လံာ်စီၤယိၤၡူ 21:11 - Sgaw Karen Common Bible

¹¹ အဝဲသ့ၣ်ဘၣ်တၢ်ဟ့ၣ်လီၤအီၤလၢဝ့ၢ် အၢ်ဘၤ (အၢ်ဘၤမ့ၢ်စီၤဧနးအပၢ်) လၢအခဲအံၤဘၣ်တၢ်ကိးအီၤလၢဃ့ဘြိၣ် လၢယူဒၤကစၢၢ်အလိၤဃုာ်ဒီးတၢ်အီၣ်ဆၣ်အလီၢ်ဝးတရံးအီၤန့ၣ်လီၤ.

လံာ်စီၤယိၤၡူ 21:11 Iomraidhean Croise

လံာ်တၢ်ကဲထီၣ်အခီၣ်ထံး 35:27

စီၤယၤကိာ်လဲၤဝဲဆူအပၢ်စီၤအံၤစဲးအအိၣ်လၢဝ့ၢ်မးမရ့ဘူး ဒီးဝ့ၢ်ဃ့ဘြိၣ်ဖဲစီၤအၤဘြၤဟၣ်ဒီးစီၤအံၤစဲးအိၣ်ဆိးတ့ၢ် ဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:7

လွံၢ်နံၣ်ဝံၤအလီၢ်ခံန့ၣ်, စီၤအးဘၡါလိၣ်စံးဘၣ်စီၤပၤစီၤ ဒၤဝံးဒ်အံၤ, “တၢ်ဒိၣ်ဧၢ, ပျဲယလဲၤဆူဝ့ၢ်ဃ့ဘြိၣ်ဒီးမၤလၢပှဲၤယတၢ်အၢၣ် လီၤအီလီၤလၢယမၤတ့ၢ်ဒီးယွၤန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 6:55

တၢ်အံၤအိၣ်ဃုာ်ဒီးဝ့ၢ်ဃ့ဘြိၣ်ဒီးတၢ်အီၣ်ဆၣ်အလီၢ်လါဟ့ အိၣ်ဝးတရံးအီၤတဖၣ်လၢကီၢ်ယူဒၤအပူၤန့ၣ်လီၤ.

လံာ်လူၤကၣ် 1:39

တၢ်န့ၣ်ဝံၤအလီၢ်ခံတယံာ်ဘၣ်န့ၣ်, နီၢ်မၤရံအိၣ်ကတဲာ်ကတီၤထီၣ် အသးဒီးလဲၤဝဲဒၣ်ချ့ချ့ဆူဝ့ၢ်တဖျၢၣ်အိၣ်လၢကီၢ်ယူဒၤအတၢ်လူၢ် တၢ်တြီၤအကျါန့ၣ်လီၤ.

လံာ်စီၤယိၤၡူ 14:15

တချုးတၢ်အံၤန့ၣ်, ဝ့ၢ်ဃ့ဘြိၣ်ဘၣ်တၢ်ကိးအီၤလၢဝ့ၢ်အၢ်ဘၤလီၤ. (အၢ်ဘၤမ့ၢ်တ့ၢ်ပှၤအဒိၣ်ကတၢၢ်လၢပှၤဧနးက့ၣ်ဖိအကျါန့ၣ်လီၤ.) ဒီးထံကီၢ်ဆိကတီၢ်ဝဲလၢတၢ်ဒုးတၢ်ယၤလီၤ.

လံာ်စီၤယိၤၡူ 15:54

ဃူမတၤ, ဃ့ဘြိၣ်, ဒီးစံဧိၢ်န့ၣ်လီၤ. မ့ၢ်ဝ့ၢ်ခွံဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ် လီၤ.

လံာ်စီၤယိၤၡူ 21:10

ဆူစီၤအၤဟရိၣ်အစၢၤအသွဲၣ်တဖၣ်, ဒူၣ်ဖိထၢဖိတဒူၣ်လၢအမ့ၢ်ပှၤကဃးဖိအဒူၣ်လၢအဘၣ်ဃးဒီး ပှၤလ့ၤဝံအဒူၣ်ဒ်တၢ်ဖးလီၤဘၣ်အီၤအဆိကတၢၢ်အသိးန့ၣ်လီၤ.

လံာ်စီၤယိၤၡူ 21:12

နာ်သက့, ဝ့ၢ်အပျီတဖၣ်ဃုာ်ဒီးအဝ့ၢ်ဖိတဖၣ်န့ၣ်ဘၣ်တၢ်ဟ့ၣ်လီၤတ့ၢ်လံအီၤဆူ စီၤယဖူန့ၤအဖိခွါစီၤကၤလ့းဒ်အတၢ်န့ၢ်သါအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 1:10

ဒီးအဝဲသ့ၣ်လဲၤထီၣ်ထီဒါပှၤကနၤဧၣ်ဖိအိၣ်လၢဝ့ၢ်ဃ့ဘြိၣ်လၢ တၢ်ညီနုၢ်ကိးအီၤလၢဝ့ၢ်ကံးရယးအၢ်ဘၤန့ၣ်လီၤ. ဖဲန့ၣ်, အဝဲသ့ၣ်မၤနၢၤကွံာ်စီၤၡ့ၤၡဲအဒူၣ်, စီၤအဃံမ့ၣ်အဒူၣ်ဒီး စီၤတၤလမဲအဒူၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:31

ဒီးဆူဝ့ၢ်ဃ့ဘြိၣ်လီၤ. အဝဲဆှၢလီၤတၢ်န့ၣ်ဆူကယဲၢ်တၢ်လီၢ်ကိးပူၤဒဲးဖဲအဝဲဒီးအတံၤသကိးတဖၣ်လဲၤဟးညီနူၢ်တ့ၢ်ဝဲ န့ၣ်လီၤ.