လံာ်စီၤယိၤၡူ 22:29 - Sgaw Karen Common Bible

²⁹ ပတပူထီၣ်ယွၤမ့တမ့ၢ်ဆိကတီၢ်ပတၢ်ပိာ်အခံခဲအံၤခီဖျိလၢပဘှီထီၣ်တၢ်လုၢ်လီၢ်လၢ တၢ်လုၢ်မ့ၣ်အူအဂီၢ်မ့ၢ်ဂ့ၤ, လၢပကလုၢ်ထီၣ်တၢ်အီၣ်တၢ်အီအဂီၢ်မ့ၢ်ဂ့ၤ, တၢ်လုၢ်မၤဃူမၤဖိးအဂီၢ်မ့ၢ်ဂ့ၤန့ၣ်ဘၣ်. ပတဘှီထီၣ်တၢ်လုၢ်လီၢ်အဂၤနီတခါလၢယွၤပကစၢ်ယွၤ အတၢ်လုၢ်လီၢ်လၢအအိၣ် ဆၢထၢၣ်ဝဲလၢယွၤအတၢ်အိၣ်ဆိးအလီၢ်အမဲာ်ညါန့ၣ်ဘၣ်.”

လံာ်စီၤယိၤၡူ 22:29 Iomraidhean Croise

လံာ်တၢ်ကဲထီၣ်အခီၣ်ထံး 44:17

စီၤယိၤသးစံးဆၢဝဲ, “အိ, တမ့ၢ်ဘၣ်. ယတမၤတၢ်ဒ်န့ၣ်လ့ၤတက့ၤဘၣ်. ထဲပှၤတဂၤဧိၤလၢအအိၣ်ဒီးလီခီ န့ၣ်ကကဲထီၣ်ယကုၢ်လီၤ. သုဝဲပှၤအဂၤတဖၣ်က့ၤကဒါက့ၤပူၤပူၤဖျဲးဖျဲးဆူသုပၢ်အအိၣ် သ့ဝဲလီၤ.”

လံာ်တၢ်ကဲထီၣ်အခီၣ်ထံး 44:7

အဝဲသ့ၣ်စံးဆၢအီၤ, “ကစၢ်ဧၢ, နတဲတၢ်ဒ်သိးအံၤန့ၣ်, အခီပညီဒ်လဲၣ်. ပဆိၣ်လီၤပသးလၢပတမၤတၢ်ဒ်န့ၣ်အသိးဘၣ်.

လံာ်စီၤပၤအခီၣ်ထံးတဘ့ၣ် 21:3

စီၤနၤဘိးစံးဆၢဝဲ, “ယန့ၢ်သါဘၣ်စပံးလီၢ်အံၤလၢယမိၢ်ပၢ် ဖံဖုလၢပျၢၤတဖၣ်အအိၣ်န့ၣ်လီၤ. မ်ယွၤတြီယၤလၢယကပျဲနမၤန့ၢ်အီၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 18:22

ပှၤအၤၡူၢ်ဖိအသုးခိၣ်ဖးဒိၣ်စံးကဒီးဝဲဆူညါ, မ့တမ့ၢ်ဘၣ်ဒီးမ့ၢ်သုကတဲဘၣ်ယၤလၢ, သုသန့ၤသုသးလၢယွၤ, သုကစၢ်ယွၤန့ၣ်ဧါ. ဖဲစီၤဃံးစကံယၤတဲဘၣ်တ့ၢ်ကီၢ်ယူဒၤ ဒီးဝ့ၢ်ယရူၤရှလ့ၣ်အပှၤဂီၢ်မုၢ်လၢ, ကဘၣ်ဘူၣ်ထီၣ်ဘါထီၣ်ဒၣ်တၢ်ထဲလၢဖဲတၢ်လုၢ်လီၢ်လၢဝ့ၢ်ယရူၤ ၡလ့ၣ်အပူၤအခါန့ၣ်, အဝဲမၤဟးဂီၤကွံာ်ယွၤန့ၣ်အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး အတၢ်လုၢ်လီၢ်တဖၣ်န့ၣ်တမ့ၢ်ဘၣ်ဧါ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:12

အဝဲမ့ၢ်ပှၤတဂၤလၢအမၤဟးဂီၤကွံာ်ယွၤအတၢ်လီၢ်စီဆှံတဖၣ်ဒီး တၢ်လုၢ်လီၢ်တဖၣ်ဝံၤဒီးတဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤ ဂီၢ်မုၢ်လၢကဘူၣ်ထီၣ်ဘါထီၣ်တၢ်ဒီးဆိၣ်ကဲၤတၢ်နၢမူထဲလၢတၢ် လုၢ်လီၢ်တခါဧိၤန့ၣ်လီၤ.

ရိမ့ၤ 3:6

တမ့ၢ်ဒ်န့ၣ်ဘၣ်. ယွၤမ့ၢ်တတီတလိၤဘၣ်ဒီး, အဝဲစံၣ်ညီၣ်ဟီၣ်ခိၣ်ကသ့လၢကျဲဒ်လဲၣ်.

ရိမ့ၤ 6:2

တမ့ၢ်ဒ်န့ၣ်ဘၣ်. ပသံသဒၣ်ကွံာ်တၢ်ဒဲးဘးလံ. မ့မ့ၢ်ဒ်န့ၣ်ဒီး, ပအိၣ်မူဒံးလၢတၢ်ဒဲးဘးအပူၤကသ့လၢကျဲဒ်လဲၣ်.

ရိမ့ၤ 9:14

မ့မ့ၢ်ဒ်န့ၣ်ဒီး, ပကစံးလၢကစၢ်ယွၤမၤတၢ်တတီဘၣ်န့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်စီၤယိၤၡူ 22:23

ပမ့ၢ်တဒိကနၣ်ယွၤဒီးဘှီထီၣ်ပတၢ်လုၢ်လီၢ်လၢပကလုၢ်ထီၣ်တၢ် လုၢ်မ့ၣ်အူအဂီၢ်မ့ၢ်ဂ့ၤ, သူအီၤလၢပကလုၢ်ထီၣ်တၢ်အီၣ်တၢ်အီ မ့ၢ်ဂ့ၤ, တၢ်လုၢ်မၤဃူမၤဖိးတၢ်မ့ၢ်ဂ့ၤန့ၣ်ဒီး, မ်ယွၤအကစၢ် ဒၣ်ဝဲစံၣ်ညီၣ်ပှၤတက့ၢ်.

လံာ်စီၤယိၤၡူ 22:26

လၢတၢ်န့ၣ်အဃိ, ပဘှီထီၣ်တၢ်လုၢ်လီၢ်တမ့ၢ်လၢပကလုၢ်ထီၣ် တၢ်လုၢ်မ့ၣ်အူမ့တမ့ၢ်မၤဘူၣ်မၤတီၢ်တၢ်အဂီၢ်န့ၣ်ဘၣ်.

လံာ်စီၤယိၤၡူ 22:28

မ့ၢ်ပတၢ်ဆိကမိၣ်လၢ, တၢ်ဒ်သိးအံၤမ့ၢ်မၤအသးဒီး, ပစၢၤပသွဲၣ်တဖၣ်ကသ့စံးဝဲ, “ကွၢ်တက့ၢ်. ပမိၢ်ပၢ်ဖံဖုလၢပျၢၤတဖၣ်မၤထီၣ်တၢ်လုၢ်လီၢ်ဒ်ယွၤအတၢ်လုၢ်လီၢ်အသိးန့ၣ်လီၤ. တမ့ၢ်လၢတၢ်လုၢ်မ့ၣ်အူအဂီၢ်မ့ၢ်ဂ့ၤ, တၢ်လုၢ်တၢ်ပာ် အဂီၢ်မ့ၢ်ဂ့ၤန့ၣ်ဘၣ်. မ့ၢ်တၢ်အုၣ်အသးလၢသုဝဲဒီးပဝဲအဘၢၣ် စၢၤန့ၣ်လီၤ.”

လံာ်စီၤယိၤၡူ 22:30

ပှၤလုၢ်တၢ်အခိၣ်စီၤဖံၤနဃၣ်ဒီးပှၤအခိၣ်အဂၤတဆံ လၢအလဲၤဃုာ်တ့ၢ်တၢ်ဒီးအီၤလၢအမ့ၢ်ဝဲပှၤမုၢ်နုာ်အဒူၣ်တဖၣ်, အဒူၣ်ဖိထၢဖိအခိၣ်တဖၣ်န့ၣ်, နၢ်ဟူဘၣ်ဝဲတၢ်လၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအဒူၣ်တဖၣ်စံးတ့ၢ်ဝဲန့ၣ်ဒီး, အဝဲသ့ၣ်သးမံဝဲလီၤ.

လံာ်စီၤယိၤၡူ 24:16

အန့ၣ်ဒီးပှၤဂီၢ်မုၢ်စံးဆၢတၢ်ဒီးစံးဝဲ, “ပတလဲၤသဒၣ်ယွၤလၢပကမၤကစၢ်အဂၤတဖၣ်အတၢ်အဂီၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.