လံာ်စီၤယိၤၡူ 22:15 - Sgaw Karen Common Bible

¹⁵ အဝဲသ့ၣ်ဟဲတုၤဝဲလၢကီၢ်ကံးလဧးလၢပှၤရူၤဘ့ၣ်ဖိ, ပှၤကးဖိ, ဒီးပှၤမုၢ်ထီၣ်မနၤၡ့ၤဖိအအိၣ်

လံာ်စီၤယိၤၡူ 22:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 21:3

စီၤယိၤအာ်စံးဆၢအီၤ, “မ်ယွၤမၤအါထီၣ်အံၣ်စရ့လးအပှၤ ဂီၢ်မုၢ်အနီၣ်ဂံၢ်အစးတကယၤအါန့ၢ်ဒံးခဲအံၤအါအါဂီၢ်ဂီၢ် န့ၣ်တက့ၢ်. ကစၢ်စီၤပၤဧၢ, အဝဲသ့ၣ်ခဲလၢာ်မ့ၢ်ဒၣ်နခ့နပှၤတဖၣ်လီၤ. ဘၣ်မနုၤလၢနသးအိၣ်မၤတၢ်အံၤဒီးဒုးကဲထီၣ်ပှၤဒီတကလုာ်လၢ ပှၤမၤကမၣ်တၢ်န့ၣ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:19

စးထီၣ်လၢန့ၣ်လံၤလံၤအံၣ်စရ့လးအကလံၤစိးအပှၤဂီၢ်မုၢ်တဖၣ် အိၣ်ဝဲလၢတၢ်ပူထီၣ်ထီဒါစီၤဒၤဝံးအစၢၤအသွဲၣ်အတၢ်ပၢတၢ် ပြးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:27

စးထီၣ်လၢအဝဲပူထီၣ်တၢ်ထီဒါယွၤလံၤလံၤန့ၣ်, တၢ်ပူထီၣ်ထီဒါအီၤအိၣ်ဝဲဒၣ်လၢဝ့ၢ်ယရူၤၡလ့ၣ်အပူၤန့ၣ်လီၤ. လၢခံကတၢၢ်အဝဲထွးထီၣ်ဃ့ၢ်ဝဲဆူဝ့ၢ်လၤကံၣ်, ဘၣ်ဆၣ်ဒီးအဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:18

အဝဲသ့ၣ်စံးဝဲ, “စီၤဧူးစံယါဧၢ, နတၢ်ခွဲးတၢ်ယာ်တအိၣ်နီ တမံၤလၢနကဆူးကဲၤထီၣ်တၢ်နၢမူဆူယွၤအအိၣ်န့ၣ်ဘၣ်. ထဲပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ် ဧိၤန့ၣ်ဘၣ်တၢ်ပာ်စီဆှံတ့ၢ်အီၤလၢကမၤတၢ်အံၤန့ၣ်လီၤ. ဟးထီၣ်ကွံာ်လၢတၢ်လီၢ်စီဆှံအပူၤအံၤတက့ၢ်. နမၤကမၣ်တ့ၢ်ယွၤ, ကစၢ်ယွၤ, ဒီးနတဒိးန့ၢ်လၢၤဘၣ်အတၢ်ဆိၣ်ဂ့ၤနီတစုဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 28:13

အဝဲသ့ၣ်စံးဝဲ, “ဟဲက့ၤကိးပှၤဘၣ်စၢဃာ်တဖၣ်ဖဲအံၤတဂ့ၤ. ပမၤဒဲးဘးတ့ၢ်တၢ်ထီဒါယွၤဒီးမၤသးထီၣ်အီၤတုၤလၢကစံၣ် ညီၣ်ပှၤအဂီၢ်န့ၣ်လီၤ. ခဲကနံၣ်အံၤသုအဲၣ်ဒိးမၤတၢ်တမံၤမံၤလၢသုကမၤအါထီၣ်ပတၢ် ကမၣ်န့ၣ်ဧါ.”

လံာ်စီၤဧ့စြၤ 9:15

ယွၤ, အံၣ်စရ့လးအကစၢ်ယွၤဧၢ, နတီဝဲလိၤဝဲ, ဘၣ်ဆၣ်နပျဲအိၣ်မူဒံးပှၤလီၤ. ပအၢၣ်လီၤပတၢ်ကမၣ်လၢနၤ, ပဟဲဆူနခီၣ်ထံးမဲာ်ညါန့ၣ်ပတၢ်ကြၢးဝဲဘၣ်ဝဲတအိၣ်နီတမံၤ ဘၣ်.”

လံာ်စီၤဧ့စြၤ 9:2

ပှၤယူဒၤဖိပိာ်ခွါတဖၣ်ဆီဟံၣ်ဆီဃီဒီးပှၤတခီဘီမုၢ်ဖိ ပိာ်မုၣ်တဖၣ်, ဒီးလၢတၢ်န့ၣ်အဃိကစၢ်ယွၤအပှၤဂီၢ်မုၢ်လၢ အစီဆှံတဖၣ်အံၤဘၣ်တၢ်မၤသံၣ်သူမီၣ်ကျၣ်အီၤန့ၣ်လီၤ. ပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်န့ၣ်မ့ၢ်ပှၤမၤကမၣ်တၢ်အဒိၣ် ကတၢၢ်တဖၣ်န့ၣ်လီၤ.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

လံာ်တၢ်ဟးထီၣ်ကွံာ် 32:8

အဝဲသ့ၣ်ပာ်တ့ၢ်ကွံာ်လံကျဲလၢယမၤလိာ်တ့ၢ်အီၤဒ်သိးအကပိာ်ဝဲ အဂီၢ်န့ၣ်လီၤ. အဝဲသ့ၣ်မၤထီၣ်ဂီၤဖံးဖါဖိသိအသးလၢထူတဒုဒီး ဘူၣ်ထီၣ်ဘါထီၣ်အီၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဝဲသ့ၣ်စံးလၢတၢ်အံၤမ့ၢ်အကစၢ်လၢအထုးထီၣ်အီၤလၢကီၢ်အဲၤကူပတူးအပူၤန့ၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:40

မ့မ့ၢ်သုစၢၤသုသွဲၣ်တဖၣ်ကအၢၣ်လီၤအတၢ်ဒဲးဘးဒီးပှၤလၢအဝဲ သ့ၣ်ဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးတဖၣ်လၢ အမၤကမၣ်ယၤဒီးပူထီၣ်ထီဒါယၤ,

လံာ်တၢ်ဘူၣ်ထီၣ်ဘါထီၣ် 5:19

တၢ်အံၤမ့ၢ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်လၢတၢ်ဒဲးဘး လၢအထီဒါဘၣ်ယွၤန့ၣ်လီၤ.

လံာ်တၢ်ဂံၢ် 14:43

ဖဲသုကွၢ်ဆၢၣ်မဲာ်ပှၤဧၤမလ့းဖိဒီးပှၤကနၤဧၣ်ဖိတဖၣ်န့ၣ်သု ကသံလၢတၢ်ဒုးအပူၤလီၤ. ယွၤတအိၣ်ဘၣ်ဒီးသုဘၣ်. အဂ့ၢ်ဒ်အံၤ, မ့ၢ်လၢသုဂ့ၢ်လိာ်လၢသုကပိာ်အခံအဃိန့ၣ်လီၤ.”

လံာ်တၢ်ဂံၢ် 32:15

သုဝဲပှၤဂီၢ်မုၢ်လၢရူၤဘ့ၣ်ဒီးကးအဒူၣ်မ့ၢ်ဂ့ၢ်လိာ်တၢ်လၢသု ကပိာ်အခံခဲအံၤဒီး, အဝဲကညိကွံာ်ကဒီးပှၤဂီၢ်မုၢ်အံၤတဘျီလၢပှၢ်မုၢ်ကနၢအပူၤဒီး သုကဘၣ်ဟံးန့ၢ်မူဒါလၢအဝဲသ့ၣ်အတၢ်ဟးဂူာ်ဟးဂီၤအဂီၢ်န့ၣ် လီၤ.”

လံာ်မးသဲ 18:17

ဒီးမ့ၢ်တဒိကနၣ်ဘၣ်အဝဲသ့ၣ်ဘၣ်ဒီး, စံးဘၣ်တဲဘၣ်တၢ်အိၣ်ဖှိၣ်လၢတၢ်ဂ့ၢ်တၢ်ကျိၤခဲလၢာ်တက့ၢ်. ဒီး, မ့ၢ်တဒိကနၣ်ဘၣ်တၢ်အိၣ်ဖှိၣ်အကလုၢ်ဘၣ်ဒီး, ပာ်အီၤဒ်ပှၤတစူၢ်တနာ်ဘၣ်ယွၤဒီး, ဒ်ပှၤဃ့သွဲတဂၤအသိးန့ၣ်တက့ၢ်.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

လံာ်သိၣ်လီၤသီလီၤတၢ် 30:17

မ့မ့ၢ်သုမ့ၢ်တစူၢ်ဒီးဂ့ၢ်လိာ်လၢသုကဒိကနၣ်အီၤ, ဒီးဟးဖျိးကွံာ်လၢတၢ်ဘူၣ်ထီၣ်ဘါထီၣ်ကစၢ်အဂၤတဖၣ်ဒီး,

လံာ်သိၣ်လီၤသီလီၤတၢ် 7:4

အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးအဝဲသ့ၣ်ကဆှၢယံၤကွံာ်သုဖိ တဖၣ်ဒီးယွၤဒ်သိးကဘူၣ်ထီၣ်ဘါထီၣ်ကစၢ်အဂၤတဖၣ်အဂီၢ်န့ၣ်လီၤ. တၢ်န့ၣ်မ့ၢ်မၤအသးဒ်န့ၣ်ဒီး, ယွၤကသးဒိၣ်ထီၣ်ဘၣ်သုဒီးမၤဟး ဂီၤကွံာ်သုတဘျီဃီန့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

လံာ်စီၤယိၤၡူ 22:12

ဖဲပှၤအံၣ်စရ့လးဖိတဖၣ်နၢ်ဟူဘၣ်တၢ်အံၤဒီးပှၤဂီၢ်မုၢ်ခဲလၢာ်ဟဲ ဖှိၣ်အသးဖဲၡံလိၤလၢကဒုးတၢ်ဒီးပှၤအဒူၣ်တဖၣ်လၢမုၢ်ထီၣ်တခီန့ၣ်လီၤ.

လံာ်စီၤယိၤၡူ 22:14

ပှၤအခိၣ်အဂၤတဆံလဲၤဃုာ်တၢ်ဒီးစီၤဖံၤနဃၣ်ပှၤတဒူၣ်တဂၤစုာ်စုာ်လၢမုၢ်နုာ်အဒူၣ်တဖၣ်အပူၤ ဒီးတဂၤဘၣ်တဂၤန့ၣ်မ့ၢ်ဝဲအဒူၣ် ဖိထၢဖိတဖၣ်အခိၣ်န့ၣ်လီၤ.

လံာ်စီၤယိၤၡူ 22:16

ဒီးကတိၤတၢ်လၢယွၤအပှၤဂီၢ်မုၢ်ခဲလၢာ်အခၢၣ်စးဒီးစံးဝဲဒၣ်, “ဘၣ်မနုၤအဃိသုမၤတၢ်အၢတမံၤအံၤထီဒါအံၣ်စရ့လး အကစၢ်ယွၤန့ၣ်လဲၣ်. သုပူထီၣ်ယွၤခီဖျိသုဘှီထီၣ်တၢ်လုၢ်လီၢ်အံၤလၢ သုဂီၢ်ဒၣ်ဝဲန့ၣ်လီၤ. သုတပိာ်လၢၤအခံဘၣ်န့ၣ်လီၤ.

လံာ်စီၤယိၤၡူ 22:18

မ့ၢ်သုသါတတူၢ်လိာ်တၢ်ပိာ်ယွၤအခံခဲအံၤဘၣ်ဧါ. သုမ့ၢ်ပူထီၣ်ထီဒါယွၤလၢမုၢ်မဆါတနံၤအံၤဒီး, ခဲမုၢ်ဆ့ၣ်အဝဲအသးကဒိၣ်ပှၤခဲလၢာ်လၢအံၣ်စရ့လးအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:23

တၢ်ပူထီၣ်ထီဒါအီၤန့ၣ်အၢထဲသိးဒီးတၢ်ဝံတၢ်နါအတၢ်ဖံးတၢ်မၤတဖၣ် ဒီးတၢ်ပာ်ထီၣ်ထီသးန့ၣ်မ့ၢ်တၢ်ဒဲးဘးပှဲၤသိးသိးဒီး တၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်လီၤ. မ့ၢ်လၢနဂ့ၢ်လိာ်ယွၤအတၢ်မၤလိာ်တဖၣ်အဃိအဝဲညိကွံာ်နၤဒ်စီၤ ပၤတဂၤအသိးန့ၣ်လီၤ.”