လံာ်စီၤယိၤၡူ 22:9 - Sgaw Karen Common Bible

⁹ အန့ၣ်ဒီး, ပှၤရူၤဘ့ၣ်ဖိတဖၣ်, ပှၤကးဖိတဖၣ်, ဒီးပှၤမနၤၡ့ၤ အဒူၣ်တဝာ်က့ၤက့ၤဆူအဟံၣ်ဒၣ်ဝဲန့ၣ်လီၤ. အဝဲသ့ၣ်ဟးဖးဒီး ပှၤအံၣ်စရ့လးဖိတဖၣ်လၢအအိၣ်လီၤတဲာ်တဖၣ် ဖဲၡံလိၤလၢကီၢ် ကနၤဧၣ်အပူၤဝံၤဒီးလဲၤထီၣ်ဆူအကီၢ်ဒၣ်ဝဲ, ကီၢ်ကံးလဧး, လၢအဝဲသ့ၣ်ဒိးန့ၢ်ဘၣ်ဝဲဒ်ယွၤမၤလိာ်တ့ၢ်အဝဲသ့ၣ်ခီဖျိစီၤမိၤၡ့အသိးန့ၣ်လီၤ.

လံာ်စီၤယိၤၡူ 22:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:9

ဖဲန့ၣ်စီၤအဘံန့ၢ်ဒုးကဲထီၣ်စီၤအံၤၡဘိၡ့းလၢစီၤပၤလၢ လီၢ်ကဝီၤတဖၣ်လၢအမ့ၢ်ကံးလဧး, အၤၡူၢ်, ယံးစရ့လး, အ့ဖရဲၣ်, ဒီးဘံၣ်ယၤမံၣ်အဖီခိၣ်ဒီးလၢအံၣ်စရ့လးခဲလၢာ် အဖီခိၣ်နီၢ်နီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:9

အဝဲသ့ၣ်အိၣ်ဒီးဆၣ်ဖိကီၢ်ဖိအဖုအဂီၢ်ဖးဒိၣ်လၢကီၢ်ကံးလဧး အပူၤ, ဒီးလၢတၢ်န့ၣ်အဃိအဝဲသ့ၣ်ဟံးန့ၢ်တၢ်လီၢ်ယံၤဝဲ တုၤလၢမုၢ်ထီၣ်မဲးမုၢ်ခိၣ်လၢအအိၣ်လၢထံကျိဖရၤသးအကၢၣ်ခိၣ် ဒီတကျိၤန့ၣ်လီၤ.

စံးထီၣ်ပတြၢၤ 60:7

ကံးလဧးမ့ၢ်ယတၢ်, မနၤၡ့ၤမ့ၢ်ယတၢ်, အ့ဖရဲၣ်မ့ၢ် ယခိၣ်သလုးထး, ဒီးယူဒၤမ့ၢ်ယစီၤပၤအနီၣ်ထိးလီၤ.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်တၢ်ဂံၢ် 32:20

စီၤမိၤၡ့စံးဆၢဝဲ, “သုမ့ၢ်စံးဒ်န့ၣ်သပှၢ်တၢၢ်ဒီးခဲအံၤ လၢယွၤအမဲာ်ညါန့ၣ်ကတဲာ်ကတီၤသုသးလၢသုကလဲၤထီၣ်ဒုးတၢ် အဂီၢ်တက့ၢ်.

လံာ်တၢ်ဂံၢ် 32:22

ဒီးဟံးန့ၢ်ကီၢ်န့ၣ်ဒ်အတၢ်စုလီၢ်ခီၣ်ခိၣ်အသိးန့ၣ်လီၤ. အန့ၣ်ဝံၤဒီးသုဟဲက့ၤသ့ဝဲလီၤ. အဂ့ၢ်ဒ်အံၤ, သုကဘၣ်မၤလၢထီၣ်ပှဲၤထီၣ်သုမူသုဒါဆူယွၤဒီး ဆူသုဒီပုၢ်ဝဲၢ်ပှၤအံၣ်စရ့လးဖိကဒဲကဒဲတဖၣ်အအိၣ်န့ၣ်လီၤ. အန့ၣ်ဒီး, ယွၤကသ့ၣ်ညါအၢၣ်လီၤလၢထံကျိယၢ်ဒ့ၣ်အမုၢ်ထီၣ်အကီၢ် အံၤမ့ၢ်သုတၢ်န့ၣ်လီၤ.

လံာ်တၢ်ဂံၢ် 32:26

ပဖိပမါတဖၣ်ဒီးပဂီၤဘုၣ်ဂီၤဖံးတဖၣ်ဒီးပသိတဖၣ်ကအိၣ်တ့ၢ်ဖဲ အံၤလၢကီၢ်ကံးလဧးအဝ့ၢ်တဖၣ်အပူၤလီၤ.

လံာ်တၢ်ဂံၢ် 32:29

“ပှၤလၢကးဒီးရူၤဘ့ၣ်အဒူၣ်တဖၣ်အံၤမ့ၢ်ခီဂာ်ထံကျိယၢ် ဒ့ၣ်, ကတဲာ်ကတီၤအသးလၢတၢ်ဒုးအဂီၢ်လၢယွၤအတၢ်ပၢ ဆှၢအဖီလာ်ဒီးလၢအဝဲသ့ၣ်အတၢ်မၤစၢၤအဃိသုမၤနၢၤကီၢ်န့ၣ်မ့ၢ်သ့ ဒီး, အန့ၣ်တစုဟ့ၣ်လီၤအဝဲသ့ၣ်လၢကီၢ်ကံးလဧးဒ်အတၢ်စုလီၢ် ခီၣ်ခိၣ်အသိးတက့ၢ်.

လံာ်သိၣ်လီၤသီလီၤတၢ် 3:18

တကတီၢ်ဃီန့ၣ်, ယဟ့ၣ်လီၤအဝဲသ့ၣ်လၢတၢ်သိၣ်လိနဲၣ်ယုၤတဖၣ်ဒ်လၢ လာ်အံၤန့ၣ်လီၤ. ပကစၢ်ယွၤဟ့ၣ်လီၤတ့ၢ်သုလၢကီၢ်အံၤလၢထံကျိယၢ်ဒ့ၣ်မုၢ်ထီၣ် တခီဒ်သိးသုကမၤန့ၢ်အီၤအဂီၢ်လီၤ. ခဲကနံၣ်အံၤမၢသုပှၤဒုးသုးဖိတဖၣ်ကံာ်တူာ်ထီၣ်အတၢ်စုကဝဲၤ ဒီးဆှၢလီၤအဝဲသ့ၣ်ဆူထံကျိယၢ်ဒ့ၣ်အဘးခီလၢကီၢ်အံၣ်စရ့ လးအဒူၣ်အဂၤတဖၣ်အမဲာ်ညါဒ်သိးကမၤစၢၤအဝဲသ့ၣ်လၢကမၤန့ၢ်အကီၢ် အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 3:20

မၤစၢၤသုပှၤအံၣ်စရ့လးဖိကဒဲကဒဲတဖၣ်တုၤလၢအဝဲသ့ၣ်မၤန့ၢ် ကီၢ်တဘ့ၣ်လၢယွၤဟ့ၣ်လီၤအဝဲသ့ၣ်လၢထံကျိယၢ်ဒ့ၣ်အမုၢ်နုာ်, ဒီးတုၤလၢယွၤပျဲအဝဲသ့ၣ်အိၣ်ဆိးဖဲန့ၣ်မုာ်မုာ်ခုၣ်ခုၣ်, ဒ်အမၤတ့ၢ်လံလၢသုဂီၢ်ဖဲအံၤအသိးန့ၣ်တက့ၢ်. အန့ၣ်ဝံၤဒီး, သုဟဲက့ၤကဒါက့ၤဆူကီၢ်အံၤလၢယဟ့ၣ်လီၤသုန့ၣ်သ့ဝဲဒၣ်လီၤ.

လံာ်သိၣ်လီၤသီလီၤတၢ် 34:1

စီၤမိၤၡ့လဲၤထီၣ်လၢကီၢ်မိၤအးအတၢ်ပၢၤခိၣ်ဆူကစၢၢ်နဘိ အလိၤလၢကစၢၢ်ပံးစကၤအဒီခိၣ်, လၢဝ့ၢ်ယရံၤဃိအမုၢ်ထီၣ်, ဒီးဖဲန့ၣ်ယွၤဒုးနဲၣ်ဃီၤအီၤလၢကီၢ်ဒီတဘ့ၣ်ညါန့ၣ်လီၤ. ကီၢ်ကံးလဧးအလီၢ်ကဝီၤလၢအလဲၤယံၤဝဲလၢကလံၤစိးတကပၤတုၤ ဆူဝ့ၢ်ဒၣ်,

လံာ်စီၤယိၤၡူ 13:11

ပၣ်ဃုာ်ဒီးကီၢ်ကံးလဧး, ပှၤကၡူၢ်ဖိဒီးပှၤမၤကးဖိအကီၢ်, ကစၢၢ်ဃ့ရမိၣ်ဒီဖျၢၣ်, ဒီးဘၤၡၣ်ဒီကီၢ်တုၤလၢဝ့ၢ်စၤလကးန့ၣ်လီၤ.

လံာ်စီၤယိၤၡူ 13:25

အတၢ်လီၢ်ပၣ်ဃုာ်ဒီးဝ့ၢ်ယၤစ့ၢ်ဒီးကီၢ်ကံးလဧးအဝ့ၢ်ခဲလၢာ်, ဧၣ်မိၣ်အကီၢ်တဝာ်ပၢၢ်တုၤလၢဝ့ၢ်ဧရိၤဧ့ၢ်လၢအအိၣ်လၢ ဝ့ၢ်ရးဘးအမုၢ်ထီၣ်လီၤ.

လံာ်စီၤယိၤၡူ 13:31

ပၣ်ဃုာ်ဒီးကီၢ်ကံးလဧးတဝာ်, ဃုာ်ဒီးဧၤၡတြိးဒီးအ့ဒြံၤ, လၢအမ့ၢ်ဝ့ၢ်ခိၣ်တဖၣ်လၢစီၤပၤစီၤဧိာ်အဘီအမုၢ်လၢ ကီၢ်ဘၤၡၣ်အပူၤန့ၣ်လီၤ. တၢ်ခဲလၢာ်အံၤဘၣ်တၢ်ဟ့ၣ်လီၤအီၤဆူစီၤမနၤၡ့ၤအဖိခွါစီၤ မၤက့ၢ်အဖိအလံၤအဒူၣ်ဖိထၢဖိတဝာ်န့ၣ်လီၤ.

လံာ်စီၤယိၤၡူ 22:10

ဒီးဖဲအဝဲသ့ၣ်ဟဲက့ၤလၢထံကျိယၢ်ဒ့ၣ်အခိၣ်အဃၢၤလၢကီၢ်က နၤဧၣ်အပူၤန့ၣ်ဒီး, ပှၤရူၤဘ့ၣ်ဖိတဖၣ်, ပှၤကးဖိတဖၣ်, ဒီးပှၤမနၤၡ့ၤဖိအဒူၣ်တဝာ်, ဘှီထီၣ်တၢ်လုၢ်လီၢ်လၢအဒိၣ်နီၢ်မးတဖျၢၣ်ဖဲထံကျိယၢ်ဒ့ၣ်အက ပၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:17

ကးအဒူၣ်အိၣ်လၢထံကျိယၢ်ဒ့ၣ်အမုၢ်ထီၣ်တခီ, ဒီးဒၣ်အဒူၣ်အိၣ်တ့ၢ်ဝဲလၢကဘီတဖၣ်အပူၤလီၤ. အၤၡ့ၢ်အဒူၣ်အိၣ်တ့ၢ်ဝဲလၢပီၣ်လဲၣ်အကၢၢ်နံၤ ဒီးအဝဲသ့ၣ်အိၣ်ဆိးဝဲဖဲထံကၢၢ်နံၤန့ၣ်လီၤ.