လံာ်စီၤယိၤၡူ 22:34 - Sgaw Karen Common Bible

³⁴ ပှၤရူၤဘ့ၣ်ဖိဒီးပှၤကးဖိတဖၣ်စံးဝဲဒၣ်, “တၢ်လုၢ်လီၢ်အံၤမ့ၢ်တၢ်အုၣ်အသးလၢပဝဲခဲလၢာ်အဂီၢ်လၢယွၤမ့ၢ်ပကစၢ်ယွၤန့ၣ်လီၤ.” အန့ၣ်ဒီးအဝဲသ့ၣ်ယုၢ်အမံၤလၢဧ့ဒး အခီပညီမ့ၢ်တၢ်အုၣ်သးန့ၣ်လီၤ.

လံာ်စီၤယိၤၡူ 22:34 Iomraidhean Croise

လံာ်တၢ်ကဲထီၣ်အခီၣ်ထံး 31:47

စီၤလၤဘၣ်ကိးထူၣ်န့ၣ်အမံၤဝဲလၢယကၢ်စဃၤဒူသၤဒီးစီၤယၤ ကိာ်ကိးန့ၢ်ဝဲလၢကံးလဧးလီၤ.

လံာ်တၢ်ကဲထီၣ်အခီၣ်ထံး 31:48

စီၤလၤဘၣ်စံးဘၣ်စီၤယၤကိာ်, “လၢၢ်ပာ်ဖှိၣ်အထူၣ်အံၤမ့ၢ်တၢ် အုၣ်သးလၢယၤဒီးနၤအဘၢၣ်စၢၤန့ၣ်လီၤ. လၢတၢ်န့ၣ်အဃိတၢ်လီၢ်ဝဲန့ၣ်ဘၣ်တၢ်ကိးအီၤလၢကံးလဧးလီၤ.”

လံာ်စီၤပၤအခီၣ်ထံးတဘ့ၣ် 18:39

တုၤပှၤဂီၢ်မုၢ်ထံၣ်ဃီၤတၢ်အံၤန့ၣ်, အဝဲသ့ၣ်ထိၣ်လီၤပှီၤအသး လၢဟီၣ်ခိၣ်လိၤဒီးကိးထီၣ်ဝဲ, “ယွၤမ့ၢ်ကစၢ်ယွၤ, ယွၤထဲတဂၤဧိၤမ့ၢ်ကစၢ်ယွၤန့ၣ်လီၤ.”

လံာ်ယၡါယၤ 19:19

တုၤတၢ်ဆၢကတီၢ်န့ၣ်ဟဲဝဲဒီး, ကီၢ်အဲၤကူပတူးကအိၣ်ဒီးတၢ်လုၢ်လီၢ်လၢယွၤအဂီၢ်ဒီးလၢၢ် ထူၣ်တထူၣ်ကဘၣ်တၢ်ပာ်စီဆှံအီၤလၢယွၤအဂီၢ်ဖဲကီၢ်အဲၤကူပ တူးအဆၢန့ၣ်လီၤ.

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်စီၤယိၤၡူ 22:27

မ့မ့ၢ်တခီ, မ့ၢ်တၢ်ပနီၣ်တမံၤလၢပဝဲဒီးသုအဘၢၣ်စၢၤ, ဒီးပှၤတစိၤဘၣ်တစိၤလၢပလီၢ်ခံတဖၣ်အဂီၢ်, လၢပမ့ၢ်ပှၤဘူၣ်ထီၣ်ဘါထီၣ်ယွၤနီၢ်နီၢ် လၢအဒဲစီဆှံအမဲာ်ညါဃုာ်ဒီးပတၢ်လုၢ်တဖၣ်လၢတၢ်လုၢ်မ့ၣ်အူ အဂီၢ်, ဃုာ်ဒီးတၢ်လုၢ်တဖၣ်ဒီးတၢ်လုၢ်မၤဃူမၤဖိးတဖၣ်န့ၣ်လီၤ. အဝဲအံၤမ့ၢ်ဒ်သိးသုစၢၤသုသွဲၣ်တဖၣ်အသုတစံးဘၣ် ပှၤလၢပတၢ်လုၢ်တဖၣ်တဘၣ်ဃးဒီးယွၤဘၣ်တဂ့ၤန့ၣ်လီၤ.

လံာ်စီၤယိၤၡူ 24:27

အဝဲစံးဘၣ်ပှၤဂီၢ်မုၢ်ခဲလၢာ်, “လၢၢ်တဖျၢၣ်အံၤကမ့ၢ်ပတၢ်အုၣ်သးန့ၣ်လီၤ. အဂ့ၢ်ဒ်အံၤ, နၢ်ဟူဝဲတၢ်ကတိၤခဲလၢာ်လၢယွၤစံးဘၣ်တဲဘၣ်ပှၤ န့ၣ်လီၤ. လၢၢ်အံၤကမ့ၢ်တၢ်အုၣ်သးထီဒါသုဒ်သိးသုတပူထီၣ်သုကစၢ်ယွၤတဂ့ၤအဂီၢ်န့ၣ်လီၤ.”