လံာ်စီၤယိၤၡူ 23:10 - Sgaw Karen Common Bible

¹⁰ ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.

လံာ်စီၤယိၤၡူ 23:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:8

ပှၤတဖၣ်အံၤမ့ၢ်စီၤဒၤဝံးအပှၤသုးဖိတဖၣ်လၢအမံၤဟူသၣ်ဖျါ န့ၣ်လီၤ. အခီၣ်ထံးတဂၤမ့ၢ်ဝဲ, စီၤယိစဘးဘၡဘး လၢတၤဃမိၣ်န့ၣ်လီၤ. အဝဲမ့ၢ်ပှၤအခိၣ်လၢပှၤသၢဂၤအကျါတဂၤဒီး အဝဲဒုးတၢ်ဒီးအဘီထီဒါပှၤအဂၤဃိးကယၤဒီးမၤသံကွံာ်အဝဲသ့ၣ် ခဲလၢာ်လၢတၢ်ဒုးတဘျီအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:20

အဝဲသ့ၣ်အိၣ်ဒီးတၢ်နာ်လၢကစၢ်ယွၤအပူၤ, ဘါထုကဖၣ်ဆူအအိၣ်လၢတၢ်မၤစၢၤအဂီၢ်ဒီးကစၢ်ယွၤစံးဆၢအဝဲ သ့ၣ်အတၢ်ထုကဖၣ်တဖၣ်ဒီးယွၤဟ့ၣ်အီၤတၢ်မၤနၢၤလၢပှၤဟၤကၢ်ဖိ ဒီးအသိၣ်အမှံၤတဖၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:22

အဝဲသ့ၣ်မၤသံကွံာ်အဒုၣ်အဒါအါအါဂီၢ်ဂီၢ်မ့ၢ်လၢတၢ်ဒုးတၢ် ယၤမ့ၢ်ကစၢ်ယွၤအတၢ်ဘၣ်အသးအဃိန့ၣ်လီၤ. ဒီးအဝဲသ့ၣ်အိၣ်ဝဲဆိးဝဲဖဲတၢ်လီၢ်ဖဲန့ၣ်တုၤအဘၣ်တၢ်စိာ်မၢ ကဲကုၢ်အီၤတစုန့ၣ်လီၤ.

စံးထီၣ်ပတြၢၤ 35:1

ယွၤဧၢ, ထီဒါပှၤလၢအထီဒါယၤ, ဒီးဒုးပှၤလၢအဒုးထီဒါယၤတက့ၢ်.

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

လံာ်တၢ်ဟးထီၣ်ကွံာ် 14:14

ယွၤကဒုးတၢ်လၢသုဂီၢ်ဒီးဖဲန့ၣ်အလီၢ်တအိၣ်လၢသုကမၤတၢ်နီ တမံၤဘၣ်.”

လံာ်ယၡါယၤ 30:17

သုပှၤလၢအကထိတဖၣ်ကဃ့ၢ်ကွံာ်ဝဲဖဲသုထံၣ်သုဒုၣ်သုဒါသုးဖိ ထဲတဂၤဧိၤဒၣ်လဲာ်, ဒီးသုးဖိယဲၢ်ဂၤဧိၤကလၢဝဲလၢတၢ်ဒုးဃ့ၢ်ကွံာ် သုခဲလၢာ်အဂီၢ်န့ၣ်လီၤ. တၢ်တအိၣ်တီၢ်နီတမံၤလၢၤဘၣ်လၢသု သုးမုၢ်ဒီဖုအပူၤဘၣ်. ကအိၣ်တီၢ်ဒၣ်ထဲနီၣ်တယၢ်အတၢၣ်တဘိ ဧိၤလၢကစၢၢ်တဖျၢၣ်အဒီခိၣ်လီၤ.

လံာ်တၢ်ဘူၣ်ထီၣ်ဘါထီၣ် 26:7

သုကမ့ၢ်ပှၤလၢအမၤနၢၤသုဒုၣ်သုဒါတဖၣ်လီၤ.

လံာ်တၢ်ဘူၣ်ထီၣ်ဘါထီၣ် 26:8

ဒီးပှၤယဲၢ်ဂၤလၢသုကျါကမၤနၢၤပှၤတကယၤ, ဒီးပှၤတကယၤကမၤနၢၤပှၤတကလးန့ၣ်လီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 20:3

ကီၢ်အံၣ်စရ့လးအပှၤသ့ၣ်ဧၢ, ဒိကနၣ်တၢ်တက့ၢ်. တနံၤအံၤသုကလဲၤဆူတၢ်ဒုးတၢ်ယၤအပူၤလီၤ. ပျံၤဘၣ်သုဒုၣ်သုဒါတဖၣ်မ့ၢ်ဂ့ၤ, မၤဟါမၢ်ကွံာ်သုတၢ်သးခူ တလ့ၢ်မ့ၢ်ဂ့ၤ, ပျံၤတၢ်ကလီကလီလၢအဂ့ၢ်တအိၣ်ကျိၤတအိၣ်မ့ၢ်ဂ့ၤ န့ၣ်တဂ့ၤ.

လံာ်သိၣ်လီၤသီလီၤတၢ် 20:4

ယွၤ, သုကစၢ်ယွၤကလဲၤဃုာ်ဒီးသုဒီးကဟ့ၣ်သုတၢ်မၤနၢၤန့ၣ် လီၤ.

လံာ်သိၣ်လီၤသီလီၤတၢ် 28:7

ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.

လံာ်သိၣ်လီၤသီလီၤတၢ် 3:22

ပျံၤအဝဲသ့ၣ်တဂ့ၤ, အဂ့ၢ်ဒ်အံၤ, ယွၤ, နကစၢ်ယွၤကဒုးတၢ်လၢနဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:20

အဝဲစံးဝဲ, “ယတမၤစၢၤလၢၤအဝဲသ့ၣ်ဘၣ်. အန့ၣ်ဒီး, ယကထံၣ်တၢ်လၢအမၤအသးဒီးအဝဲသ့ၣ်, လၢအမ့ၢ်ပှၤလၢအခိၣ်ကိၤ, ပှၤဂီၢ်မုၢ်လၢအသူၣ်တတီသးတရၤဘၣ်အဃိ န့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 23:11

လၢတၢ်န့ၣ်အဃိပလီၢ်သုသးဒ်သိးသုကအဲၣ်ယွၤသုကစၢ်ယွၤတက့ၢ်.

လံာ်စီၤယိၤၡူ 23:3

ဒီးသုထံၣ်ဘၣ်လံတၢ်လၢယွၤသုကစၢ်ယွၤမၤဘၣ်ပှၤကလုာ် တဖၣ်အံၤခဲလၢာ်လၢသုဂီၢ်, အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 15:15

တုၤနုၤတစု, အဝဲထံၣ်န့ၢ်ကသ့ၣ်ယီၤသံတယံာ်ဒံးဘၣ်အခၣ်ဃံတဘိ န့ၣ်လီၤ. အဝဲထၢထီၣ်ဝဲဒီးမၤသံကွံာ်ပှၤတကထိဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:31

ပှၤခိၣ်ပှၤနၢ်လၢခံတဂၤန့ၣ်မ့ၢ်ဝဲစီၤဧးနးအဖိခွါစီၤၡးမကၢ်န့ၣ်လီၤ. အဝဲစ့ၢ်ကီးမၤပူၤဖျဲးပှၤအံၣ်စရ့လးဖိခီဖျိအမၤသံပှၤ ဖလ့ၡသးဖိအဂၤဃုကယၤ လၢနီၣ်ဆဲးကျီၢ်တဘီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”