လံာ်စီၤယိၤၡူ 21:45 - Sgaw Karen Common Bible

⁴⁵ ယွၤဟံးဃာ်ဂၢၢ်ကျၢၤအတၢ်အၢၣ်လီၤအီလီၤကိးမံၤဒဲးလၢအမၤဝဲဒီးပှၤအံၣ်စရ့လးဖိတဖၣ်န့ၣ်လီၤ.

လံာ်စီၤယိၤၡူ 21:45 Iomraidhean Croise

လံာ်စီၤပၤအခီၣ်ထံးတဘ့ၣ် 8:15

အဝဲစံးဝဲ, “စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တ က့ၢ်. အဝဲဟံးဃာ်ဂၢၢ်ကျၢၤအတၢ်အၢၣ်လီၤလၢအမၤတ့ၢ်ဒီးယပၢ်စီၤဒၤဝံး, ဖဲအဝဲစံးဘၣ်အီၤ,

လံာ်စီၤပၤအခီၣ်ထံးတဘ့ၣ် 8:20

ဒီးခဲကနံၣ်အံၤယွၤဟံးဃာ်ဂၢၢ်ကျၢၤအတၢ်အၢၣ်လီၤန့ၣ်လံ. ယကဲထီၣ်လံအံၣ်စရ့လးအစီၤပၤလၢယပၢ်အလီၢ်ဒီးယသူၣ်ထီၣ်ဘၣ်လံ ယွၤအတၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:24

နဟံးဃာ်ဂၢၢ်ကျၢၤတ့ၢ်တၢ်အၢၣ်လီၤလၢနမၤဒီးယပၢ်စီၤဒၤဝံး န့ၣ်လီၤ. မုၢ်မဆါတနံၤအံၤတၢ်ကတိၤကိးထံၣ်ဒဲးလၢထီၣ်ပှဲၤထီၣ်ဝဲဒၣ် လံ.

လံာ်စီၤပၤအခီၣ်ထံးတဘ့ၣ် 8:56

“စံးထီၣ်ပတြၢၤယွၤ, လၢအဟ့ၣ်တ့ၢ်အပှၤဂီၢ်မုၢ်လၢတၢ်ဃူ တၢ်ဖိးဒ်အအၢၣ်လီၤတ့ၢ်ဝဲအသိးအဃိန့ၣ်တက့ၢ်. အဝဲဟံးဃာ်ဂၢၢ်ကျၢၤတ့ၢ်အတၢ်အဲၣ်, တၢ်သးအိၣ်အတၢ်အၢၣ်လီၤတဖၣ်လၢအမၤတ့ၢ်ဝဲခီဖျိအခ့ အပှၤစီၤမိၤၡ့န့ၣ်လီၤ.

လံာ်စီၤနဃ့မယၤ 9:8

နထံၣ်တ့ၢ်လၢအဝဲမ့ၢ်ပှၤသးတီဒီးနၤ ဒီးနမၤတၢ်အၢၣ်လီၤအီလီၤတမံၤဒီးအီၤန့ၣ်လီၤ. နအၢၣ်လီၤတ့ၢ်လၢနကဟ့ၣ်အီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤယဘူၣ်ဖိ, ဒီးပှၤကံၣ်ကၣ်ဖိတဖၣ်အကီၢ် လၢကမ့ၢ်ကီၢ်တဘ့ၣ်လၢအဝဲအစၢၤအသွဲၣ်တဖၣ်ကအိၣ်ဝဲဆိးဝဲန့ၣ် လီၤ. နဟံးဃာ်ဂၢၢ်ကျၢၤနတၢ်အၢၣ်လီၤမ့ၢ်လၢနကလုၢ်တီဝဲ အဃိန့ၣ်လီၤ.

လံာ်ယၡါယၤ 48:3

ယွၤစံးဘၣ်ကီၢ်အံၣ်စရ့လး, “လၢပျၢၤလံၤလံၤယကတိၤဆိပာ်တ့ၢ် တၢ်လၢကမၤအသး, ဝံၤဒီးသတူၢ်ကလာ်ယဒုးကဲထီၣ်အီၤလီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

1 ကရံၣ်သူး 1:9

ကစၢ်ယွၤလၢအကိးဃီၤသုဒ်သိးသုကရ့လိာ်မုာ်လိာ်သုသး ဒီးအဖိခွါပကစၢ်ယ့ၣ်ၡူးခရံာ်န့ၣ်, ကြၢးဘၣ်တၢ်နာ်န့ၢ်အီၤလီၤ.

၁ သ့းစၤလနံ 5:24

ပှၤလၢအကိးဃီၤသုဆူအအိၣ်တဂၤန့ၣ်ကမၤဝဲလီၤ. အဂ့ၢ်ဒ်အံၤ, အဝဲဒၣ်မ့ၢ်ပှၤလၢအကလုၢ်တီလီၤ.

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:19

တုၤစီၤၡမူၤအ့လးဒိၣ်ထီၣ်ဝဲဒီး, ယွၤအိၣ်ဒီးအီၤဒီးမၤလၢ ထီၣ်ပှဲၤထီၣ်ကယဲၢ်တၢ်လၢစီၤၡမူၤအ့လးစံးဝဲခဲလၢာ်န့ၣ်လီၤ.