လံာ်စီၤယိၤၡူ 22:18 - Sgaw Karen Common Bible

¹⁸ မ့ၢ်သုသါတတူၢ်လိာ်တၢ်ပိာ်ယွၤအခံခဲအံၤဘၣ်ဧါ. သုမ့ၢ်ပူထီၣ်ထီဒါယွၤလၢမုၢ်မဆါတနံၤအံၤဒီး, ခဲမုၢ်ဆ့ၣ်အဝဲအသးကဒိၣ်ပှၤခဲလၢာ်လၢအံၣ်စရ့လးအပူၤန့ၣ်လီၤ.

လံာ်စီၤယိၤၡူ 22:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:1

လၢတၢ်မၤအသးအဂၤတဘျီန့ၣ်, ယွၤသးဒိၣ်ဘၣ်ပှၤကီၢ်အံၣ်စ ရ့လးဖိဒီးအဝဲမၤဒ်သိးစီၤဒၤဝံးကဒုးဟဲဘၣ်တၢ်ကီတၢ်ခဲ လၢအဝဲသ့ၣ်အဖီခိၣ်လီၤ. ယွၤစံးဘၣ်အီၤ, “လဲၤဒီးဂံၢ်ပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤအပူၤတက့ၢ်.”

လံာ်စီၤပၤအခီၣ်ထံးတဘ့ၣ် 9:6

မ့မ့ၢ်, နၤမ့ၢ်ဂ့ၤနစၢၤနသွဲၣ်တဖၣ်မ့ၢ်ဂ့ၤ, မ့ၢ်တပိာ်လၢၤဘၣ်ယခံ, တစူၢ်လၢၤဘၣ်ယတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယဟ့ၣ်လီၤ တ့ၢ်သု, ဒီးဘူၣ်ထီၣ်ဘါထီၣ်ကစၢ်အဂုၤအဂၤတဖၣ်န့ၣ်ဒီး,

လံာ်စီၤပၤခံဘ့ၣ်တဘ့ၣ် 17:21

တုၤယွၤမၤလီၤဖးကွံာ်ကီၢ်အံၣ်စရ့လးလၢကီၢ်ယူဒၤဝံၤအလီၢ် ခံန့ၣ်, ပှၤအံၣ်စရ့လးဖိတဖၣ်ပာ်ထီၣ်စီၤနဘးအဖိခွါစီၤယၤရၤဘၣ်လၢ အဝဲသ့ၣ်အစီၤပၤန့ၣ်လီၤ. စီၤယၤရၤဘၣ်ဒုးကဲထီၣ်အဝဲသ့ၣ်လၢပှၤစူးကွံာ်ညိကွံာ်ယွၤ, ဒီးဆှၢဃီၤအဝဲသ့ၣ်ဆူတၢ်ဒဲးဘးလီၤပျံၤလီၤဖုးတဖၣ်အပူၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:1

မုၣ်ကီၤလံၢ်အဲၣ်ဒိးဒုးလီၤဘၣ်တၢ်ကိၢ်တၢ်ဂီၤတမံၤလၢအံၣ်စရ့ လးအပှၤဂီၢ်မုၢ်အလိၤအဃိအဝဲထိၣ်ဂဲၤစီၤဒၤဝံးအသးလၢကထၢပှၤ ထံဖိကီၢ်ဖိအနီၣ်ဂံၢ်ဒီးမၤတၢ်ဆဲးလီၤမံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:14

လၢတၢ်န့ၣ်, အဃိယွၤဆှၢလီၤတၢ်သံသတြိာ်လၢအံၣ်စရ့လးအပှၤဂီၢ် မုၢ်အလိၤ, ဒီးပှၤသံဝဲ နွံကလး ဂၤလၢအဝဲသ့ၣ်အကျါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:27

စးထီၣ်လၢအဝဲပူထီၣ်တၢ်ထီဒါယွၤလံၤလံၤန့ၣ်, တၢ်ပူထီၣ်ထီဒါအီၤအိၣ်ဝဲဒၣ်လၢဝ့ၢ်ယရူၤၡလ့ၣ်အပူၤန့ၣ်လီၤ. လၢခံကတၢၢ်အဝဲထွးထီၣ်ဃ့ၢ်ဝဲဆူဝ့ၢ်လၤကံၣ်, ဘၣ်ဆၣ်ဒီးအဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:33

စီၤပၤယိၤၡံယၤမၤဟးဂီၤကွံာ်, ကယဲၢ်တၢ်ဂီၤတၢ်ဖီၣ်လီၤ သးဘၣ်အၢတဖၣ်, လၢအအိၣ်လၢအံၣ်စရ့လးအပှၤဂီၢ်မုၢ် အလီၢ်ကဝီၤအပူၤ, ဒီးဖဲအဝဲအိၣ်မူဒံးဝဲအဖၢမုၢ်န့ၣ်, အဝဲမၢပှၤဂီၢ်မုၢ်လၢကမၤယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်မၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:6

အန့ၣ်ဝံၤဒီး, စီၤမိၤၡ့စံးဘၣ်စီၤအၤဟရိၣ်ဒီးအဖိခွါစီၤအလၤဧစၢ်, ဒီးစီၤအံသမၢ်, “ပာ်သုခိၣ်သူတဖုတရုဒီးဖှီသုဆ့တဖၣ်ဒ်သိးသုကပာ်ဖျါ သုတၢ်သးအုးန့ၣ်တဂ့ၤ. သုမ့ၢ်မၤဒ်န့ၣ်ဒီးသုကသံလီၤ. ဒီးယွၤကသးထီၣ်ဘၣ်ပှၤဂီၢ်မုၢ်ခဲလၢာ်လီၤ. မ့မ့ၢ်ပှၤအံၣ်စရ့လးဖိခဲလၢာ်ဟီၣ်ယၢၤဝဲသ့လၢတၢ်သံအံၤမၤအသးခီဖျိမ့ၣ်အူဟဲလၢယွၤအအိၣ် အဃိန့ၣ်လီၤ.

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်တၢ်ဂံၢ် 32:15

သုဝဲပှၤဂီၢ်မုၢ်လၢရူၤဘ့ၣ်ဒီးကးအဒူၣ်မ့ၢ်ဂ့ၢ်လိာ်တၢ်လၢသု ကပိာ်အခံခဲအံၤဒီး, အဝဲကညိကွံာ်ကဒီးပှၤဂီၢ်မုၢ်အံၤတဘျီလၢပှၢ်မုၢ်ကနၢအပူၤဒီး သုကဘၣ်ဟံးန့ၢ်မူဒါလၢအဝဲသ့ၣ်အတၢ်ဟးဂူာ်ဟးဂီၤအဂီၢ်န့ၣ် လီၤ.”

လံာ်သိၣ်လီၤသီလီၤတၢ် 7:4

အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးအဝဲသ့ၣ်ကဆှၢယံၤကွံာ်သုဖိ တဖၣ်ဒီးယွၤဒ်သိးကဘူၣ်ထီၣ်ဘါထီၣ်ကစၢ်အဂၤတဖၣ်အဂီၢ်န့ၣ်လီၤ. တၢ်န့ၣ်မ့ၢ်မၤအသးဒ်န့ၣ်ဒီး, ယွၤကသးဒိၣ်ထီၣ်ဘၣ်သုဒီးမၤဟး ဂီၤကွံာ်သုတဘျီဃီန့ၣ်လီၤ.

လံာ်စီၤယိၤၡူ 22:15

အဝဲသ့ၣ်ဟဲတုၤဝဲလၢကီၢ်ကံးလဧးလၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအအိၣ်

လံာ်စီၤယိၤၡူ 22:16

ဒီးကတိၤတၢ်လၢယွၤအပှၤဂီၢ်မုၢ်ခဲလၢာ်အခၢၣ်စးဒီးစံးဝဲဒၣ်, “ဘၣ်မနုၤအဃိသုမၤတၢ်အၢတမံၤအံၤထီဒါအံၣ်စရ့လး အကစၢ်ယွၤန့ၣ်လဲၣ်. သုပူထီၣ်ယွၤခီဖျိသုဘှီထီၣ်တၢ်လုၢ်လီၢ်အံၤလၢ သုဂီၢ်ဒၣ်ဝဲန့ၣ်လီၤ. သုတပိာ်လၢၤအခံဘၣ်န့ၣ်လီၤ.

လံာ်စီၤယိၤၡူ 22:20

သ့ၣ်နီၣ်ထီၣ်က့ၤစီၤစ့ရၤအဖိခွါစီၤဧၤကၣ်အတၢ်တဒိ ကနၣ်တၢ်မၤလိာ်ဘၣ်ဃးတၢ်သ့ၣ်တဖၣ်လၢတၢ်ကဘၣ်မၤဟးဂီၤအီၤခဲ လၢာ်အဂ့ၢ်န့ၣ်တက့ၢ်. အံၣ်စရ့လးခဲလၢာ်ဘၣ်တၢ်စံၣ်ညီၣ်အီၤ လၢတၢ်ဂ့ၢ်အဝဲန့ၣ်အဃိလီၤ. စီၤဧၤကၣ်တမ့ၢ်ပှၤထဲတဂၤဧိၤလၢ အသံလၢအတၢ်ဒဲးဘးအဃိန့ၣ်ဘၣ်.”

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.

လံာ်စီၤယိၤၡူ 7:21

တၢ်လၢပဂုာ်န့ၢ်အကျါ, ယထံၣ်ဘၣ်ဆ့ကၤဘၤဘူၤလိၣ်လၢအဃံလၤတဘ့ၣ်, ဒီးစ့ညၣ်လီၤတယၢၢ်အဘးခံကယၤ, ဒီးထူတဘိလၢအ လီၤတယၢၢ်အဘးယဲၢ်ဆံဒီးယသးလီဘၣ်အီၤဒိၣ်မးတုၤဒၣ်လဲာ်ယဟံး န့ၢ်ဘၣ်အီၤန့ၣ်လီၤ. နကထံၣ်ဘၣ်တၢ်သ့ၣ်တဖၣ်အံၤလၢအဘၣ်တၢ်ခူၣ်လီၤဃာ်အီၤလၢဟီၣ်ခိၣ် လာ်လၢယဒဲပူၤဒီးစ့န့ၣ်အိၣ်ဝဲလၢအဖီလာ်ကတၢၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:14

သုမ့ၢ်မၤလၤကပီၤယွၤသုကစၢ်ယွၤ, မၤအတၢ်, ဒိကနၣ်အီၤ, ဒီးစူၢ်အတၢ်မၤလိာ်တဖၣ်ဒီးသုဝဲဒီးသုစီၤပၤမ့ၢ်ပိာ်အခံ ဒီး, တၢ်ကိးမံၤကလဲၤအသးဂ့ၤဂ့ၤဘၣ်ဘၣ်ဒီးသုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:20

စီၤၡမူၤအ့လးစံးဝဲဒၣ်, “ပျံၤတၢ်တဂ့ၤ, သုမ့ၢ်မၤတ့ၢ်တၢ်အၢတၢ်သီဒ်န့ၣ်အသိးဘၣ်ဆၣ်, ဃၣ်ကွံာ်သုသးလၢယွၤအအိၣ်တဂ့ၤ, မ့မ့ၢ်မၤအတၢ်မၤလၢသုသး ဒီဖျၢၣ်ညါတက့ၢ်.