လံာ်စီၤယိၤၡူ 23:15 - Sgaw Karen Common Bible

¹⁵ ဘၣ်ဆၣ်ဒ်အဝဲမၤလၢပှဲၤအတၢ်အၢၣ်လီၤဒီးသုကိးထံၣ်ဒဲး အသိးန့ၣ်, ဒ်န့ၣ်အသိး, အဝဲကမၤလၢပှဲၤအတၢ်မၤပျံၤမၤဖုးကိးထံၣ်ဒဲးလီၤ.

လံာ်စီၤယိၤၡူ 23:15 Iomraidhean Croise

လံာ်စီၤပၤအခီၣ်ထံးတဘ့ၣ် 14:15

ယွၤကစံၣ်ညီၣ်ကီၢ်အံၣ်စရ့လးဒီးကီၢ်အံၣ်စရ့လးကဟူးဝးဝဲဒ် တပိၢ်တဘိလၢအဟူးဝးလၢထံကျိဖိတဘိအပူၤအသိးန့ၣ်လီၤ. အဝဲကထဲးထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်ဂ့ၤတဘ့ၣ် အံၤအပူၤ, လၢအဟ့ၣ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ, ဒီးအဝဲကမၤလီၤပြံလီၤပြါကွံာ်အဝဲသ့ၣ်ဆူထံကျိဖရၤသး အဝၢ်ဘးခီန့ၣ်လီၤ. အဂ့ၢ်ဒ်အံၤ, အဝဲသ့ၣ်ထိၣ်ဂဲၤထီၣ်တ့ၢ်အတၢ်သးထီၣ်ခီဖျိ မၤထီၣ်ကစၢ်မုၣ်အၡ့ရၤအတၢ်ဂီၤတၢ်ဖီၣ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:56

“စံးထီၣ်ပတြၢၤယွၤ, လၢအဟ့ၣ်တ့ၢ်အပှၤဂီၢ်မုၢ်လၢတၢ်ဃူ တၢ်ဖိးဒ်အအၢၣ်လီၤတ့ၢ်ဝဲအသိးအဃိန့ၣ်တက့ၢ်. အဝဲဟံးဃာ်ဂၢၢ်ကျၢၤတ့ၢ်အတၢ်အဲၣ်, တၢ်သးအိၣ်အတၢ်အၢၣ်လီၤတဖၣ်လၢအမၤတ့ၢ်ဝဲခီဖျိအခ့ အပှၤစီၤမိၤၡ့န့ၣ်လီၤ.

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 32:42

ဒ် ယဒုးလီၤဘၣ်တ့ၢ်တၢ်တတၢးတနါအံၤလၢ ပှၤဂီၢ်မုၢ်အလိၤအသိးန့ၣ်, ယကဟ့ၣ်အဝဲသ့ၣ်လၢ တၢ်ဂ့ၤခဲလၢာ်လၢယအၢၣ်လီၤတ့ၢ်န့ၣ်လီၤ.

လံာ်ယံးရမံယၤ 35:17

လၢတၢ်န့ၣ်အဃိဒီး အခဲအံၤ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ယကဒုးလီၤဘၣ်သုဝဲ ပှၤဂီၢ်မုၢ်လၢ ကီၢ်ယူဒၤဒီး ဝ့ၢ်ယရူၤၡလ့ၣ်ဆူ တၢ်ဟးဂီၤခဲလၢာ်လၢ ယအၢၣ်လီၤတ့ၢ်အီၤအပူၤန့ၣ်လီၤ. ယကမၤတၢ်အံၤမ့ၢ် လၢဖဲယကတိၤတၢ်ဒီး သုန့ၣ်သုတဒိကနၣ်ဘၣ်အဃိလီၤ. ဒီးဖဲယကိးထီၣ်သုန့ၣ်, သုတစံးဆၢယၤဘၣ်အဃိလီၤ.”

လံာ်တၢ်ဘူၣ်ထီၣ်ဘါထီၣ် 26:3

သုမ့ၢ်အိၣ်မူဒ်ယတၢ်သိၣ်တၢ်သီအသိးဒီးတိၢ်န့ၢ်ယတၢ်မၤလိာ်တဖၣ်န့ၣ်,

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.

လံာ်ပှၤစံၣ်ညီၣ်ကွီၢ် 13:1

ပှၤအံၣ်စရ့လးဖိသ့ၣ်တဖၣ်မၤကဒီးတၢ်ဒဲးဘးထီဒါယွၤဒီး ယွၤပျဲပှၤဖလ့ၡသးဖိတဖၣ်ပၢအဝဲသ့ၣ်အနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 3:12

ကီၢ်အံၣ်စရ့လးအပှၤဂီၢ်မုၢ်မၤကဒီးတၢ်ဒဲးဘးထီဒါယွၤန့ၣ် လီၤ. လၢတၢ်အံၤအဃိယွၤဒုးဆူၣ်ထီၣ်ကီၢ်မိၤအးအစီၤပၤဧ့းကလိၣ် အဂံၢ်အဘါအါန့ၢ်ပှၤအံၣ်စရ့လးဖိန့ၣ်လီၤ.

လံာ်ပှၤစံၣ်ညီၣ်ကွီၢ် 3:8

မၤသးဒ်န့ၣ်ဒီးယွၤသးဒိၣ်ထီၣ်ပှၤအံၣ်စရ့လးဖိဒီးပျဲကီၢ်မ့းစပတၤမံအစီၤပၤကူၡၣ်ရံးၡၤသဲၣ် မၤနၢၤအဝဲသ့ၣ်ဒီးအဝဲပၢပှၤအံၣ်စရ့လးဖိဃိးနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:1

မၤကဒီးတစု, အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါယွၤ အဃိဒီး, အဝဲပျဲကီၢ်မံးဒယၣ်အပှၤဂီၢ်မုၢ်ပၢအဝဲသ့ၣ်နွံနံၣ်လီၤ.