လံာ်စီၤယိၤၡူ 21:10 - Sgaw Karen Common Bible

¹⁰ ဆူစီၤအၤဟရိၣ်အစၢၤအသွဲၣ်တဖၣ်, ဒူၣ်ဖိထၢဖိတဒူၣ်လၢအမ့ၢ်ပှၤကဃးဖိအဒူၣ်လၢအဘၣ်ဃးဒီး ပှၤလ့ၤဝံအဒူၣ်ဒ်တၢ်ဖးလီၤဘၣ်အီၤအဆိကတၢၢ်အသိးန့ၣ်လီၤ.

လံာ်စီၤယိၤၡူ 21:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 6:54

အအံၤမ့ၢ်တၢ်အိၣ်တၢ်ဆိးအလီၢ်လၢအဘၣ်တၢ်ဟ့ၣ်လီၤတ့ၢ်အီၤဆူစီၤ အၤဟရိၣ်အစၢၤအသွဲၣ်တဖၣ်, လၢအမ့ၢ်ပှၤကဃးဖိအဒူၣ်ထၢန့ၣ်လီၤ. လၢတၢ်အိၣ်တၢ်ဆိးအလီၢ်လၢပှၤလ့ၤဝံဖိတဖၣ်မၤန့ၢ်ဝဲအပူၤန့ၣ်, အဝဲသ့ၣ်ဒိးန့ၢ်တၢ်နီၤဟ့ၣ်အဆိကတၢၢ်လီၤ.

လံာ်တၢ်ဟးထီၣ်ကွံာ် 6:18

ဒီးစီၤကဃးအိၣ်ဒီးအဖိခွါလွံၢ်ဂၤလၢအမ့ၢ်စီၤဧၤမရၣ်, စီၤယံးစဟၢ်, စီၤဃ့ဘြိၢ်ဒီးစီၤဧူးစံၤအ့လးလီၤ. ဒီးစီၤကဃးအိၣ်မူဝဲဒၣ်တကယၤသၢဆံသၢနံၣ်လီၤ.

လံာ်တၢ်ဂံၢ် 3:19

စီၤကဃးအဖိခွါအိၣ်လွံၢ်ဂၤလၢအမ့ၢ်, စီၤဧၤမရၣ်, စီၤယံးစဟၢ်, စီၤဃ့ဘြိၣ်, ဒီးစီၤဧူးစံၤအ့လးန့ၣ်လီၤ.

လံာ်တၢ်ဂံၢ် 3:27

စီၤကဃးအဒူၣ်အထၢန့ၣ်မ့ၢ်စီၤဧၤမရၣ်, စီၤယံးစဟၢ်, စီၤဃ့ ဘြိၣ်ဒီး, စီၤဧူးစံၤအ့လး, အဟံၣ်ဖိဃီဖိတဖၣ်အတၢ်ပာ်ဖှိၣ်ထီၣ်အသး န့ၣ်လီၤ.

လံာ်စီၤယိၤၡူ 21:11

အဝဲသ့ၣ်ဘၣ်တၢ်ဟ့ၣ်လီၤအီၤလၢဝ့ၢ် အၢ်ဘၤ (အၢ်ဘၤမ့ၢ်စီၤဧနးအပၢ်) လၢအခဲအံၤဘၣ်တၢ်ကိးအီၤလၢဃ့ဘြိၣ် လၢယူဒၤကစၢၢ်အလိၤဃုာ်ဒီးတၢ်အီၣ်ဆၣ်အလီၢ်ဝးတရံးအီၤန့ၣ်လီၤ.

လံာ်စီၤယိၤၡူ 21:4

တၢ်ဖးလီၤဘၣ်အဆိကတၢၢ်လၢပှၤကဃးဖိတဖၣ်အဒူၣ်ဖိထၢဖိတဖၣ်အဂီၢ်န့ၣ်လီၤ. သတးဒီး, ပှၤလ့ၤဝံဖိတဖၣ်လၢအလီၤစၢၤလၢပှၤလုၢ်တၢ်အခိၣ်စီၤအၤဟရိၣ်န့ၣ်, ခီဖျိတၢ်ဖးအဝဲသ့ၣ် ဒိးန့ၢ်ဘၣ်ဝဲဝ့ၢ်တဆံသၢဝ့ၢ်လၢယူဒၤအဒူၣ်, စူၤမ့းအိၣ်အဒူၣ်, ဒီးဘံၣ်ယၤမံၣ်အဒူၣ်တဖၣ်အအိၣ်န့ၣ်လီၤ.

လံာ်စီၤယိၤၡူ 21:9

လၢပှၤယူဒၤဖိအဒူၣ်အကျါဒီး ပှၤစူၤမ့းအိၣ်ဖိအဒူၣ်အကျါအဝဲသ့ၣ်ဟ့ၣ်လီၤဝဲဝ့ၢ်လၢလာ်တဖၣ်အံၤဒ်အမံၤအိၣ်ဝဲအသိး,