လံာ်စီၤယိၤၡူ 2:9 - Sgaw Karen Common Bible

⁹ ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.

လံာ်စီၤယိၤၡူ 2:9 Iomraidhean Croise

လံာ်တၢ်ကဲထီၣ်အခီၣ်ထံး 35:5

တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 17:10

အန့ၣ်ဒီးပှၤအဒူကတၢၢ်လၢတပျံၤဘၣ်တၢ်ဒ်ခ့ယုၢ်တဖၣ်အသိးဒၣ်လဲာ်န့ၣ်ကပျံၤတၢ်လီၤ. အဂ့ၢ်ဒ်အံၤ, ပှၤကိးဂၤဒဲးလၢကီၢ်အံၣ်စရ့လးအပူၤန့ၣ်သ့ၣ်ညါ ဝဲလၢနပၢ်န့ၣ်မ့ၢ်ပှၤသုးဖိစဲၣ်နီးတဂၤဒီးအဝဲအပှၤတဖၣ်မ့ၢ် ပှၤဒုးတၢ်ဆူၣ်မးန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:15

အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်စီၤနဃ့မယၤ 6:16

ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.

လံာ်နီၢ်အ့ၤစတၢ် 8:17

ဖဲဒၣ်စီၤပၤအတၢ်ဘိးဘၣ်သ့ၣ်ညါဘၣ်တၢ်ဖးအီၤလၢကီၢ်ဆၣ် တဘ့ၣ်လၢ်လၢ်အပူၤဒီးဝ့ၢ်တဝ့ၢ်လၢ်လၢ်အပူၤန့ၣ်ပှၤယူဒၤဖိ မၤတၢ်သူၣ်ခုသးခုအနံၤသဘျ့လၢအအိၣ်ဒီးတၢ်အီၣ် တၢ်အီဒီးတၢ်သူၣ်ဖှံသးညီန့ၣ်လီၤ. အန့ၣ်ဒီးပှၤဂီၢ်မုၢ်အဂၤအါဂၤကဲထီၣ်ပှၤယူဒၤဖိလီၤ. အဂ့ၢ်ဒ်အံၤ, ခဲအံၤအဝဲသ့ၣ်ပျံၤပှၤယူဒၤဖိန့ၣ်လီၤ.

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

စံးထီၣ်ပတြၢၤ 112:10

ပှၤတတီတလိၤထံၣ်ဘၣ်ဝဲတၢ်အံၤဒီး အသးဒိၣ်ထီၣ်လီၤ. အ့ၣ်စဃံးအမဲဒီးပှံၢ်လီၤကွံာ်ဝဲဒၣ်န့ၣ်လီၤ. ပှၤတတီတလိၤအတၢ်ဆၢန့ၢ်ဘၣ်တဖၣ်န့ၣ် တုၤဝဲဆူတၢ်ဟးဂီၤလီၤထူလီၤယိာ်လီၤ.

စံးထီၣ်ပတြၢၤ 115:16

မူခိၣ်န့ၣ်ဘၣ်ဃးဒၣ်ဒီးယွၤတဂၤဧိၤန့ၣ်လီၤ. မ့မ့ၢ်ဟီၣ်ခိၣ်န့ၣ်ဟ့ၣ်လီၤဝဲဆူပှၤကညီလီၤ.

လံာ်တၢ်ဟးထီၣ်ကွံာ် 18:11

ခဲကနံၣ်အံၤ, ယသ့ၣ်ညါလၢယွၤန့ၣ်ဒိၣ်န့ၢ်ဒံးကစၢ်အဂၤခဲလၢာ် လီၤ. အဂ့ၢ်ဒ်အံၤအဝဲမၤတၢ်အံၤဖဲပှၤအဲၤကူပတူးဖိတဖၣ်မၤတ့ၢ်ပှၤ အံၣ်စရ့လးဖိတဖၣ်လၢတၢ်ပာ်ထီၣ်ထီသးအပူၤဒ်သိးအံၤအခါန့ၣ်လီၤ.”

လံာ်တၢ်ဟးထီၣ်ကွံာ် 23:27

ပှၤဂီၢ်မုၢ်လၢအထီဒါသုန့ၢ်ယကမၤအီၤဒ်သိးကပျံၤယၤ, ယကမၢလီၤတၢ်သဘံၣ်ဘုၣ်အိၣ်ထီၣ်လၢပှၤဂီၢ်မုၢ်လၢသုဒုးထီဒါ အီၤတဖၣ်အကျါ, ဒီးယကမၤဒ်သိးသုဒုၣ်သုဒါတဖၣ်ကဃၣ်ကွံာ်အသးဒီးဃ့ၢ်ကွံာ်လၢ သုအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ယၡါယၤ 23:5

ပှၤအဲၤကူပတူးဖိတဖၣ်ဒၣ်လဲာ်ကဖုးသံပျီၢ်ဂီၤဒီးဖံးသကုၣ် ခီသကုၣ်ဖဲအဝဲသ့ၣ်သ့ၣ်ညါဝဲလၢဝ့ၢ်ထါယၢၣ်ဘၣ်တၢ်မၤဟး ဂီၤအီၤလံန့ၣ်လီၤ.

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်တၢ်ဂံၢ် 20:14

စီၤမိၤၡ့ဆှၢလီၤပှၤစိာ်တၢ်ကစီၣ်တဖၣ်လၢကၤဒ့ၣ်ဆူကီၢ်အဒိၣ် အစီၤပၤအအိၣ်လီၤ. အဝဲသ့ၣ်စံးဝဲ, “တၢ်ကစီၣ်အံၤဟဲလၢနဘူးနတံၢ်ပှၤအံၣ်စရ့လးဖိတဖၣ်အဒူၣ်တဖၣ် အအိၣ်န့ၣ်လီၤ. နသ့ၣ်ညါတၢ်ကီတၢ်ခဲတဖၣ်လၢပတူၢ်ဘၣ်တ့ၢ်အီၤ,

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

လံာ်မးသဲ 20:15

မ့ၢ်ယတအိၣ်ဘၣ်ဒီးတၢ်အခွဲးအယာ်လၢယကသူယကျိၣ်ယစ့ဒၣ်ယဲ, ဒ်ယသးအိၣ်အသိးဘၣ်ဧါ. မ့တမ့ၢ်ဘၣ်ဒီး, မ့ၢ်ယသးအိၣ်ဟ့ၣ်ညီတၢ်အဃိဒီး, နသးကါနဲစ့ၢ်ကီးဧါ.’

လံာ်သိၣ်လီၤသီလီၤတၢ် 11:25

ဖဲသုလဲၤတၢ်တပူၤလၢ်လၢ်လၢကီၢ်ပူၤန့ၣ်, ယွၤ, သုကစၢ်ယွၤကဒုးပျံၤဘၣ်ဖုးဘၣ်ပှၤဂီၢ်မုၢ်လၢသု, ဒ်အဝဲအၢၣ်လီၤတ့ၢ်လံဝဲအသိး, ဒီးပှၤလၢအတြီသုသ့န့ၣ်တအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 2:25

စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.

လံာ်သိၣ်လီၤသီလီၤတၢ် 28:10

အန့ၣ်ဒီး, ကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢ, ကထံၣ်လၢယွၤဃုထၢတ့ၢ်သုဒ်သိးသုကမ့ၢ်အကစၢ်ဒၣ်ဝဲ အပှၤဂီၢ်မုၢ်, ဒီးအဝဲသ့ၣ်ကပျံၤဘၣ်သုန့ၣ်လီၤ.

လံာ်သိၣ်လီၤသီလီၤတၢ် 32:8

တၢ်ထီကတၢၢ်တဂၤန့ၣ်ပာ်လီၤန့ၢ်တ့ၢ်ပှၤကလုာ်တဖၣ်လၢအဝဲသ့ၣ် အထံအကီၢ်တဖၣ်, ဒီးအဝဲစံၣ်ညီၣ်တဲာ်တ့ၢ်ဝဲလၢပှၤဂီၢ်မုၢ်တဖၣ်ကဘၣ်အိၣ်ဆိးဖဲ လဲၣ်န့ၣ်လီၤ. ပှၤတကလုာ်စုာ်စုာ်အဂီၢ်န့ၣ်အဝဲပာ်လီၤန့ၢ်အီၤအကလူးလၢကအံး ထွဲကွၢ်ထွဲအီၤန့ၣ်လီၤ.

ဧ့ၤဘြံၤ 11:31

လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 2:8

တချူးဒံးဘၣ်လၢပှၤကွၢ်ဟုၣ်ကွၢ်စုးတၢ်ခံဂၤအံၤမံဒံးဘၣ်န့ၣ်, နီၢ်ရၤဃးလဲၤထီၣ်ဆူဟံၣ်ခိၣ်,

လံာ်စီၤယိၤၡူ 5:1

ဖဲပှၤအမိၢ်ဖိအစီၤပၤခဲလၢာ်လၢ အအိၣ်လၢထံကျိယၢ်ဒ့ၣ်အမုၢ်နုာ်, ဒီးပှၤကနၤဧၣ်ဖိအစီၤပၤခဲလၢာ်လၢအအိၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်အနံၤ, နၢ်ဟူဝဲလၢကစၢ်မၤလီၤသံးကွံာ်ယၢ်ဒ့ၣ်အထံတုၤလၢပှၤအံၣ်စရ့ လးဖိခဲလၢာ်ခီဂာ်တၢ်သ့သတးဒီး, အဝဲသ့ၣ်အသးလီၤစၢ်ဝဲဒီးတၢ်သူၣ်ဒူ သးဒူတအိၣ်လၢၤလၢအပူၤလၢပှၤအံၣ်စရ့လးဖိ တဖၣ်အဃိန့ၣ်လီၤ.

လံာ်စီၤယိၤၡူ 6:2

ယွၤစံးဘၣ်စီၤယိၤၡူ, “ယဟ့ၣ်လီၤဝ့ၢ်ယရံၤဃိ, ဃုာ်ဒီးအစီၤပၤဒီးအသုးမုၢ်သံၣ်ဘိလၢအဒူတဖၣ်ခဲလၢာ် လၢနစုပူၤလီၤ.

လံာ်စီၤယိၤၡူ 9:10

ဒီးတၢ်လၢအမၤဘၣ်ပှၤအမိၢ်ဖိအစီၤ ပၤခံဂၤလၢထံကျိယၢ်ဒ့ၣ်အမုၢ်ထီၣ်ဃ့ၡဘိၣ်အစီၤပၤစံ ဃိၣ်, ဒီးဘၤၡၣ်အစီၤပၤဧိာ်လၢအအိၣ်ဝဲလၢဧၤၡၤတြိးန့ၣ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.

လံာ်စီၤယိၤၡူ 9:9

အဝဲသ့ၣ်စံးဘၣ်အီၤ, “ပဝဲနခ့နပှၤတဖၣ်အံၤပဟဲလၢထံကီၢ်လၢအယံၤတဘ့ၣ်, မ့ၢ်လၢပနၢ်ဟူဘၣ်ယွၤနကစၢ်အဂ့ၢ်အဃိလီၤ. ပနၢ်ဟူဘၣ်တၢ်ခဲလၢာ်လၢအဝဲမၤဝဲလၢကီၢ်အဲၤကူပတူး အပူၤ,

လံာ်ပှၤစံၣ်ညီၣ်ကွီၢ် 7:14

အတံၤသကိးစံးဆၢအီၤ, “တၢ်န့ၣ်မ့ၢ်ပှၤအံၣ်စရ့လးဖိ စီၤယိၤအၣ်အဖိခွါစီၤကံးဒဧိၣ်အနးန့ၣ်လီၤ. အခီပညီအဂၤတအိၣ်ဘၣ်. ကစၢ်ယွၤဟ့ၣ်လီၤအီၤတၢ်မၤနၢၤလၢပှၤမံးဒယၣ်ဖိဒီးပဝဲသုးမုၢ် ဒီဖုညါအဖီခိၣ်လံ.”