လံာ်စီၤယိၤၡူ 24:15 - Sgaw Karen Common Bible

¹⁵ သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်စီၤယိၤၡူ 24:15 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 35:2

လၢတၢ်န့ၣ်အဃိစီၤယၤကိာ်စံးဘၣ်အပှၤဟံၣ်ဖိဃီဖိဒီးကယဲၢ်ပှၤ အိၣ်ဒီးအီၤခဲလၢာ်, “ကွံာ်တ့ၢ်ကွံာ်ပှၤတခီဘီမုၢ်ဖိအကစၢ်တဖၣ်လၢအအိၣ်ဒီးသု, မၤကဆှီထီၣ်သုသးဒီးသိးထီၣ်တၢ်ကူတၢ်သိးလၢအကဆှီတဖၣ်တ က့ၢ်.

လံာ်စီၤပၤအခီၣ်ထံးတဘ့ၣ် 18:21

စီၤအ့ၤလံယၤလဲၤထီၣ်ဆူပှၤဂီၢ်မုၢ်အအိၣ်ဒီးစံးဝဲ, “လၢသုကစံၣ်ညီၣ်တဲာ်သုသးအဂီၢ်န့ၣ်ကယံာ်ဒံးဆံးယံာ်လဲၣ်. ယွၤမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်. ဘဧၤလးမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်.” ဘၣ်ဆၣ်ဒီးပှၤဂီၢ်မုၢ်တကတိၤဘၣ်တၢ်နီတဘီဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 1:14

စီၤကနၤဧၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,

စံးထီၣ်ပတြၢၤ 101:2

ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

စံးထီၣ်ပတြၢၤ 119:106

ယမၤတၢ်ဆိၣ်တမံၤဒီး ပာ်ဂၢၢ်ပာ်ကျၢၤအီၤလၢယကပိာ်ထွဲနတၢ်သိၣ်တၢ် သီတဖၣ်လၢ အတီအလိၤန့ၣ်လီၤ.

လံာ်တၢ်ဟးထီၣ်ကွံာ် 23:2

ဖဲပှၤအါဂၤမၤတၢ်ကမၣ်မ့ၢ်ဂ့ၤ, ဖဲအဝဲသ့ၣ်ဟ့ၣ်တၢ်အုၣ်အသးလၢ ကဘိးကဒါတၢ်စံၣ်ညီၣ်တီမ့ၢ်ဂ့ၤန့ၣ်, ပိာ်ထွဲအခံတဂ့ၤ.

လံာ်တၢ်ဟးထီၣ်ကွံာ် 23:24

ဆုးလီၤသုခိၣ်လၢသုကဘါထီၣ်အဝဲသ့ၣ်အကစၢ်တဖၣ်အဂီၢ်တဂ့ၤ. ဟံးန့ၢ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်တဖၣ်တဂ့ၤ. မၤဟးဂီၤကွံာ်အဝဲသ့ၣ်အကစၢ်တဖၣ်ဒီးမၤလီၤပှီၢ်ကွံာ်အလၢၢ်ထူၣ် စီဆှံတဖၣ်တက့ၢ်.

လံာ်တၢ်ဟးထီၣ်ကွံာ် 34:15

မၤတၢ်အၢၣ်လီၤအီလီၤဒီးပှၤဂီၢ်မုၢ်လၢသုလဲၤနုာ်လီၤဆူအထံ အကီၢ်န့ၣ်နီတမံၤတဂ့ၤ. အဂ့ၢ်ဒ်အံၤ, ဖဲအဝဲသ့ၣ်ဘါထီၣ်အပှၤ တစူၢ်တနာ်တၢ်အယွၤတဖၣ်ဒီးလုၢ်တၢ်ပာ်တၢ်ဆူအအိၣ်န့ၣ်, ကကွဲသုလၢသုကမၤဃုာ်သကိးတၢ်ဒီးအီၤ, ဒီးသုကဘၣ်တၢ်လ့ပစီလၢသုကအီၣ်တၢ်အီၣ်တဖၣ်လၢအလုၢ် ထီၣ်ဝဲဆူအကစၢ်တဖၣ်အအိၣ်န့ၣ်လီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်ဒၤနံးယ့လး 3:18

မ့တမ့ၢ်ဘၣ်ဒ်န့ၣ်အသိးဒၣ်လဲာ်, သ့ၣ်ညါနဲဒၣ်စီၤပၤဧၢ, ပတမၤဘၣ်နကစၢ်တဖၣ်အတၢ်မၤဘၣ်ဒီးတဘူၣ်ထီၣ်ဘါထီၣ် ဘၣ်တၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်တၢ်ဘူၣ်ထီၣ်ဘါထီၣ် 14:42

ဒီးလၢၢ်လၢအဘၣ်တၢ်သုးကွံာ်အီၤတဖၣ်အလီၢ်န့ၣ်ကဘၣ်တၢ်မၤပှဲၤ က့ၤအီၤလၢလၢၢ်အဂၤတဖၣ်ဒီးတၢ်အဒူၣ်တဖၣ်န့ၣ်ကဘၣ်တၢ်လံာ်က့ၤ အီၤလၢကပံာ်အသိန့ၣ်လီၤ.

လံာ်မံကၤ 4:5

ပှၤတကလုာ်ဒီးတကလုာ်ဘူၣ်ထီၣ်ဘါထီၣ်ဒီးစူၢ်အယွၤဒၣ်ဝဲလီၤ. မ့မ့ၢ်ပဝဲဒၣ်အံၤပကဘူၣ်ထီၣ်ဘါထီၣ်ဒီးစူၢ်ယွၤ ပကစၢ်ယွၤလီၤထူလီၤယိာ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

လံာ်သိၣ်လီၤသီလီၤတၢ် 13:7

ဘၣ်သ့ၣ်သ့ၣ်အဝဲသ့ၣ်အကျါတဂၤကဟ့ၣ်ဂံၢ်ဟ့ၣ်ဘါသုလၢသု ကဘါထီၣ်ပှၤဂီၢ်မုၢ်လၢအအိၣ်ဘူးဒီးသုအကစၢ်တဖၣ်မ့ၢ်ဂ့ၤ, ပှၤလၢအအိၣ်ယံၤဒီးသုတဖၣ်အကစၢ်တဖၣ်မ့ၢ်ဂ့ၤန့ၣ်လီၤ.

လံာ်သိၣ်လီၤသီလီၤတၢ် 29:18

မၤလီၤတံၢ်လၢ, တနံၤအံၤပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ဟံၣ်ဖိဃီဖိမ့ၢ်ဂ့ၤ, ပှၤအဒူၣ်မ့ၢ်ဂ့ၤလၢအဆၢထၢၣ်ဖဲအံၤ, တဃၣ်ကွံာ်ဘၣ်အသးလၢယွၤ, ပကစၢ်ယွၤအအိၣ်နီတဂၤဒ်သိးကဘါထီၣ် ပှၤကလုာ်ဂၤတဖၣ်အတၢ်ဂီၤတၢ်ဖီၣ်တဖၣ်အဂီၢ်ဘၣ်န့ၣ်တက့ၢ်. တၢ်န့ၣ်ကလီၤဂာ်ဒ်တၢ်အဂံၢ်တဘိလၢအမဲထီၣ်ဒီးကကဲထီၣ်တၢ်အမုၢ် တမုၢ်လၢအခၣ်ဒီးအိၣ်ဒီးအစုၣ်အပျၢ်အသိးန့ၣ်လီၤ.

လံာ်စီၤယိၤၡူ 24:16

အန့ၣ်ဒီးပှၤဂီၢ်မုၢ်စံးဆၢတၢ်ဒီးစံးဝဲ, “ပတလဲၤသဒၣ်ယွၤလၢပကမၤကစၢ်အဂၤတဖၣ်အတၢ်အဂီၢ်န့ၣ်ဘၣ်.

လံာ်ပှၤစံၣ်ညီၣ်ကွီၢ် 6:10

ယတဲဘၣ်သုလၢယမ့ၢ်ယွၤ, သုကစၢ်ယွၤဒီးသုတကြၢးဘူၣ်ထီၣ်ဘါထီၣ်ပှၤအမိၢ်ဖိတဖၣ်လၢသုအိၣ်သုဆိးလၢအကီၢ်ပူၤခဲအံၤ, အကစၢ်တဖၣ်ဘၣ်န့ၣ်လီၤ. ဘၣ်ဆၣ်ဒီးသုတဒိကနၣ်ဘၣ်ယၤဘၣ်.”