လံာ်စီၤယိၤၡူ 22:31 - Sgaw Karen Common Bible

³¹ ပှၤလုၢ်တၢ်အခိၣ်စီၤအလၤဧစၢ်အဖိခွါစီၤဖံၤနဃၣ်စံးဘၣ်အဝဲသ့ၣ်, “အခဲအံၤပသ့ၣ်ညါလၢယွၤအိၣ်ဒီးပှၤလီၤ. တမ့ၢ်သုပူထီၣ်တၢ်ထီဒါအီၤန့ၣ်ဘၣ်. လၢတၢ်န့ၣ်အဃိသုအုၣ်က့ၤခီၣ်က့ၤတ့ၢ် ပှၤအံၣ်စရ့လးဖိတဖၣ်လၢယွၤအတၢ်စံၣ်ညီၣ်န့ၣ်လီၤ.

လံာ်စီၤယိၤၡူ 22:31 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်စီၤဧ့စြၤ 7:5

စီၤအဘံၤၡူအဖိခွါ, စီၤဖံၤနဃၣ်အဖိခွါ, စီၤအလၤဧစၢ်အဖိခွါ, စီၤအၤဟရိၣ်အဖိခွါန့ၣ်လီၤ.

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

လံာ်တၢ်ဟးထီၣ်ကွံာ် 25:8

ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်စကၤရယၤ 8:23

လၢမုၢ်နံၤတဖၣ်အပူၤန့ၣ်, တခီဘီမုၢ်ဖိအဂၤတဆံကဟဲဆူပှၤယူဒၤဖိတဂၤအအိၣ်ဒီးစံး, ပအဲၣ်ဒိးလဲၤသကိးဃုာ်တၢ်ဒီးသု, ဆူတၢ်လီၢ်လၢသုကလဲၤတုၤဃီၤသပှၢ်ကတၢၢ်, မ့ၢ်လၢပနၢ်ဟူတ့ၢ်လၢကစၢ်ယွၤအိၣ်ဒီးသုအဃိန့ၣ်လီၤ.”

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

1 ကရံၣ်သူး 14:25

အဝဲဒၣ်အတၢ်ဆိကမိၣ်ခူသူၣ်တဖၣ်ကဘၣ်တၢ်ဒုးအိၣ်ဖျါထီၣ်အီၤလၢ ခိ, ဒီးအဝဲဒၣ်ကသကူးလီၤအသးဒီးဘူၣ်ထီၣ်ဘါထီၣ်ယွၤဒီးအၢၣ်လီၤ အီလီၤဝဲ, “ကစၢ်ယွၤအိၣ်မးဝဲဖဲအံၤလၢသုသိးသုကျါနီၢ်နီၢ်လီၤ.”

လံာ်စီၤယိၤၡူ 22:30

ပှၤလုၢ်တၢ်အခိၣ်စီၤဖံၤနဃၣ်ဒီးပှၤအခိၣ်အဂၤတဆံ လၢအလဲၤဃုာ်တ့ၢ်တၢ်ဒီးအီၤလၢအမ့ၢ်ဝဲပှၤမုၢ်နုာ်အဒူၣ်တဖၣ်, အဒူၣ်ဖိထၢဖိအခိၣ်တဖၣ်န့ၣ်, နၢ်ဟူဘၣ်ဝဲတၢ်လၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအဒူၣ်တဖၣ်စံးတ့ၢ်ဝဲန့ၣ်ဒီး, အဝဲသ့ၣ်သးမံဝဲလီၤ.

လံာ်စီၤယိၤၡူ 22:32

အန့ၣ်ဒီးစီၤဖံၤနဃၣ်ဒီးပှၤအခိၣ်တဖၣ်ပာ်တီၢ်ပှၤရူၤဘ့ၣ်တဖၣ်ဒီး ပှၤကးဖိတဖၣ်လၢကီၢ်ကံးလဧးဒီးက့ၤကဒါက့ၤဆူ ကီၢ်ကနၤဧၣ်ဆူပှၤအံၣ်စရ့လးဖိတဖၣ်အအိၣ်ဒီးပာ်ဖျါ က့ၤတၢ်ဂ့ၢ်တၢ်ကျိၤန့ၣ်လီၤ.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,