လံာ်စီၤယိၤၡူ 20:9 - Sgaw Karen Common Bible

⁹ အအံၤမ့ၢ်တၢ်ပူၤဖျဲးအဝ့ၢ်တဖၣ်လၢတၢ်ဃုထၢထီၣ်အီၤလၢပှၤအံၣ်စရ့လးဖိခဲလၢာ်အဂီၢ်ဒီး ပှၤတခီဘီမုၢ်ဖိ လၢအအိၣ်လၢအဝဲသ့ၣ်အသိးအကျါတဂၤဂ့ၤတဂၤဂ့ၤအဂီၢ်န့ၣ်လီၤ. ပှၤတဂၤဂ့ၤတဂၤဂ့ၤလၢအမၤသံဘၣ်ပှၤလၢတၢ်တဆိကမိၣ်ဆိကမးဘၣ်အပူၤန့ၣ်, ထံၣ်န့ၢ်တၢ်ပူၤဖျဲးအလီၢ်ဖဲန့ၣ်လၢပှၤလၢအလူၤဃုမၤကၣ်အီၤသ့န့ၣ်လီၤ. မ့တမ့ၢ်ဘၣ်လၢအဝဲဒိးန့ၢ်ဆိတၢ်ဆၢထၢၣ်လၢတၢ်စံၣ်ညီၣ်ကွီၢ်အလီၢ်ဘၣ်ဒီး တၢ်မၤသံအီၤတသ့ဘၣ်န့ၣ်လီၤ.

လံာ်စီၤယိၤၡူ 20:9 Iomraidhean Croise

လံာ်တၢ်ဂံၢ် 35:13

ဃုထၢဝ့ၢ်ဃုဝ့ၢ်, ဝ့ၢ်သၢဝ့ၢ်လၢထံကျိယၢ်ဒ့ၣ်အမုၢ်ထီၣ်တကပၤဒီးအဂၤသၢဝ့ၢ်လၢ ကီၢ်ကနၤဧၣ်အပူၤတက့ၢ်.

လံာ်တၢ်ဂံၢ် 35:15

ဝ့ၢ်တဖၣ်အံၤကမ့ၢ်တၢ်ပူၤဖျဲးအဝ့ၢ်တဖၣ်လၢပှၤအံၣ်စရ့လးဖိ တဖၣ်အဂီၢ်မ့ၢ်ဂ့ၤ, ပှၤတခီဘီမုၢ်ဖိလၢအအိၣ်တစိၢ်တလီၢ်အဂီၢ်မ့ၢ်ဂ့ၤ, အိၣ်ဆိးဂၢၢ်ကျၢၤအဂီၢ်မ့ၢ်ဂ့ၤ, ဒီးပှၤတဂၤလၢ်လၢ်လၢအမၤသံဘၣ်ပှၤအဂၤတဂၤဂၤလၢတၢ်တပာ်သူၣ်ပာ် သးအပူၤမ့ၢ်ဂ့ၤဃ့ၢ်ပူၤဖျဲးအသးဆူဝ့ၢ်တဖျၢၣ်ဖျၢၣ်အံၤကသ့ဝဲဒၣ်လီၤ.

လံာ်စီၤယိၤၡူ 20:4

အဝဲကလဲၤဃ့ၢ်ဝဲဆူဝ့ၢ်တဖၣ်အံၤအကျါတဝ့ၢ်ဝ့ၢ်ဒီး လဲၤဆူတၢ်စံၣ်ညီၣ်အလီၢ်လၢဝ့ၢ်လဲၤနုာ်အကျဲစၢၤ ဒီးဒုးသ့ၣ်ညါပှၤခိၣ်ပှၤနၢ်တဖၣ်တၢ်လၢအမၤအသးအဂ့ၢ်န့ၣ်လီၤ. အန့ၣ်ဒီးအဝဲသ့ၣ်ကပျဲနုာ်အီၤဆူဝ့ၢ်ပူၤဒီးဟ့ၣ်အီၤတၢ်လီၢ် လၢကအိၣ်ဝဲအဂီၢ်ဒ်သိးကအိၣ်ဘၣ်ဝဲဖဲန့ၣ်လီၤ.

လံာ်စီၤယိၤၡူ 20:6

အဝဲဒၣ်ကအိၣ်လၢဝ့ၢ်ပူၤတုၤလီၤလၢအဝဲဆၢထၢၣ်ဘၣ်လၢ ကမျၢၢ် အတၢ်စံၣ်ညီၣ်အလီၢ်ဒီးတုၤလီၤစ့ၢ်ကီးလၢပှၤလုၢ်တၢ်အခိၣ်အဒိၣ်လၢ အဆၢကတီၢ်ဝဲန့ၣ် သံဝဲတစုန့ၣ်လီၤ. တၢ်န့ၣ်ဝံၤဒီး, အဝဲကက့ၤကဒါက့ၤဆူအဟံၣ်ဒီးဆူအဝ့ၢ်ဒၣ်ဝဲလၢအဝဲထွးထီၣ်ဃ့ၢ်တ့ၢ်ဝဲန့ၣ်လီၤ.”

လံာ်စီၤယိၤၡူ 20:8

ဒီးလၢထံကျိယၢ်ဒ့ၣ်အမုၢ်ထီၣ်လၢပှၢ်မုၢ်ကနၢတၢ်ပျီပူၤလၢ ဝ့ၢ်ယရံၤဃိအမုၢ်ထီၣ်တခီ, အဝဲသ့ၣ်ဃုထၢဝဲဝ့ၢ်ဘ့စ့ၢ် လၢရူၤဘ့ၣ်အကီၢ်ပူၤ, ဝ့ၢ်ရၤမိးလၢကီၢ်ကံးလဧးအပူၤ လၢပှၤကးအဒူၣ်အဂီၢ်ဒီးဝ့ၢ်ကိလၣ်လၢကီၢ်ဘၤၡၣ်အပူၤလၢ မနၤၡ့ၤအဒူၣ်အဂီၢ်န့ၣ်လီၤ.