲသ့ၣ်ကဟဲပာ်ဖှိၣ်အသးဒီးကီၢ်အံၣ်စရ့လး အပှၤဂီၢ်မုၢ်လီၤ. ပှၤတဂၤစုာ်စုာ်ကကွဲးလီၤယွၤအမံၤလၢအစုတီၤလိၤ ဒီးကိးလီၤအသးလၢအမ့ၢ်ကစၢ်ယွၤအပှၤဂီၢ်မုၢ်အကျါတဂၤန့ၣ် လီၤ.’ ”

လံာ်သိၣ်လီၤသီလီၤတၢ် 26:17

မုၢ်မဆါတနံၤအံၤသုအၢၣ်လီၤသ့ၣ်ညါတ့ၢ်ယွၤ, ဒ်သုကစၢ်ယွၤအသိး, သုအၢၣ်လီၤတ့ၢ်လၢသုကစူၢ်အီၤ, ကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးကမၤတၢ်ခဲလၢာ်ဒ်အဝဲမၤလိာ်ဝဲအသိးန့ၣ်လီၤ.

လံာ်စီၤယိၤၡူ 24:20

ဒီးသုမ့ၢ်လဲၤသဒၣ်အီၤလၢသုကမၤကစၢ်အဂၤတဖၣ်အတၢ်ဒီး, အဝဲကဃၣ်အသးထီဒါသုဒီးမၤအၢမၤနးသုလီၤ. လၢအပူၤကွံာ်အဝဲမ့ၢ်ဂ့ၤလၢသုဂီၢ်ဒၣ်လဲာ်, ကမၤဟးဂီၤသုန့ၣ်လီၤ.”

လံာ်စီၤယိၤၡူ 24:22

စီၤယိၤၡူစံးဘၣ်အဝဲသ့ၣ်, “သုမ့ၢ်ပှၤအုၣ်အသးတဖၣ်လၢသုကစၢ်ဒၣ်သုဝဲအဂီၢ်လၢသုဃုထၢ မၤယွၤအတၢ်န့ၣ်လီၤ.” အဝဲသ့ၣ်စံးဝဲ, “မ့ၢ်လီၤ. ပမ့ၢ်ပှၤအုၣ်အသး တဖၣ်လီၤ.”