လံာ်စီၤယိၤၡူ 21:1 - Sgaw Karen Common Bible

¹ ပှၤလ့ၤဝံဖိအဒူၣ်ဖိထၢဖိအခိၣ်တဖၣ် လဲၤဆူပှၤလုၢ်တၢ်အခိၣ်စီၤအလၤဧစၢ်, ဒီးစီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိ အဒူၣ်ခဲလၢာ်, အဒူၣ်ဖိထၢဖိအခိၣ်တဖၣ်အအိၣ်,

လံာ်စီၤယိၤၡူ 21:1 Iomraidhean Croise

လံာ်တၢ်ကဲထီၣ်အခီၣ်ထံး 49:7

မ်တၢ်ဆိၣ်အၢတမံၤကလီၤဘၣ်အဝဲသ့ၣ်အတၢ်သူၣ်ဒိၣ်သးဖျိးတက့ၢ်. အဂ့ၢ်ဒ်အံၤ, အတၢ်သူၣ်ဒိၣ်သးဖျိးန့ၣ်, လီၤပျံၤလီၤဖုးဒိၣ်မးလီၤ. မ်တၢ်ဆိၣ်အၢကအိၣ်လၢအဝဲသ့ၣ်အတၢ်သးဒိၣ်တပျုာ်တပျီၤအလိၤတ က့ၢ်. အဂ့ၢ်ဒ်အံၤ, အၢဝဲသီဝဲဒိၣ်မးလီၤ. ယကရၤလီၤအဝဲသ့ၣ်လၢကီၢ်အံၣ်စရ့လးဒီကီၢ်ညါလီၤ. ယကမၤလီၤပြံလီၤပြါအဝဲသ့ၣ်လၢအပှၤဂီၢ်မုၢ်တဖၣ်အကျါန့ၣ် လီၤ.

လံာ်တၢ်ဟးထီၣ်ကွံာ် 6:14

ဒီးစီၤရူၤဘ့ၣ်လၢအမ့ၢ်စီၤယၤကိာ်အဖိဝဲၢ်ကိအိၣ်ဒီးအဖိခွါ လွံၢ်ဂၤလၢအမ့ၢ်စီၤဃနိာ်, စီၤပးလူး, စီၤဃ့စရိၣ်ဒီးစီၤကၢ်မံၤန့ၣ်လီၤ. အဝဲသ့ၣ်တဖၣ်န့ၣ်မ့ၢ်ရူၤဘ့ၣ်အဒူၣ်အထၢတဖၣ်အပၢ်လၢပျၢၤတဖၣ် န့ၣ်လီၤ.

လံာ်တၢ်ဟးထီၣ်ကွံာ် 6:25

ဒီးစီၤအၤဟရိၣ်အဖိခွါစီၤအလၤဧစၢ်န့ၣ်, ဟံးန့ၢ်အမါလၢစီၤပူတံၤ အ့လးအဖိမုၣ်တဖၣ်အကျါတဂၤဒီးအဝဲဒၣ်ဆံးစၢ်န့ၢ်အီၤ လၢစီၤဖံနဃၣ်လီၤ. အဝဲသ့ၣ်န့ၣ်မ့ၢ်လ့ၤဝံအဒူၣ်အခိၣ်အနၢ်တဖၣ် ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဂံၢ် 35:1

ယွၤကတိၤတၢ်ဒီးစီၤမိၤၡ့လၢကီၢ်မိၤအးအတၢ်ပျီပူၤတဖၣ်, လၢအအိၣ်သဃီၤဒီးဝ့ၢ်ယရံၤဃိလၢထံကျိယၢ်ဒ့ၣ်အဘးခီစံးဝဲ,

လံာ်တၢ်ဂံၢ် 35:8

ပှၤလ့ၤဝံဖိအဝ့ၢ်တဖၣ်အနီၣ်ဂံၢ်လၢတဒူၣ်စုာ်စုာ်အပူၤန့ၣ်ကဘၣ် တၢ်စံၣ်ညီၣ်နီၤဖးအီၤလၢဟီၣ်ခိၣ်ကဝီၤအအံၣ်အလဲၢ်အဖီခိၣ်န့ၣ် လီၤ.

လံာ်စီၤယိၤၡူ 14:1

အအံၤမ့ၢ်တၢ်ဂ့ၢ်ဘၣ်ထွဲဒီးတၢ်နီၤဖးလီၤကီၢ်ကနၤဧၣ်လၢထံ ကျိယၢ်ဒ့ၣ်အမုၢ်နုာ်လၢပှၤအံၣ်စရ့လးဖိတဖၣ်အကျါဒ်လဲၣ်န့ၣ် လီၤ. ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးအံၣ်စရ့လးအဒူၣ်တဖၣ်အဒူၣ်ဖိထၢဖိအခိၣ်အနၢ်တဖၣ်နီၤလီၤ ကီၢ်အံၤလၢအဝဲသ့ၣ်အကျါန့ၣ်လီၤ.

လံာ်စီၤယိၤၡူ 17:4

အဝဲသ့ၣ်လဲၤဝဲဆူပှၤလုၢ်တၢ်အခိၣ်စီၤအလၤဧစၢ် ဒီးစီၤနိၣ်အဖိခွါစီၤယိၤၡူဒီးဆူပှၤခိၣ်ပှၤနၢ်တဖၣ်အအိၣ်ဒီးစံးဝဲ, “ယွၤမၤလိာ်စီၤမိၤၡ့လၢအကဟ့ၣ်ပှၤတၢ် န့ၢ်သါဒ်ပဘူးပတံၢ်အပိာ်ခွါတဖၣ်ဒိးန့ၢ်ဘၣ်ဝဲအသိးန့ၣ်လီၤ.” အဃိဒီး, ဒ်ယွၤမၤလိာ်တ့ၢ်အသိးအဝဲဒၣ်ဟ့ၣ်လီၤအဝဲသ့ၣ် အတၢ်န့ၢ်သါလၢအပၢ်အဒီပုၢ်ဝဲၢ်တဖၣ်အကျါန့ၣ်လီၤ.

လံာ်စီၤယိၤၡူ 19:51

ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိအဒူၣ်တဖၣ်အခိၣ်အနၢ်တဖၣ်ဖီၣ်တၢ်ဖးဝံၤဒီး နီၤဖးလီၤထံကီၢ်လၢယွၤအမဲာ်ညါဖဲတၢ်ဘူၣ်ထီၣ်ဘါထီၣ်ယွၤ အဒဲအကျဲစၢၤလၢဝ့ၢ်ၡံလိၤန့ၣ်လီၤ. အန့ၣ်ဒီးအဝဲသ့ၣ်နီၤဖးထံကီၢ်ဝံၤဝဲဒၣ်န့ၣ်လီၤ.