လံာ်စီၤယိၤၡူ 21:4 - Sgaw Karen Common Bible

⁴ တၢ်ဖးလီၤဘၣ်အဆိကတၢၢ်လၢပှၤကဃးဖိတဖၣ်အဒူၣ်ဖိထၢဖိတဖၣ်အဂီၢ်န့ၣ်လီၤ. သတးဒီး, ပှၤလ့ၤဝံဖိတဖၣ်လၢအလီၤစၢၤလၢပှၤလုၢ်တၢ်အခိၣ်စီၤအၤဟရိၣ်န့ၣ်, ခီဖျိတၢ်ဖးအဝဲသ့ၣ် ဒိးန့ၢ်ဘၣ်ဝဲဝ့ၢ်တဆံသၢဝ့ၢ်လၢယူဒၤအဒူၣ်, စူၤမ့းအိၣ်အဒူၣ်, ဒီးဘံၣ်ယၤမံၣ်အဒူၣ်တဖၣ်အအိၣ်န့ၣ်လီၤ.

လံာ်စီၤယိၤၡူ 21:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:39

စီၤအၤစာ်မ့ၢ်တၢ်သးဝံၣ်ရိခံဖုတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤလ့ၤဝံ, မ့ၢ်ဒ်လာ်အံၤန့ၣ်လီၤ. စီၤအၤစာ်, စီၤဘရ့ကံယၤ, စီၤၡံမၤ,

လံာ်တၢ်ဟးထီၣ်ကွံာ် 6:16

ဒီးစီၤလ့ၤဝံအိၣ်ဒီးအဖိခွါသၢဂၤလၢအမ့ၢ်စီၤက့ရၡိၣ်, စီၤကဃး, ဒီးစီၤမရၤရံၤလီၤ. အဝဲသ့ၣ်တဖၣ်န့ၣ်မ့ၢ်ဒူၣ်ထၢတဖၣ်လၢအဟံးန့ၢ်အဝဲသ့ၣ်အမံၤ, ဒ်အပၢ်လၢပျၢၤတဖၣ်အသိးန့ၣ်လီၤ. ဒီးစီၤလ့ၤဝံအိၣ်မူဝဲဒၣ်တကယၤသၢဆံနွံနံၣ်န့ၣ်လီၤ.

လံာ်တၢ်ဟးထီၣ်ကွံာ် 6:20

ဒီးစီၤဧၤမရၣ်ဟံးန့ၢ်အမါလၢအပၢ်အဒီပုၢ်ဝဲၢ်မုၣ်နီၢ်ယိက ဘ့ၣ်, ဒီးအဝဲဒၣ်ဆံးစၢ်န့ၢ်အီၤလၢစီၤအၤဟရိၣ်ဒီးစီၤမိၤၡ့န့ၣ်လီၤ. ဒီးစီၤဧၤမရၣ်အိၣ်မူဝဲဒၣ်တကယၤသၢဆံနွံနံၣ်န့ၣ်လီၤ.

လံာ်တၢ်ဂံၢ် 3:27

စီၤကဃးအဒူၣ်အထၢန့ၣ်မ့ၢ်စီၤဧၤမရၣ်, စီၤယံးစဟၢ်, စီၤဃ့ ဘြိၣ်ဒီး, စီၤဧူးစံၤအ့လး, အဟံၣ်ဖိဃီဖိတဖၣ်အတၢ်ပာ်ဖှိၣ်ထီၣ်အသး န့ၣ်လီၤ.

လံာ်စီၤယိၤၡူ 21:3

သတးဒီးဒ်ယွၤမၤလိာ်တ့ၢ်အသိး, ပှၤအံၣ်စရ့လးဖိတဖၣ်ဟ့ၣ်လီၤပှၤလ့ၤဝံဖိတဖၣ်လၢဝ့ၢ်လၢလာ်တဖၣ်အံၤ ဃုာ်ဒီးတၢ်အီၣ်ဆၣ်အလီၢ်လၢအဝဲသ့ၣ်အတၢ်န့ၢ်သါအပူၤန့ၣ်လီၤ.

လံာ်စီၤယိၤၡူ 21:5

ဒီးပှၤကဃးဖိလၢအအိၣ်လီၤတဲာ်တဖၣ်န့ၣ်, ခီဖျိတၢ်ဖးအဝဲသ့ၣ်ဒိးန့ၢ်ဘၣ်ဝဲဝ့ၢ်အဖျၢၣ်တဆံလၢအ့ဖရဲၣ်အဒူၣ် ဒီးလၢဒၣ်အဒူၣ်ဒီးမနၤၡ့ၤအဒူၣ်တဝာ်အဒူၣ်ဖိထၢဖိတဖၣ်အအိၣ်န့ၣ်လီၤ.

လံာ်စီၤယိၤၡူ 24:33

စီၤအၤဟရိၣ်အဖိခွါစီၤအလၤဧစၢ်သံဝဲဒီးဘၣ်တၢ်ခူၣ်လီၤအီၤဖဲ ဝ့ၢ်ကံဘဧၤလၢအအိၣ်လၢအ့ဖရဲၣ်အကစၢၢ်အလိၤလၢအဘၣ် တၢ်ဟ့ၣ်လီၤတ့ၢ်ဝဲလၢအဖိခွါစီၤဖံၤနဃၣ်အအိၣ်န့ၣ်လီၤ.