လံာ်စီၤယိၤၡူ 24:11 - Sgaw Karen Common Bible

¹¹ သုခီဂာ်ထံကျိယၢ်ဒ့ၣ်ဒီးဟဲတုၤလၢဝ့ၢ်ယရံၤဃိလီၤ. ပှၤယရံၤဃိဖိဒုးတၢ်ဒီးသုလီၤ. ဒ်န့ၣ်အသိး, ပှၤပရးစၤဖိ, ပှၤကနၤဧၣ်ဖိ, ပှၤဃ့ၤသးဖိ, ပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိတဖၣ်ဒုးတၢ်ဒီးသုလီၤ. ဘၣ်ဆၣ်ယဟ့ၣ်သုတၢ်မၤနၢၤအဝဲသ့ၣ်ခဲလၢာ်န့ၣ်လီၤ.

လံာ်စီၤယိၤၡူ 24:11 Iomraidhean Croise

လံာ်တၢ်ကဲထီၣ်အခီၣ်ထံး 15:19

ဃုာ်ဒီးပှၤက့ၣ်ဖိ, ပှၤကနးဖိ, ပှၤကးမိၣ်ဖိ,

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

စံးထီၣ်ပတြၢၤ 114:3

ပီၣ်လဲၣ်ဂီၤကွၢ်ဝဲဒီးဃ့ၢ်ကွံာ်ဝဲ, ထံကျိယၢ်ဒ့ၣ်တယွၤလီၤလၢၤဘၣ်န့ၣ်လီၤ.

စံးထီၣ်ပတြၢၤ 114:5

ပီၣ်လဲၣ်ဧၢ, ပီၣ်လဲၣ်ဧၢ, တၢ်မနုၤမၤအသးလၢ ကဒုးဃ့ၢ် ကွံာ်နၤလဲၣ်. ဒီးနဲဒၣ်ထံကျိယၢ်ဒ့ၣ်ဧၢ, ဘၣ်မနုၤ နဆိကတီၢ်ယွၤလီၤလဲၣ်. ထံကျိယၢ်ဒ့ၣ်ဧၢ, ဘၣ်မနုၤလၢ နဂုၤက့ၤဆူလီၢ်ခံန့ၣ်လဲၣ်.

လံာ်တၢ်ဟးထီၣ်ကွံာ် 13:5

ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်တၢ်ဟးထီၣ်ကွံာ် 23:23

ယကလူးကလဲၤတၢ်လၢသုမဲာ်ညါဒီးဆှၢသုဆူပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤကနၤဧၣ်ဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်အကီၢ်ပူၤဒီးယကမၤဟးဂီၤ အဝဲသ့ၣ်လီၤ.

လံာ်တၢ်ဟးထီၣ်ကွံာ် 23:28

ယကတ့ၢ်လီၤကွံာ်သုဒုၣ်သုဒါဆူတၢ်ပျံၤတၢ်ဖုးဖးဒိၣ်အပူၤ, ယကနီၣ်ထီၣ်ကွံာ်ပှၤဃံၤဝံဖိတဖၣ်, ပှၤကနၤဧၣ်ဖိတဖၣ်ဒီးပှၤ ဃ့ၤသးဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဟးထီၣ်ကွံာ် 23:31

ယကမၤလဲၢ်ထီၣ်သုကီၢ်အဆၢစးထီၣ်လၢပီၣ်လဲၣ်က့ၣ်ကျီၤအကၣ်ဘၣ် ပၢၢ်တုၤလၢထံကျိဖးဒိၣ်ဖရၤသးဒီးစးထီၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်တုၤလၢပှၢ်မုၢ်ကနၢန့ၣ်လီၤ. ယကဟ့ၣ်သုတၢ်စိတၢ်ကမီၤလၢပှၤအိၣ်လၢကီၢ်န့ၣ်တဖၣ်အဖီခိၣ်ဒီး သုကနီၣ်ထီၣ်ကွံာ်အီၤဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဟးထီၣ်ကွံာ် 3:17

ဒီးယပာ်လီၤတ့ၢ်လံယသးလၢယကထုးထီၣ်ကွံာ်အဝဲသ့ၣ်လၢကီၢ် အဲၤကူပတူး, တၢ်လီၢ်ဖဲအဝဲသ့ၣ်ဘၣ်တၢ်မၤအၢမၤနးအီၤ နးမးဒီးကဆှၢအီၤဆူပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အကီၢ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 33:2

ယကဆှၢလီၤကလူးတဂၤလၢကပၢဆှၢသု, ဒီးယကနီၣ်ထီၣ်ကွံာ်ပှၤကနၤဧၣ်ဖိတဖၣ်, ပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်, ဒီးပှၤယဘူၣ်ဖိတဖၣ်န့ၣ်လီၤ.

မၤတၢ် 13:19

အဝဲဒၣ်ဒုးဟးဂီၤကွံာ်ပှၤနွံကလုာ်လၢကီၢ်ကနၤဧၣ်အပူၤ, ဒီးဒုးကဲထီၣ်ကီၢ်တဘ့ၣ်အံၤလၢအပှၤဂီၢ်မုၢ်အတၢ်န့ၣ်လီၤ.

မၤတၢ် 7:45

ဒဲန့ၣ်ဘၣ်တၢ်ဟ့ၣ်လီၤအီၤဆူပမိၢ်ပၢ်ဖံဖုလၢပျၢၤတဖၣ် အစုပူၤတဆီဘၣ်တဆီ, ဒီးအဝဲသ့ၣ်စိာ်ဃုာ်ဝဲဖဲအလဲၤတၢ်ဒီး စီၤယိၤၡူဒီးမၤန့ၢ်ဝဲပှၤကလုာ်လၢကစၢ်ယွၤဟီထီၣ်ကွံာ်အီၤတဖၣ် အထံအကီၢ်န့ၣ်လီၤ. ဒီးဒဲန့ၣ်အိၣ်ဝဲဖဲကီၢ်န့ၣ်အပူၤတုၤလီၤလၢ စီၤဒၤဝံးအစိၤတစုလီၤ.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,

လံာ်စီၤယိၤၡူ 4:1

တုၤပှၤအံၣ်စရ့လးဖိခဲလၢာ်ခီဂာ်ထံကျိယၢ်ဒ့ၣ်လံဒီး, ယွၤစံးဘၣ်စီၤယိၤၡူ,

လံာ်စီၤယိၤၡူ 4:19

ပှၤဂီၢ်မုၢ်ခီဂာ်ထံကျိယၢ်ဒ့ၣ်လၢလါအခီၣ်ထံးတလါ, လါထီၣ်ဆံဆဲၣ်သီတသီဒီးသူၣ်ဒဲဖဲဝ့ၢ် ကံးလကၤလးလၢဝ့ၢ်ယရံၤဃိအမုၢ်ထီၣ်န့ၣ်လီၤ.

လံာ်စီၤယိၤၡူ 4:23

စံးဘၣ်တဲဘၣ်အဝဲသ့ၣ်လၢယွၤသုကစၢ်ယွၤမၤလီၤသံး ကွံာ်ထံလၢထံကျိယၢ်ဒ့ၣ်အပူၤလၢသုဂီၢ်တုၤလၢသုခီဂာ်တၢ်တစု, ဒ်အမၤလီၤသံးကွံာ်ပီၣ်လဲၣ်ဂီၤလၢပဂီၢ်အသိးန့ၣ်တက့ၢ်.

လံာ်စီၤယိၤၡူ 9:2

အဝဲသ့ၣ်ပာ်ဖှိၣ်ထီၣ်အသးခဲလၢာ်လၢအသးတဖျၢၣ်ဃီလၢကဒုးစီၤ ယိၤၡူဒီးပှၤအံၣ်စရ့လးဖိအဂီၢ်န့ၣ်လီၤ.