လံာ်စီၤယိၤၡူ 20:3 - Sgaw Karen Common Bible

³ ဒ်သိးပှၤလၢအမၤသံဘၣ်ပှၤတဂၤဂၤလၢတၢ်တဆိကမိၣ်ဆိကမးဘၣ် အပူၤကလဲၤဃ့ၢ်ဖဲန့ၣ်လၢကပူၤဖျဲးလၢပှၤလၢအလူၤဃု မၤကၣ်က့ၤအီၤတဂၤအဂီၢ်န့ၣ်လီၤ.

လံာ်စီၤယိၤၡူ 20:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:11

ပိာ်မုၣ်န့ၣ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤဘါထုကဖၣ်တၢ်ဆူယွၤ, နကစၢ်ယွၤအအိၣ်ဒ်သိးယဘူးယတံၢ် လၢအအိၣ်မူအိၣ်ဒါလၢတၢ်ဟ့ၣ်ကၣ်က့ၤတၢ်လၢယဖိခွါအတၢ်သံအဃိ န့ၣ်, အသုတမၤတၢ်ကမၣ်လၢအဒိၣ်န့ၢ်ဒံးအလီၢ်တမံၤ, ခီဖျိတၢ်မၤသံကွံာ်ယဖိခွါအဂၤတဂၤအဃိတဂ့ၤ.” စီၤဒၤဝံးစံးဆၢဝဲဒၣ်, “ယအၢၣ်လီၤအီလီၤနၤလၢယွၤလၢအမူဝဲတဂၤအမံၤအပူၤလၢနဖိ ခွါတဘၣ်တၢ်မၤဆါအီၤဆံးကိာ်ဖိဒၣ်လဲာ်ဘၣ်န့ၣ်လီၤ.”

လံာ်တၢ်ဂံၢ် 35:12

ဖဲန့ၣ်အဝဲကပူၤဖျဲးဝဲဒီးပှၤသံတဂၤအဘူးအတံၢ်လၢအဃုတၢ် ဟ့ၣ်ကၣ်ကဒါက့ၤန့ၣ်လီၤ. မ့တမ့ၢ်ဘၣ်လၢကမျၢၢ်အကွီၢ်ဘၣ်တၢ်သမံသမိးအီၤဘၣ်န့ၣ်ပှၤတဂၤ လၢဘၣ်တၢ်စံးအီၤလၢအမၤသံတ့ၢ်ပှၤကညီန့ၣ်တၢ်တဘၣ်မၤသံအီၤ ဘၣ်.

လံာ်တၢ်ဂံၢ် 35:19

ပှၤသံတဂၤအဘူးအတံၢ်အဘူးကတၢၢ်အမူအဒါအိၣ်လၢကမၤသံကွံာ်ပှၤ လၢအမၤသံတၢ်တဂၤန့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံကွံာ်အီၤန့ၣ်လီၤ.

လံာ်တၢ်ဂံၢ် 35:22

ဘၣ်ဆၣ်ပစံးဒၣ်ကလိာ်, ပှၤတဂၤကမၤသံဘၣ်ပှၤတဂၤဂၤလၢအတသးဟ့ ဘၣ်ဝဲန့ၣ်လၢတၢ်တပာ်သူၣ်ပာ်သးအပူၤ, ခီဖျိလၢတၢ်ဆီၣ်လီၤတဲာ်အီၤမ့ၢ်ဂ့ၤ, ကွံာ်အီၤလၢတၢ်တမံၤမံၤမ့ၢ်ဂ့ၤန့ၣ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

လံာ်စီၤယိၤၡူ 20:4

အဝဲကလဲၤဃ့ၢ်ဝဲဆူဝ့ၢ်တဖၣ်အံၤအကျါတဝ့ၢ်ဝ့ၢ်ဒီး လဲၤဆူတၢ်စံၣ်ညီၣ်အလီၢ်လၢဝ့ၢ်လဲၤနုာ်အကျဲစၢၤ ဒီးဒုးသ့ၣ်ညါပှၤခိၣ်ပှၤနၢ်တဖၣ်တၢ်လၢအမၤအသးအဂ့ၢ်န့ၣ်လီၤ. အန့ၣ်ဒီးအဝဲသ့ၣ်ကပျဲနုာ်အီၤဆူဝ့ၢ်ပူၤဒီးဟ့ၣ်အီၤတၢ်လီၢ် လၢကအိၣ်ဝဲအဂီၢ်ဒ်သိးကအိၣ်ဘၣ်ဝဲဖဲန့ၣ်လီၤ.