လံာ်စီၤယိၤၡူ 24:2 - Sgaw Karen Common Bible

² ဒီးစီၤယိၤၡူစံးဘၣ်ပှၤဂီၢ်မုၢ်ခဲလၢာ်, ယွၤအံၣ်စရ့လးအကစၢ်ယွၤစံးဒ်အံၤ, လၢပျၢၤသုမိၢ်ပၢ်ဖံဖုလၢပျၢၤတဖၣ်အိၣ်ဆိးဝဲလၢ ထံမိၢ်ပှၢ်အဝၢ်ဘးခီဒီးဘါကစၢ်အဂၤတဖၣ်လီၤ. သုပၢ်လၢပျၢၤအကျါတဂၤမ့ၢ်ဝဲစီၤတ့ရၤ လၢအမ့ၢ်စီၤအၤဘြၤဟၣ်ဒီးစီၤနၤဃိၢ်အပၢ်န့ၣ်လီၤ.

လံာ်စီၤယိၤၡူ 24:2 Iomraidhean Croise

လံာ်တၢ်ကဲထီၣ်အခီၣ်ထံး 11:22

ဖဲစီၤစရူာ်အသးအိၣ်ဝဲအနံၣ်သၢဆံန့ၣ်ထီၣ်ဖိန့ၢ်အဖိခွါတ ဂၤ, စီၤနၤဃိၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:24

ဖဲစီၤနၤဃိၢ်အသးအိၣ်ဝဲခံဆံခွံနံၣ်န့ၣ်အဝဲထီၣ်ဖိအဖိ ခွါတဂၤ, စီၤတ့ရၤန့ၣ်လီၤ.

လံာ်တၢ်ကဲထီၣ်အခီၣ်ထံး 11:26

စီၤတ့ရၤအသးအိၣ်ဝဲအနံၣ်နွံဆံဝံၤအလီၢ်ခံအဝဲကဲထီၣ်စီၤ အၤဘြၣ်, စီၤနၤဃိၢ်ဒီးစီၤဟၤရၣ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:27

ဒီးအအံၤတဖၣ်မ့ၢ်စီၤတ့ရၤလၢအမ့ၢ်စီၤအၤဘြၣ်, စီၤနၤဃိၢ်ဒီးစီၤဟၤရၣ်အပၢ်အစၢၤအသွဲၣ်တဖၣ်န့ၣ်လီၤ. စီၤဟၤရၣ်မ့ၢ်စီၤလိာ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:19

ဖဲစီၤလၤဘၣ်လဲၤတံာ်အသိးအဆူၣ်န့ၣ်နီၢ်ရၤဃ့လးဟုၣ်န့ၢ်အပၢ် အတၢ်ဂီၤတရၤဖးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:30

ယသ့ၣ်ညါလၢနအဲၣ်ဒိးက့ၤဆူနဟံၣ်ဒိၣ်မးလီၤ. ဘၣ်ဆၣ်ဒီးဘၣ်မနုၤလၢနဟုၣ်န့ၢ်ယပှၤဟံၣ်ဖိဃီဖိအကစၢ်တဖၣ်န့ၣ် လဲၣ်.”

လံာ်တၢ်ကဲထီၣ်အခီၣ်ထံး 31:32

ဘၣ်ဆၣ်ဒီး, နမ့ၢ်ထံၣ်ပှၤဖဲအံၤတဂၤဂၤအိၣ်ဒီးနကစၢ်တဖၣ်န့ၣ် ကဘၣ်တၢ်မၤသံအီၤလီၤ. ပာ်, ယပှၤသ့ၣ်တဖၣ်အံၤဒ်ပှၤအုၣ်အသးအသိးဒီးဃုဒီးဟံးန့ၢ်က့ၤ တၢ်လၢအဘၣ်ဃးဒီးနၤန့ၣ်တက့ၢ်.” ဒီးစီၤယၤကိာ်တသ့ၣ်ညါဝဲဒၣ်လၢနီၢ်ရၤဃ့လးဟုၣ်န့ၢ်အပၢ် အကစၢ်တဖၣ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:4

လၢတၢ်န့ၣ်အဃိအဝဲသ့ၣ်ဟ့ၣ်လီၤစီၤယၤကိာ်လၢကယဲၢ်ပှၤတခီဘီ မုၢ်ဖိအကစၢ်တဖၣ်လၢအအိၣ်ဒီးအီၤခဲလၢာ်ဒီးနၢ်ဒံးလၢအဝဲသ့ၣ် ဒံးဝဲတဖၣ်န့ၣ်လီၤ. အဝဲခူၣ်လီၤကွံာ်တၢ်န့ၣ်တဖၣ်ခဲ လၢာ်ဖဲသ့ထိးဖၣ်အခီၣ်ထံးလၢအအိၣ်ဘူးဒီးဝ့ၢ်ၡက့ၣ်န့ၣ်လီၤ.

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယဃ့းစက့လး 16:3

တဲဘၣ်ဝ့ၢ်ယရူၤၡလ့ၣ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ်အီၤ န့ၣ်တက့ၢ်. နအိၣ်ဖျဲၣ်ထီၣ်လၢကီၢ်ကနၤဧၣ်အပူၤလီၤ. နပၢ်မ့ၢ်ပှၤအမိၢ်ဖိတဂၤဒီးနမိၢ်မ့ၢ်ပှၤဃ့ၤသးဖိတဂၤလီၤ.

လံာ်လူၤကၣ် 3:34

စီၤယူဒၤအပၢ်မ့ၢ်ဝဲစီၤယၤကိာ်, စီၤယၤကိာ်အပၢ်မ့ၢ်ဝဲစီၤအံၤစဲး, စီၤအံၤစဲးအပၢ်မ့ၢ်ဝဲစီၤအၤဘြၤဟၣ်, စီၤအၤဘြၤဟၣ်အပၢ်မ့ၢ်ဝဲစီၤတ့ရၤ, စီၤတ့ရၤအပၢ်မ့ၢ်ဝဲစီၤနၤဃိၢ်,

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”