လံာ်စီၤယိၤၡူ 23:11 - Sgaw Karen Common Bible

¹¹ လၢတၢ်န့ၣ်အဃိပလီၢ်သုသးဒ်သိးသုကအဲၣ်ယွၤသုကစၢ်ယွၤတက့ၢ်.

လံာ်စီၤယိၤၡူ 23:11 Iomraidhean Croise

လံာ်တၢ်ဟးထီၣ်ကွံာ် 20:6

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤတဖၣ်လၢအအဲၣ်ယၤဒီးစူၢ်ယတၢ် မၤလိာ်, အစိၤလၢအကထိတဖၣ်န့ၣ်လီၤ.

တၢ်ကတိၤဒိ. 4:23

နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

1 ကရံၣ်သူး 8:3

မ့မ့ၢ်ပှၤတဂၤလၢအအဲၣ်ကစၢ်ယွၤန့ၣ်, ဘၣ်တၢ်သ့ၣ်ညါအီၤလၢ ယွၤလီၤ.

အ့းဖ့းစူး 5:15

လၢတၢ်န့ၣ်အဃိပလီၢ်သုသးလၢသုတၢ်အိၣ်မူအပူၤတက့ၢ်. တဘၣ်အိၣ်မူဒ်ပှၤလၢအသးတဆးတဖၣ်အသိးန့ၣ်တဂ့ၤ. မ့မ့ၢ်, အိၣ်မူဒ်ပှၤကူၣ်တၢ်သ့အသိးန့ၣ်တက့ၢ်.

လံာ်သိၣ်လီၤသီလီၤတၢ် 30:16

သုမ့ၢ်စူၢ်ယွၤ, သုကစၢ်ယွၤအတၢ်မၤလိာ်လၢယဟ့ၣ်လီၤသု တနံၤအံၤ, သုမ့ၢ်အဲၣ်အီၤ, စူၢ်အီၤ, ဒီးတိၢ်န့ၢ်ဖံးဃာ်ကယဲၢ် အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်ဒီး, အန့ၣ်တစုသုကဘီၣ်ထီၣ်ညီထီၣ်ဒီးကဲထီၣ်ပှၤဂီၢ်မုၢ်ဖးဒိၣ်အပှၤ ကလုာ်န့ၣ်လီၤ. ယွၤ, သုကစၢ်ယွၤကဆိၣ်ဂ့ၤသုလၢကီၢ်လၢသုကဘၣ်မၤန့ၢ်အီၤအပူၤ န့ၣ်လီၤ.

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

လံာ်သိၣ်လီၤသီလီၤတၢ် 4:15

ဖဲယွၤကတိၤတ့ၢ်တၢ်ဒီးသုလၢမ့ၣ်အူအကျါလၢကစၢၢ်စံၤနါအလိၤ န့ၣ်, သုတထံၣ်အဝဲအက့ၢ်အဂီၤနီတမံၤဘၣ်. လၢသုတၢ်ဂ့ၤဒၣ်သုဝဲအဂီၢ်န့ၣ်, အန့ၣ်တစုမၤလီၤတံၢ်လၢ,

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

လံာ်စီၤယိၤၡူ 22:5

ပာ်သူၣ်ပာ်သးလီၤတံၢ်လီၤဆဲးလၢသုကဒိကနၣ် တၢ်သိၣ်တၢ်သီလၢယွၤအခ့အပှၤစီၤမိၤၡ့မၤလိာ်တ့ၢ်သုလၢအမ့ၢ်ဝဲ, အဲၣ်ယွၤသုကစၢ်, မၤအတၢ်ဘၣ်အသး, ဒိကနၣ်အတၢ်မၤလိာ်တဖၣ်, တီဒီးအီၤ, ဒီးမၤအတၢ်လၢသုသးဒီဖျၢၣ်ညါဒီးသုသူၣ်ကံၢ်သးလဲန့ၣ်တက့ၢ်.”

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.

လံာ်စီၤယိၤၡူ 23:12

သုမ့ၢ်ဃၣ်ကွံၢ်သုသးဒီးအိၣ်စဲဘူးဒီးပှၤကလုာ် လၢအအိၣ်လီၤတဲာ်လၢသုကျါတဖၣ်ဒီးဖျီလိာ်သုသးဒီးအဝဲသ့ၣ်န့ၣ်,