လံာ်စီၤယိၤၡူ 23:1 - Sgaw Karen Common Bible

¹ ဖဲယွၤဟ့ၣ်ဒုးအိၣ်ဘှံးအံၣ်စရ့လးလၢအဒုၣ်အဒါလၢအအိၣ်ဝးတရံးအီၤခဲလၢာ်ဝံၤအလီၢ်ခံဖးယံာ်ဒီးဖဲ စီၤယိၤၡူအသးအနံၣ်အလါပှၢ်ထီၣ်လံန့ၣ်,

လံာ်စီၤယိၤၡူ 23:1 Iomraidhean Croise

လံာ်တၢ်ကဲထီၣ်အခီၣ်ထံး 25:8

အဝဲအိၣ်ကၢအိၣ်ခိးတုၤအသးပှၢ်တုာ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:1

ခဲအံၤစီၤပၤစီၤဒၤဝံးမ့ၢ်ပှၤတဂၤလၢအသးပှၢ်ဒိၣ်မး, ဒီးအခ့အပှၤတဖၣ်လုးဘၢအီၤလၢယၣ်လုးတဖၣ်ဒၣ်လဲာ်တလၢၤဘၣ်အီၤ လၢၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 23:25

စီၤဒၤဝံးစံးဝဲ, “ယွၤ, အံၣ်စရ့လးအကစၢ်ယွၤဟ့ၣ်တ့ၢ်တၢ်ဃူ တၢ်ဖိးဆူအပှၤဂီၢ်မုၢ်, ဒီးအဝဲအနီၢ်ကစၢ်ဒၣ်ဝဲကအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:1

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤအံၣ်စရ့လးဖိ, အဟံၣ်ဖိဃီဖိအခိၣ်တဖၣ်ဒီးဒူၣ်ထၢအခိၣ်အနၢ်တဖၣ်ဒီး အဝဲသ့ၣ်အပဒိၣ်ပပှၢ်တဖၣ်လၢအပၢဆှၢတ့ၢ်ဘီမုၢ်အတၢ်ဖံးတၢ်မၤန့ၣ်လီၤ. တလါစုာ်စုာ်လၢတနံၣ်အတီၢ်ပူၤန့ၣ်, ပှၤခံကလးလွံၢ်ကထိဂၤ တကရူၢ်စုာ်စုာ်လၢအလီၤဆီလိာ်အသးန့ၣ်, ဘၣ်ဟံးန့ၢ်မူဒါလၢအဝဲန့ၣ်အသုးခိၣ်ဖးဒိၣ်အတၢ်ပၢဆှၢအဖီ လာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:1

စီၤပၤအဘံယၤသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်ပူၤန့ၣ်လီၤ. အဝဲအဖိခွါစီၤအၤစါကဲထီၣ်စီၤပၤလၢအလီၢ်, ဒီးလၢစီၤအၤစါအတၢ်ပၢအဖီလာ်န့ၣ်ထံကီၢ်အိၣ်ဘၣ်ဝဲမုာ်မုာ် ခုၣ်ခုၣ်လၢဆံဆဲၣ်နံၣ်အတီၢ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:5

မ့ၢ်လၢအဝဲမၤဟးဂီၤလၢာ်ကွံာ်ပှၤဘါတၢ်ဂီၤတၢ်ဖီၣ်အတၢ်ဘူၣ်တၢ် ဘါထီၣ်ယွၤအလီၢ်တဖၣ်ဒီးတၢ်ဆူးကဲၤတၢ်နၢမူအတၢ်လုၢ်လီၢ်တ ဖၣ်, လၢကယဲၢ်ကီၢ်ယူဒၤအဝ့ၢ်ခဲလၢာ်အပူၤအဃိအဘီမုၢ်အိၣ်မုာ်အိၣ် ခုၣ်ဝဲလၢအဝဲအတၢ်ပၢအဖီလာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:30

လၢတၢ်န့ၣ်အဃိစီၤယဟိၡၤဖးပၢဘၣ်တၢ်မုာ်မုာ်ခုၣ်ခုၣ်ဒီးကစၢ် ယွၤဟ့ၣ်အီၤတၢ်ဘံၣ်တၢ်ဘၢလၢတၢ်ကိးကပၤဒဲးန့ၣ်လီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

လံာ်ယၡါယၤ 63:14

ဒ်ဂီၤဘုၣ်ဂီၤဖံးတဖၣ်ဘၣ်တၢ်ဆှၢနုာ်အီၤဆူဟီၣ်ခိၣ်ညၣ်ထ့ၣ် အတြီၤတပူၤအသိး, ယွၤဟ့ၣ်တ့ၢ်အပှၤဂီၢ်မုၢ်လၢတၢ်အိၣ်ဘှံးလီၤ. အဝဲဆှၢတ့ၢ်အပှၤဂီၢ်မုၢ်ဒီးဟဲစိာ်ဃီၤတၢ်လၤကပီၤလၢအမံၤအဂီၢ်လီၤ.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 13:1

အခဲအံၤစီၤယိၤၡူအသးပှၢ်ဒီးနုာ်လီၤလၢနံၣ်ဧိၤလါဧိၤ အပူၤလံ. ယွၤစံးဘၣ်အီၤ, “နသးပှၢ်လံဒီးထံကီၢ်လၢတၢ်ကဘၣ်မၤန့ၢ်အီၤန့ၣ်အိၣ်ဒံးဝဲ အါမးလီၤ.

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

လံာ်စီၤယိၤၡူ 22:4

အခဲအံၤ, ယွၤသုကစၢ်ဟ့ၣ်လီၤသုဒီပုၢ်ဝဲၢ်ပှၤအံၣ်စရ့လးဖိတဖၣ် လၢတၢ်ဃူတၢ်ဖိးဒ်အအၢၣ်လီၤတ့ၢ်ဝဲအသိးန့ၣ်လီၤ. လၢတၢ်န့ၣ်အဃိ, က့ၤသုဝဲဆူကီၢ်လၢအမ့ၢ်သုတၢ်န့ၢ်သါ, ကီၢ်လၢထံကျိယၢ်ဒ့ၣ်အမုၢ်ထီၣ်တကပၤလၢယွၤအခ့အပှၤ စီၤမိၤၡ့ဟ့ၣ်လီၤသုန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:2

ဒီးခဲအံၤသုအိၣ်ဒီးအီၤလၢကပၢဆှၢသုလီၤ. မ့မ့ၢ်ယဲဒၣ်တခီ, ယသးပှၢ်ခိၣ်ဝါလံဒီးယဖိခွါတဖၣ်အိၣ်ဒီးသုလီၤ. ယမ့ၢ်တ့ၢ်သုခိၣ်သုနၢ်စးထီၣ်လၢယသးစၢ်တုၤခဲကနံၣ်အံၤလီၤ.