လံာ်စီၤယိၤၡူ 23:2 - Sgaw Karen Common Bible

² စီၤယိၤၡူကိးဖှိၣ်ပှၤအံၣ်စရ့လးဖိခဲလၢာ်, အပှၤသူၣ်က့သးပှၢ်, အခိၣ်အနၢ်, အပှၤစံၣ်ညီၣ်ကွီၢ်ဒီး အသုးခိၣ်သုးနၢ်တဖၣ်, ဒီးစံးဘၣ်အဝဲသ့ၣ်, “အခဲအံၤယသးပှၢ်ထီၣ်ဒီးယနံၣ်ယလါအါလံ,

လံာ်စီၤယိၤၡူ 23:2 Iomraidhean Croise

လံာ်စီၤပၤအခီၣ်ထံးတဘ့ၣ် 1:1

ခဲအံၤစီၤပၤစီၤဒၤဝံးမ့ၢ်ပှၤတဂၤလၢအသးပှၢ်ဒိၣ်မး, ဒီးအခ့အပှၤတဖၣ်လုးဘၢအီၤလၢယၣ်လုးတဖၣ်ဒၣ်လဲာ်တလၢၤဘၣ်အီၤ လၢၤဘၣ်.

လံာ်စီၤပၤအခီၣ်ထံးတဘ့ၣ် 8:1

ဒီးစီၤပၤၡလိၤမိၤဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လး ဖိအဒူၣ်တဖၣ်ဒီးအဒူၣ်ထၢတဖၣ်, အခိၣ်အနၢ်တဖၣ်ဒ်သိးကဟဲဆူအဝဲအအိၣ်လၢဝ့ၢ်ယရူၤၡလ့ၣ်အပူၤ, လၢကဟဲစိာ်ယွၤအတၢ်အၢၣ်လီၤအီလီၤအတလါလၢဝ့ၢ်စံယိၣ်, စီၤဒၤဝံးအဝ့ၢ်ဆူယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:2

စီၤပၤဒၤဝံးဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လးအခိၣ် အနၢ်ခဲလၢာ်ဒီးကယဲၢ်ပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ခဲ လၢာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:27

စီၤၡံမံၤလၢဝ့ၢ်ရၤမါမ့ၢ်ပှၤအခိၣ်အဒိၣ်ကတၢၢ်, လၢစပံးလီၢ်တဖၣ်အဖီခိၣ်လီၤ. စီၤစးဘဒံၤလၢဝ့ၢ်ၡံးဖမးမ့ၢ် ပှၤအခိၣ်အဒိၣ်ကတၢၢ်လၢတၢ်ပၢၤစပံးသၣ်လၢတၢ်ကထုးထီၣ်စပံးထံ အလီၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:1

စီၤပၤစီၤဒၤဝံးမၤလိာ်ကယဲၢ်အံၣ်စရ့လးအပဒိၣ်ပပှၢ်ခဲလၢာ်လၢ ကဟဲအိၣ်ဖှိၣ်ရိဖှိၣ်ဖဲဝ့ၢ်ယရူၤရှလ့ၣ်အပူၤန့ၣ်လီၤ. လၢတၢ်န့ၣ်အဃိ, ကယဲၢ်ဒူၣ်တဖၣ်အခိၣ်အနၢ်ခဲလၢာ်, ခိၣ်နၢ်တဖၣ်လၢအပၢဆှၢတ့ၢ်ဘီမုၢ်အတၢ်မၤ, ခိၣ်နၢ်တဖၣ်လၢဒူၣ်ထၢတဖၣ်အပူၤ, ပှၤတဖၣ်လၢအပၢဆှၢသုးကျဲၤ တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိတဖၣ်လၢအဘၣ်ထွဲ ဆူစီၤပၤဒီးအဝဲအဖိခွါတဖၣ်, သပှၢ်ကတၢၢ်ပှၤလၢအမ့ၢ်ကယဲၢ် ပဒိၣ်ပပှၢ်တဖၣ်လၢနီပူၤ, ပှၤသုးဖိတဖၣ်လၢအလဲၤလၢညါ, ဒီးပှၤအကါဒိၣ်တဖၣ်, ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤ န့ၣ်လီၤ.

လံာ်သိၣ်လီၤသီလီၤတၢ် 31:28

ပာ်ဖှိၣ်ထီၣ်သုပှၤအဒူၣ်အခိၣ်တဖၣ်ဒီးအပဒိၣ်ပပှၢ်တဖၣ်လၢယမဲာ် ညါဒ်သိးယတဲဘၣ်အဝဲလၢတၢ်တဖၣ်အံၤကသ့ဝဲန့ၣ်တက့ၢ်. ယကကိးထီၣ်မူခိၣ်ဒီးဟီၣ်ခိၣ်လၢကမ့ၢ်ယပှၤအုၣ်အသးတဖၣ်ထီဒါ အဝဲသ့ၣ်န့ၣ်လီၤ.

လံာ်စီၤယိၤၡူ 13:1

အခဲအံၤစီၤယိၤၡူအသးပှၢ်ဒီးနုာ်လီၤလၢနံၣ်ဧိၤလါဧိၤ အပူၤလံ. ယွၤစံးဘၣ်အီၤ, “နသးပှၢ်လံဒီးထံကီၢ်လၢတၢ်ကဘၣ်မၤန့ၢ်အီၤန့ၣ်အိၣ်ဒံးဝဲ အါမးလီၤ.

လံာ်စီၤယိၤၡူ 23:3

ဒီးသုထံၣ်ဘၣ်လံတၢ်လၢယွၤသုကစၢ်ယွၤမၤဘၣ်ပှၤကလုာ် တဖၣ်အံၤခဲလၢာ်လၢသုဂီၢ်, အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်အဃိန့ၣ်လီၤ.

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:2

ဒီးခဲအံၤသုအိၣ်ဒီးအီၤလၢကပၢဆှၢသုလီၤ. မ့မ့ၢ်ယဲဒၣ်တခီ, ယသးပှၢ်ခိၣ်ဝါလံဒီးယဖိခွါတဖၣ်အိၣ်ဒီးသုလီၤ. ယမ့ၢ်တ့ၢ်သုခိၣ်သုနၢ်စးထီၣ်လၢယသးစၢ်တုၤခဲကနံၣ်အံၤလီၤ.